Appeal : ਗ਼ਰੀਬ ਪਰਿਵਾਰ ਵੱਲੋਂ ਮਦਦ ਲਈ ਅਪੀਲ

ਤਰਨਤਾਰਨ ਦੇ ਪਿੰਡ ਘਰਿਆਲੀ ਰਾਡੀਆਂ ਦੀ ਗ਼ਰੀਬ ਮਹਿਲਾ ਮਨਜੀਤ ਕੌਰ ਨੇ ਘਰ ਦੀ ਮੰਦਹਾਲੀ ਨੂੰ ਲੈ ਕੇ ਸਮਾਜ ਸੇਵੀਆਂ (Social Workers) ਅੱਗੇ ਮਦਦ ਦੀ ਗੁਹਾਰ ਲਗਾਈ ਹੈ। ਲੋੜਮੰਦ ਮਨਜੀਤ ਕੌਰ ਨੇ ਕਿਹਾ ਅਸੀਂ ਘਰ ਪੱਕਾ ਕਰਨ ਦੀ ਸਕੀਮ (Scheme) ਨੂੰ ਲੈ ਕੇ ਕਈ ਵਾਰੀ ਫਾਰਮ ਭਰੇ ਹਨ ਪਰ ਸਾਡੀ ਕੋਈ ਸੁਣਵਾਈ ਨਹੀਂ ਹੋਈ।

ਤਰਨਤਾਰਨ :ਹਲਕਾ ਖੇਮਕਰਨ ਅਧੀਨ ਪੈਂਦੇ ਪਿੰਡ ਘਰਿਆਲੀ ਰਾਡੀਆਂ ਦੀ ਮਹਿਲਾ ਮਨਜੀਤ ਕੌਰ ਨੇ ਘਰ ਦੀ ਮੰਦਹਾਲੀ ਨੂੰ ਲੈ ਕੇ ਸਮਾਜ ਸੇਵੀਆਂ (Social Workers) ਤੋਂ ਮਦਦ ਦੀ ਗੁਹਾਰ ਲਈ ਹੈ। ਮਨਜੀਤ ਕੌਰ ਦਾ ਪਤੀ ਨਸ਼ੇੜੀ ਹੈ। ਉਸਦੀਆਂ ਚਾਰ ਧੀਆਂ ਸਨ ਜਿਨ੍ਹਾਂ ਵਿਚੋਂ ਦੋ ਧੀਆਂ ਦਾ ਵਿਆਹ ਕਰ ਚੁੱਕੀ ਹੈ ਅਤੇ ਦੋ ਧੀਆਂ ਕੁਆਰੀਆਂ ਹਨ। ਮਨਜੀਤ ਦੀ ਇਕ ਧੀ ਅੰਗਹੀਣ(Crippled) ਹੈ ਜੋ ਕੰਮ ਨਹੀਂ ਕਰ ਸਕਦੀ ਹੈ।

ਮਨਜੀਤ ਕੌਰ ਨੇ ਦੱਸਿਆ ਕਿ ਉਸ ਨੇ ਕਈ ਵਾਰ ਆਪਣੇ ਘਰ ਤੇ ਬਾਥਰੂਮ ਸਕੀਮ ਸਬੰਧੀ ਫ਼ਾਰਮ ਭਰ ਕੇ ਸਰਪੰਚ (Sarpanch) ਨੂੰ ਦਿੱਤੇ ਹਨ ਪਰ ਕੋਈ ਵੀ ਉਸ ਦੀ ਸਾਰ ਲੈਣ ਨਹੀਂ ਆਇਆ।ਉਨ੍ਹਾਂ ਕਿਹਾ ਹੈ ਕਿ ਉਸ ਦਾ ਸਾਰਾ ਹੀ ਘਰ ਕੱਚਾ ਹੈ ਅਤੇ ਘਰ ਦੀਆਂ ਛੱਤਾਂ ਕਾਨਿਆਂ ਦੀਆਂ ਹਨ ਅਤੇ ਹਨ੍ਹੇਰੀ ਝੱਖੜ ਸਮੇਂ ਤਾਂ ਉਨ੍ਹਾਂ ਨੂੰ ਡਰ ਲੱਗਾ ਰਹਿੰਦਾ ਹੈ ਕਿ ਇਹ ਸਾਰਾ ਕੁਝ ਉਨ੍ਹਾਂ ਦੇ ਉੱਪਰ ਨਾ ਡਿੱਗ ਪਵੇ। ਮਨਜੀਤ ਕੌਰ ਨੇ ਦੱਸਿਆ ਕਿ ਉਹ ਲੋਕਾਂ ਦੇ ਘਰਾਂ ਵਿੱਚ ਕੰਮਕਾਰ ਕਰਕੇ ਆਪਣਾ ਘਰ ਦਾ ਮਸਾਂ ਗੁਜ਼ਾਰਾ ਕਰ ਰਹੀ ਹੈ।

ਮਨਜੀਤ ਕੌਰ ਨੇ ਦੱਸਿਆ ਕਿ ਘਰ ਦੇ ਵਿੱਚ ਨਾ ਤਾਂ ਅਜੇ ਤੱਕ ਬਿਜਲੀ ਵਾਲਾ ਮੀਟਰ ਲੱਗਾ ਹੈ ਅਤੇ ਨਾ ਹੀ ਘਰ ਵਿੱਚ ਕੋਈ ਪਾਣੀ ਦਾ ਪ੍ਰਬੰਧ ਹੈ। ਜਿਸ ਕਰਕੇ ਉਨ੍ਹਾਂ ਨੂੰ ਲੋਕਾਂ ਦੇ ਘਰਾਂ ਵਿੱਚੋਂ ਪਾਣੀ ਲਿਆਉਣਾ ਪੈਂਦਾ ਹੈ। ਮਨਜੀਤ ਕੌਰ ਨੇ ਦੱਸਿਆ ਕਿ ਉਸ ਦੀ ਇੱਕ ਧੀ ਦੀ ਬਾਂਹ ਸੱਤ ਸਾਲ ਪਹਿਲਾਂ ਟੋਕੇ ਵਾਲੀ ਮਸੀਨ ਵਿੱਚ ਆ ਗਈ ਸੀ ਅਤੇ ਉਸ ਕਾਰਨ ਉਹ ਅੰਗਹੀਣ ਹੋ ਗਈ ਹੈ। ਮਨਜੀਤ ਕੌਰ ਨੇ ਸਮਾਜ ਸੇਵੀਆਂ ਤੋਂ ਮੰਗ ਕੀਤੀ ਹੈ ਕਿ ਸਾਡੀ ਮਦਦ ਕੀਤੀ ਜਾਵੇ।

ਮਨਜੀਤ ਕੌਰ ਦਾ ਕਹਿਣਾ ਹੈ ਕਿ ਜੇਕਰ ਕੋਈ ਵਿਅਕਤੀ ਸਾਡੀ ਮਦਦ ਕਰਨਾ ਚਾਹੁੰਦਾ ਹੈ ਤਾਂ ਇਨ੍ਹਾਂ ਮੋਬਾਈਲ ਨੰਬਰਾਂ 7009365474 ਅਤੇ 7527807726 ਉਤੇ ਕਾਲ ਕਰਕੇ ਮਦਦ ਕਰ ਸਕਦਾ ਹੈ।