ਤਰਨਤਾਰਨ: ਗੋਇੰਦਵਾਲ ਸਾਹਿਬ ਵਿਖੇ ਬਿਆਸ ਦਰਿਆ ਵਿੱਚ ਪੁਲਿਸ ਦੇ ਨੱਕ ਥੱਲੇ ਰੇਤੇ ਦੀ ਨਜਾਇਜ਼ ਮਾਈਨਿੰਗ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਥਾਣੇ ਤੋਂ ਮਹਿਜ਼ 500 ਮੀਟਰ ਦੂਰੀ 'ਤੇ ਮਾਈਨਿੰਗ ਹੋ ਰਹੀ ਹੈ।
ਰੇਤ ਮਾਫੀਆ ਦੇ ਹੌਸਲੇ ਇੰਨੇ ਬੁਲੰਦ ਹਨ ਕਿ ਉਨ੍ਹਾਂ ਵੱਲੋ ਥਾਣੇ ਤੋਂ ਮਹਿਜ਼ 500 ਮੀਟਰ ਦੀ ਦੂਰੀ 'ਤੇ ਦਰਿਆਂ ਵਿੱਚ ਵਰਮਾ ਲਗਾ ਕੇ ਰੇਤ ਮਾਈਨਿੰਗ ਦਾ ਕਾਲਾ ਕਾਰੋਬਾਰ ਕੀਤਾ ਜਾ ਰਿਹਾ ਅਤੇ ਦਰਿਆਂ ਵਿੱਚੋਂ ਰੇਤਾ ਬਾਹਰ ਕੱਢ ਰਾਤ ਸਮੇਂ ਟਰੱਕਾਂ ਟਰਾਲੀਆਂ ਵਿੱਚ ਲੋਡ ਕੀਤੀ ਜਾਂਦੀ ਹੈ।
ਪਤਾ ਚੱਲਿਆ ਹੈ ਕਿ ਰੇਤ ਮਾਈਨਿੰਗ ਦਾ ਇਹ ਗੋਰਖ ਧੰਦਾ ਪਿੱਛਲੇ ਲੰਮੇ ਸਮੇ ਤੋਂ ਚੱਲਿਆਂ ਆ ਰਿਹਾ ਹੈ ਇਲਾਕੇ ਦੇ ਲੋਕਾਂ ਵੱਲੋ ਰੇਤਾਂ ਦੀ ਨਜ਼ਾਇਜ ਮਾਈਨਿੰਗ ਕਰ ਰਹੇ ਲੋਕਾਂ ਖਿਲਾਫ਼ ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ ਹੈ।
ਸਾਡੀ ਟੀਮ ਨੇ ਜਦ ਮੌਕੇ 'ਤੇ ਜਾ ਕੇ ਦੇਖਿਆਂ ਤਾਂ ਦਰਿਆ ਵਿੱਚ ਵਰਮਾ ਲੱਗਾ ਹੋਇਆਂ ਸੀ ਤੇ ਰੇਤਾਂ ਦੀਆਂ ਢੇਰੀਆਂ ਮੌਕੇ 'ਤੇ ਬਾਹਰ ਪਈਆਂ ਹੋਈਆਂ ਸਨ ਪਰ ਰੇਤ ਮਾਫੀਆਂ ਦੇ ਬੰਦੇ ਸਾਡੀ ਟੀਮ ਆਉਣ ਦਾ ਪਤਾ ਲੱਗਣ 'ਤੇ ਫਰਾਰ ਹੋ ਚੁੱਕੇ ਸਨ।
ਮੌਕੇ ਤੋਂ ਮੋਜੂਦ ਸੀ.ਪੀ.ਆਈ ਦੇ ਆਗੂ ਬਲਦੇਵ ਸਿੰਘ ਧੂੰਦਾ, ਕਾਮਰੇਡ ਗੁਰਦਿਆਲ ਸਿੰਘ ਅਤੇ ਸਮਾਜ ਸੇਵੀ ਜੋਬਨਜੀਤ ਨੇ ਦੱਸਿਆਂ ਕਿ ਇਸ ਜਗ੍ਹਾਂ 'ਤੇ ਮੋਜੂਦਾ ਸਰਕਾਰ ਦੇ ਰਸੂਖਦਾਰ ਲੋਕਾਂ ਵੱਲੋਂ ਪੁਲਿਸ ਦੀ ਮਿਲੀ ਭੁਗਤ ਨਾਲ ਨਜਾਇਜ਼ ਤੌਰ 'ਤੇ ਰੇਤਾਂ ਕੱਢ ਕੇ ਮੋਟੀ ਕਮਾਈ ਕੀਤੀ ਜਾ ਰਹੀ ਹੈ ਨੇੜੇ ਹੀ ਪੈਦੇ ਥਾਣੇ ਦੀ ਪੁਲਿਸ ਸਭ ਕੁਝ ਜਾਣਦੇ ਹੋਏ ਅੱਖਾਂ ਮੀਟ ਕੇ ਸੁੱਤੀ ਹੋਈ ਹੈ।
ਉਨ੍ਹਾਂ ਨੇ ਦੱਸਿਆ ਕਿ ਉਨ੍ਹਾਂ ਨੇ ਬੀਤੀ ਰਾਤ ਵੀ ਪੁਲਿਸ ਨੂੰ ਖਣਨ ਵਿਭਾਗ ਵੱਲੋਂ ਛਾਪਾ ਮਾਰ ਕੇ ਪੁਲਿਸ ਨੂੰ ਦੋ ਟਰੱਕ ਫੜਾਏ ਗਏ ਸਨ ਜੋ ਕਿ ਸਥਾਨਕ ਪੁਲਿਸ ਵੱਲੋਂ ਛੱਡ ਦਿੱਤੇ ਗਏ ਹਨ ਉੱਕਤ ਲੋਕਾਂ ਵੱਲੋਂ ਰੇਤਾਂ ਦੀ ਨਜ਼ਾਇਜ ਖੁਦਾਈ ਕਰ ਰਹੇ ਲੋਕਾਂ ਖਿਲਾਫ਼ ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ ਹੈ।
ਇਸ ਸਬੰਧ 'ਚ ਤਰਨ ਤਾਰਨ ਦੇ ਡਿਪਟੀ ਕਮਿਸ਼ਨਰ ਪ੍ਰਦੀਪ ਸਭਰਵਾਲ ਨਾਲ ਗੱਲ ਕੀਤੀ ਤਾ ਉਨ੍ਹਾਂ ਨੇ ਕਿਹਾ ਕਿ ਉੱਕਤ ਮਾਮਲਾ ਉਨ੍ਹਾਂ ਦੇ ਧਿਆਨ ਵਿੱਚ ਆਇਆਂ ਹੈ, ਇਸ ਸਬੰਧ ਵਿੱਚ ਐਸਡੀਐਮ ਖਡੂਰ ਸਾਹਿਬ ਅਤੇ ਐਸਐਸਪੀ ਸਾਹਿਬ ਨੂੰ ਸਖ਼ਤ ਕਾਰਵਾਈ ਕਰਨ ਲਈ ਕਿਹਾ ਗਿਆਂ ਹੈ।
ਇਹ ਵੀ ਪੜੋ: ਸੁਪਰੀਮ ਕੋਰਟ ਵਿੱਚ ਸ਼ਿਵ ਸੈਨਾ, NCP ਅਤੇ ਕਾਂਗਰਸ ਦੀ ਪਟੀਸ਼ਨ 'ਤੇ ਸੁਣਵਾਈ ਸ਼ੁਰੂ
ਜਦ ਉਨ੍ਹਾਂ ਨੂੰ ਪੁੱਛਿਆਂ ਗਿਆਂ ਕਿ ਬੀਤੀ ਰਾਤ ਖਣਨ ਵਿਭਾਗ ਵੱਲੋ ਪੁਲਿਸ ਨੂੰ ਰੇਤਾ ਲੈ ਕੇ ਜਾ ਰਹੇ ਦੋ ਟਰੱਕ ਫੜਾਏ ਗਏ ਸਨ ਜੋ ਕਿ ਸਥਾਨਕ ਪੁਲਿਸ ਵੱਲੋ ਛੱਡ ਦਿੱਤੇ ਗਏ ਹਨ ਤਾਂ ਉਨ੍ਹਾਂ ਨੇ ਕਿਹਾ ਕਿ ਇਸ ਬਾਰੇ ਉਨ੍ਹਾਂ ਨੂੰ ਕੁਝ ਨਹੀ ਪਤਾ ਹੈ।
