ਤਰਨ ਤਾਰਨ: ਪੱਛਮੀ ਪਹਿਰਾਵੇ ਤੋਂ ਮੂੰਹ ਮੋੜ ਨੌਜਵਾਨ ਪੀੜ੍ਹੀ ਇੱਕ ਵਾਰ ਫਿਰ ਆਪਣੇ ਪੁਰਾਤਨ ਸੱਭਿਆਚਾਰ ਵੱਲ ਪਰਤਣੀ ਸ਼ੁਰੂ ਹੋ ਗਈ ਹੈ। ਅਜਿਹੇ ਹੀ ਪੰਜਾਬੀ ਸੱਭਿਆਚਾਰ ਦੀ ਇੱਕ ਝਲਕ ਜ਼ਿਲ੍ਹਾ ਤਰਨ ਤਾਰਨ ਦੇ ਬਲਾਕ ਖਡੂਰ ਸਾਹਿਬ ਦੇ ਅਧੀਨ ਪੈਂਦੇ ਪਿੰਡ ਬਿਹਾਰੀਪੁਰ 'ਚ ਵੇਖਣ ਨੂੰ ਮਿਲੀ।
ਵੇਖੋ ਵਿਡੀਉ
ਜਿੱਥੇ ਇੱਕ ਵਿਆਹ ਦੌਰਾਨ ਨਾਨਕਾ ਮੇਲ ਬੈਲ ਗੱਡੇ 'ਤੇ ਸਵਾਰ ਹੋ ਕੇ ਤੇ ਕਿਸਾਨੀ ਮਜਦੂਰ ਸੰਘਰਸ਼ ਕਮੇਟੀ ਦਾ ਝੰਡਾ ਲਗਾ ਕੇ ਆਇਆ ਤੇ ਜਦੋਂ ਇਹ ਨਾਨਕਾ ਮੇਲ ਪਿੰਡ ਦੀ ਜੂਹ 'ਚ ਪਹੰਚਿਆ ਤਾਂ ਲੋਕ ਤੱਕਦੇ ਹੀ ਰਹਿ ਗਏ। ਇਸ ਮੌਕੇ ਮੇਲਣਾਂ ਦੇ ਸਿਰ 'ਤੇ ਜਿੱਥੇ ਸੱਗੀ ਫੁੱਲ ਮੱਥੇ ਤੇ ਟਿੱਕੇ ਮੋਢਿਆਂ ਤੇ ਫੁਲਕਾਰੀਆਂ ਫੁੱਬ ਰਹੀਆਂ ਸਨ ਉੱਥੇ ਹੀ ਨੌਜਵਾਨਾਂ ਦੇ ਗਲਾ ਪਾਏ ਕੈਠੇ ਤੇ ਹੱਥਾਂ 'ਚ ਖੂੰਡੇ ਵੱਖਰੀ ਹੀ ਟੌਹਰ ਬਣਾ ਰਹੇ ਸਨ।