ਤਰਨਤਾਰਨ: ਆਮ ਦੇਖਿਆ ਜਾਂਦਾ ਹੈ ਕਿ ਮੀਂਹ ਪੈਣ ਕਾਰਨ ਸੜਕਾਂ 'ਤੇ ਪਾਣੀ ਭਰ ਜਾਂਦਾ ਹੈ ਪਰ ਹਲਕਾ ਖੇਮਕਰਨ ਦੇ ਪਿੰਡ ਡੱਲ ਵਿੱਚ ਨਾਂ ਹੀ ਮੀਂਹ ਪਿਆ ਹੈ ਪਰ ਫਿਰ ਵੀ ਇੱਕ ਪਰਿਵਾਰ ਦਾ ਘਰ ਚਾਰੇ ਪਾਸਿਓਂ ਛੱਪੜ ਦੇ ਪਾਣੀ ਵਿੱਚ ਰਹਿਣ ਨੂੰ ਮਜਬੂਰ ਹੈ। ਇਸ ਬਾਰੇ ਪੀੜਤ ਪਰਿਵਾਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਛੋਟੇ-ਛੋਟੇ ਬੱਚਿਆਂ ਸਮੇਤ ਘਰ ਦੇ ਹੋਰ ਮੈਬਰਾਂ ਨੂੰ ਵੀ ਛੱਪੜ ਦੇ ਪਾਣੀ ਵਿੱਚੋਂ ਹੀ ਲੰਘ ਕਿ ਜਾਣਾ ਪੈਂਦਾ ਹੈ। ਇੱਥੇ ਤੱਕ ਕਿ ਉਨ੍ਹਾਂ ਦੇ ਘਰ ਦੇ ਬਾਹਰ ਰਾਹ ਵੀ ਨਹੀਂ ਹੈ ਤਾਂ ਕਿ ਉਹ ਆਸਾਨੀ ਨਾਲ ਘਰ ਤੋਂ ਬਾਹਰ ਜਾ ਸਕਣ। ਉਨ੍ਹਾਂ ਕਿਹਾ ਕਿ ਬਰਸਾਤਾਂ ਵੇਲੇ ਤਾਂ ਹੋਰ ਵੀ ਔਖਾ ਹੋ ਜਾਂਦਾ ਹੈ, ਪਰ ਬਿਨਾਂ ਬਰਸਾਤ ਤੋਂ ਵੀ ਅਜਿਹੇ ਹਾਲਾਤਾਂ ਵਿੱਚੋ ਗੁਜ਼ਰਨਾ ਪੈ ਰਿਹਾ ਹੈ।
ਪਿੰਡ ਡੱਲ 'ਚ ਨਰਕ ਭਰੀ ਜ਼ਿੰਦਗੀ ਜਿਉਣ ਨੂੰ ਮਜਬੂਰ ਗਰੀਬ ਪਰਿਵਾਰ