ਤਰਨਤਾਰਨ: ਪਿੰਡ ਲਾਲਪੁਰਾ ਵਿਖੇ ਬੈਂਕ ਦੇ ਕਰਜ਼ੇ ਤੋਂ ਪ੍ਰੇਸ਼ਾਨ ਇਕਬਾਲ ਸਿੰਘ ਨਾਮਕ ਨੋਜਵਾਨ ਵੱਲੋਂ ਆਤਮ-ਹੱਤਿਆ ਕਰ ਲੈਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਮ੍ਰਿਤਕ ਦੇ ਰਿਸ਼ਤੇਦਾਰਾਂ ਨੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਇਕਬਾਲ ਸਿੰਘ ਦੇ ਪਿਤਾ ਕਾਬਲ ਸਿੰਘ ਵੱਲੋਂ ਬੈਂਕ ਤੋਂ ਪੰਦਰਾ ਲੱਖ ਰੁਪਏ ਕਰਜ਼ਾ ਲਿਆ ਗਿਆ ਸੀ ਤੇ ਕਰਜ਼ੇ ਦੇ ਚੱਲਦਿਆਂ ਉਸਦੇ ਪਿਤਾ ਨੇ ਪੰਜ ਸਾਲ ਪਹਿਲਾਂ ਆਤਮ-ਹੱਤਿਆ ਕਰ ਲਈ ਗਈ ਸੀ। ਪਿਤਾ ਦੀ ਮੌਤ ਮਗਰੋਂ ਬੈਂਕ ਵਾਲੇ ਲਗਾਤਾਰ ਇਕਬਾਲ ਸਿੰਘ ਨੂੰ ਕਰਜ਼ੇ ਲਈ ਪ੍ਰੇਸ਼ਾਨ ਕਰ ਰਹੇ ਸਨ। ਇਸ ਮਾਨਸਿਕ ਪ੍ਰੇਸ਼ਾਨੀ ਦੇ ਚੱਲਦਿਆਂ ਨੌਜਵਾਨ ਇਕਬਾਲ ਸਿੰਘ ਨੇ ਵੀ ਪਿਤਾ ਤੋ ਬਾਅਦ ਆਤਮ-ਹੱਤਿਆ ਦਾ ਰਾਹ ਚੁਣਿਆ। ਮ੍ਰਿਤਕ ਇਕਬਾਲ ਸਿੰਘ ਆਪਣੇ ਪਿੱਛੇ ਬਿਰਧ ਮਾਤਾ ਅਤੇ ਪੰਜ ਸਾਲ ਦੀ ਬੱਚੀ ਛੱਡ ਗਿਆ ਹੈ।
ਕਰਜ਼ੇ ਕਾਰਣ ਪੁੱਤਰ ਨੇ ਕੀਤੀ ਆਤਮ-ਹੱਤਿਆ