27 ਮੈਡਲ ਜੇਤੂ 11 ਸਾਲਾ ਬੱਚੀ ਪਰਾਲੀ ਦੀ ਛੱਤ ਹੇਠਾ ਰਹਿਣ ਲਈ ਮਜ਼ਬੂਰ
ਤਰਨਤਾਰਨ:ਅਕਸਰ ਹੀ ਬਹੁਤ ਸਾਰੇ ਖਿਡਾਰੀ ਬਚਪਨ ਤੋਂ ਗਰੀਬੀ ਕਾਰਨ ਆਪਣੀ ਮੰਜ਼ਿਲ ਤੱਕ ਨਹੀਂ ਪਹੁੰਚ ਪਾਉਂਦੇ। ਅਜਿਹਾ ਹੀ ਕੁੱਝ ਦੇਖਣ ਨੂੰ ਮਿਲਿਆ ਹੈ। ਜ਼ਿਲ੍ਹਾ ਤਰਨਤਾਰਨ ਦੀ ਬਲਾਕ ਗੰਡੀਵਿੰਡ ਦੇ ਪਿੰਡ ਹਵੇਲੀਆਂ ਤੋਂ ਜਿੱਥੇ 11 ਸਾਲਾ ਬੱਚੀ ਜਿਸ ਨੇ ਪੰਜਾਬ ਲਈ 27 ਮੈਡਲ ਜਿੱਤੇ ਹਨ। ਪਰ ਦੂਜੇ ਪਾਸੇ ਇਹ ਬੱਚੀ ਪਰਿਵਾਰ ਸਮੇਤ ਕਾਨਿਆਂ ਦੀਆਂ ਕੰਧਾਂ ਅਤੇ ਪਰਾਲੀ ਦੀ ਪਾਈ ਛੱਤ ਵਿੱਚ ਰਹਿਣ ਲਈ ਮਜਬੂਰ ਹੈ।
ਪੰਜਾਬ ਸਰਕਾਰ ਵੱਲੋਂ ਇਸ ਧੀ ਨੂੰ ਅਣਗੌਲਿਆਂ ਕੀਤਾ:-ਦੱਸ ਦਈਏ ਕਿ ਇਹ 11 ਸਾਲਾ ਬੱਚੀ ਕ੍ਰਿਸ਼ਨਾ ਕੁਮਾਰੀ ਨੇ ਪੰਜਾਬ ਦੇ ਸ੍ਰੀ ਅਨੰਦਪੁਰ ਸਾਹਿਬ ਵਿਚ ਹੋਈਆਂ ਖੇਡਾਂ ਵਿੱਚੋਂ ਬੈਡਮਿੰਟਨ ਅਤੇ ਗੋਲਾ ਸੁੱਟਣ ਪਿੱਛੋਂ ਦੂਜਾ ਸਥਾਨ ਪ੍ਰਾਪਤ ਕਰਕੇ ਆਪਣੇ ਜ਼ਿਲ੍ਹੇ ਅਤੇ ਪੰਜਾਬ ਦਾ ਨਾਂ ਰੌਸ਼ਨ ਕੀਤਾ ਹੈ। ਉੱਥੇ ਹੀ ਪੰਜਾਬ ਸਰਕਾਰ ਵੱਲੋਂ ਇਸ ਧੀ ਨੂੰ ਅਣਗੌਲਿਆਂ ਕਰਦਿਆ, ਜਿਸ ਦੀ ਕੋਈ ਵੀ ਮਾਲੀ ਮਦਦ ਨਹੀਂ ਕੀਤੀ ਗਈ।