ਤਰਨਤਾਰਨ: ਸੁਖਚੈਨ ਸਿੰਘ ਮਹਿਜ਼ 16 ਸਾਲ ਦੀ ਉਮਰ ਵਿੱਚ ਕ੍ਰਿਕਟ ਪ੍ਰੇਮੀਆਂ ਦੇ ਦਿਲਾਂ ਵਿੱਚ ਜਗ੍ਹਾ ਬਣਾਕੇ ਇਤਿਹਾਸ ਸਿਰਜ ਰਿਹਾ ਹੈ। ਉਸ ਦੀ ਤਮੰਨਾ ਹੈ ਕਿ ਉਹ ਭਾਰਤੀ ਕ੍ਰਿਕਟ ਦਾ ਹਿੱਸਾ (Part of Indian cricket) ਬਣੇ ਕੁਝ ਨੌਜਵਾਨ ਅਜਿਹੇ ਵੀ ਨੇ ਜਿਨ੍ਹਾਂ ਆਪਣੇ ਦੇਸ਼ ਸੂਬੇ ਅਤੇ ਖੇਤਰ ਦਾ ਨਾਂਅ ਰੌਸ਼ਨ ਕਰਨ ਲਈ ਜੀ ਜਾਨ ਦੀ ਮਿਹਨਤ ਕਰ ਰਹੇ ਹਨ। ਅਜਿਹਾ ਹੀ ਇੱਕ ਨੌਜਵਾਨ ਹੈ ਸਰਹੱਦੀ ਜ਼ਿਲ੍ਹਾਂ ਤਰਨਤਾਰਨ ਦੇ ਪਿੰਡ ਘੁਰਕਵਿੰਡ (Ghurakwind village in Tarn Taran district) ਦਾ ਸੁਖਚੈਨ ਸਿੰਘ ਹੈ।
ਸੁਖਚੈਨ ਸਿੰਘ (Sukhchain Singh) ਦੀ ਉਮਰ ਮਹਿਜ਼ 16 ਸਾਲ ਹੈ, ਪਰ ਕ੍ਰਿਕੇਟ ਦੇ ਖੇਤਰ ‘ਚ ਸੁਖਚੈਨ ਸਿੰਘ (Sukhchain Singh) ਹੁਣ ਧੁੰਮਾਂ ਪਾ ਰਿਹਾ ਹੈ। ਪਿਛਲੇ ਮਹੀਨੇ ਨੋਇਡਾ ‘ਚ ਹੋਏ ਯੰਗ ਸਟਾਰ ਕ੍ਰਿਕਟ ਲੀਗ (Young Star Cricket League) ‘ਚ ਸੁਖਚੈਨ ਸਿੰਘ ਨੇ ਬੈਸਟ ਬਾਲਰ ਦਾ ਐਵਾਰਡ ਜਿੱਤਿਆ ਹੈ। ਸੁਖਚੈਨ ਸਿੰਘ ਉਤਰਾਖੰਡ (Uttarakhand) ਵੱਲੋਂ ਖੇਡਿਆ ਅਤੇ 3 ਲੀਗ ਮੈਂਚਾਂ ‘ਚ 9 ਵਿਕਟਾਂ ਹਾਸਲ ਕੀਤੀਆਂ। ਹਾਲਾਂਕਿ ਉਤਰਾਖੰਡ ਦੀ ਟੀਮ ਸੈਮੀਫਾਇਨਲ ਤੱਕ ਵੀ ਨਹੀਂ ਪਹੁੰਚ ਸਕੀ, ਪਰ ਸੁਖਚੈਨ ਸਿੰਘ ਦੀ ਸਵਿੰਗ ਕਰਦੀ ਬੋਲ ਨੇ ਕਈਆਂ ਦੀਆਂ ਗਿੱਲੀਆਂ ਖਲਾਰੀਆਂ ਅਤੇ ਤੇਜ਼ ਗੇਂਦਬਾਜ਼ ਸੁਖਚੈਨ ਸਿੰਘ ਨੇ ਟੂਰਨਾਮੈਂਟ ਦਾ ਇੱਕ ਅਹਿਮ ਖਿਤਾਬ ਅਪਣੇ ਨਾਂਅ ਕੀਤਾ। ਟੂਰਨਾਮੈਂਟ ‘ਚ ਸੁਖਚੈਨ ਸਿੰਘ ਇੱਕ ਮੈਚ ‘ਚ ਮੈਨ ਆਫ ਦਾ ਮੈਚ ਵੀ ਰਿਹਾ, ਜਦੋਂਕਿ ਟੂਰਨਾਮੈਂਟ ਦਾ ਬੇਸਟ ਬਾਲਰ ਵੀ ਘੋਸ਼ਿਤ ਕੀਤਾ ਗਿਆ।
ਇਸ ਮੌਕੇ ਸੁਖਚੈਨ ਸਿੰਘ ਨੇ ਮੀਡੀਆ ਨਾਲ ਗੱਲ਼ਬਾਤ ਕਰਦੇ ਕਿਹਾ ਕਿ ਉਹ ਸਹਿਵਾਗ ਇੰਟਰਨੈਸ਼ਨਲ ਸਕੂਲ (Sehwag International School) ‘ਚ ਪਿਛਲੇ 4 ਸਾਲ ਤੋਂ ਕ੍ਰਿਕਟ ਦੀ ਟ੍ਰੇਨਿੰਗ ਲੈ ਰਿਹਾ ਹੈ। ਇਸ ਦੌਰਾਨ ਉਸ ਨੇ ਕਈ ਕ੍ਰਿਕੇਟ ਮੁਕਾਬਲੇ ਅਤੇ ਸੀਰੀਜ਼ ਖੇਡੀਆਂ ਚੰਗਾ ਪ੍ਰਦਰਸ਼ਨ ਕੀਤਾ ਹੈ। ਸੁਖਚੈਨ ਸਿੰਘ ਨੇ ਕਿਹਾ ਕਿ ਉਸ ਨੂੰ ਬਹੁਤ ਖੁਸ਼ੀ ਹੈ ਤੇ ਉਸ ਦੇ ਪਰਿਵਾਰ ਨੇ ਉਸ ਦਾ ਬਹੁਤ ਸਾਥ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਖ਼ਾਸ ਕਰਕੇ ਉਸ ਦੇ ਕੋਚ ਦਾ ਵੀ ਬਹੁਤ ਅਹਿਮ ਯੋਗਦਾਨ ਰਿਹਾ।