ਮਜ਼ਦੂਰ ਦੇ ਕਮਰੇ ਨੂੰ ਲੱਗੀ ਅੱਗ , ਸਾਰਾ ਸਾਮਾਨ ਸੜ ਕੇ ਸੁਆਹ

ਪਿੰਡ ਡੱਲ ’ਚ ਇੱਕ ਮਜ਼ਦੂਰ ਦੇ ਕਮਰੇ ਨੂੰ ਭਿਆਨਕ ਅੱਗ ਲੱਗ ਗਈ। ਅੱਗ ਕਾਰਨ ਮਜ਼ਦੂਰ ਦੇ ਕਮਰੇ ਚ ਪਿਆ ਸਾਰਾ ਸਮਾਨ ਸੜ ਕੇ ਸੁਆਹ ਹੋ ਗਿਆ। ਪੀੜਤ ਮਜ਼ਦੂਰ ਨੇ ਮਦਦ ਦੀ ਅਪੀਲ ਕੀਤੀ ਹੈ।

ਤਰਨਤਾਰਨ: ਪਿੰਡ ਡੱਲ ’ਚ ਇੱਕ ਮਜ਼ਦੂਰ ਦੇ ਕਮਰੇ ਨੂੰ ਭਿਆਨਕ ਅੱਗ ਲੱਗ ਗਈ। ਦੱਸ ਦਈਏ ਕਿ ਅੱਗ ਇਨ੍ਹੀ ਜਿਆਦਾ ਭਿਆਨਕ ਸੀ ਕਿ ਮਜ਼ਦੂਰ ਦੇ ਕਮਰੇ ਚ ਪਿਆ ਸਾਰਾ ਸਮਾਨ ਸੜ ਕੇ ਸੁਆਹ ਹੋ ਗਿਆ।

ਲਾਈਟ ਜਾਣ ਕਾਰਨ ਜਲਾਈ ਸੀ ਮੋਮਬੱਤੀ

ਪੀੜਤ ਮਜਦੂਰ ਨੇ ਦੱਸਿਆ ਕਿ ਉਹ ਰਾਤ ਨੂੰ ਕੰਮ ਕਰਕੇ ਕਮਰੇ ਚ ਆਇਆ ਸੀ। ਇਸ ਦੌਰਾਨ ਲਾਈਟ ਗਈ ਹੋਣ ਕਾਰਨ ਉਸਨੇ ਮੋਮਬੱਤੀ ਜਲਾ ਕੇ ਫਰਿੱਜ ’ਤੇ ਰੱਖ ਦਿੱਤੀ। ਕੰਮ ਤੋਂ ਥੱਕੇ ਹੋਣ ਕਾਰਨ ਉਸਨੂੰ ਨੀਂਦ ਆ ਗਈ। ਪਰ ਜਿਵੇਂ ਹੀ ਉਸਦੀ ਅੱਖ ਖੁੱਲ੍ਹੀ ਤਾਂ ਖੁਦ ਨੂੰ ਅੱਗ ਦੇ ਵਿੱਚ ਪਾਇਆ। ਕਮਰੇ ਚ ਲੱਗੀ ਅੱਗ ਦਾ ਧੂਆਂ ਉਸਦੀਆਂ ਅੱਖਾਂ ਚ ਆ ਗਿਆ ਜਿਸ ਕਾਰਨ ਉਸਨੂੰ ਦਿਸਣੋਂ ਵੀ ਹੱਟ ਗਿਆ। ਬਹੁਤ ਹੀ ਕੋਸ਼ਿਸ਼ਾਂ ਤੋਂ ਬਾਅਦ ਉਸਨੇ ਖੁਦ ਨੂੰ ਅੱਗ ਤੋਂ ਬਚਾਇਆ। ਪਰ ਉਸਦਾ ਸਾਰਾ ਸਮਾਨ ਸੜ ਕੇ ਸੁਆਹ ਹੋ ਗਿਆ।

ਪੀੜਤ ਮਜਦੂਰ ਨੇ ਮਦਦ ਦੀ ਕੀਤੀ ਅਪੀਲ

ਪੀੜਤ ਮਜ਼ਦੂਰ ਸੁੱਖਾ ਸਿੰਘ ਨੇ ਦੱਸਿਆ ਕਿ ਉਹ ਮਿਹਨਤ ਮਜ਼ਦੂਰੀ ਕਰਕੇ ਆਪਣਾ ਗੁਜ਼ਾਰਾ ਕਰਦਾ ਹੈ ਪਰ ਅੱਗ ਕਾਰਨ ਉਸਦਾ ਸਾਰਾ ਸਾਮਾਨ ਸੜ ਕੇ ਸੁਆਹ ਹੋ ਗਿਆ। ਜਿਸ ਕਾਰਨ ਉਸ ਕੋਲ ਹੁਣ ਕੁਝ ਵੀ ਨਹੀਂ ਬਚਿਆ ਹੈ। ਪਹਿਲਾਂ ਹੀ ਉਹ ਗਰੀਬੀ ਚ ਆਪਣੀ ਜਿੰਦਗੀ ਗੁਜ਼ਾਰ ਰਿਹਾ ਸੀ। ਦੱਸ ਦਈਏ ਕਿ ਪੀੜਤ ਮਜ਼ਦੂਰ ਨੇ ਦਾਨੀ ਸੱਜਣਾ ਤੋਂ ਮਦਦ ਦੀ ਅਪੀਲ ਕਰਦੇ ਹੋਏ ਕਿਹਾ ਕਿ ਦਾਨੀ ਵੀਰ ਉਸਦੇ ਲਈ ਰਾਸ਼ਨ ਅਤੇ ਹੋਰ ਸਾਮਾਨ ਦੀ ਸੇਵਾ ਕਰਕੇ ਉਸਦੀ ਮਦਦ ਕਰਨ ਤਾਂ ਜੋ ਉਹ ਆਪਣੀ ਜਿੰਦਗੀ ਨੂੰ ਮੁੜ ਸ਼ੁਰੂ ਕਰ ਸਕੇ। ਨਾਲ ਹੀ ਪੀੜਤ ਮਜ਼ਦੂਰ ਨੇ ਆਪਣਾ 9465019641 ਮੋਬਾਇਲ ਨੰਬਰ ਵੀ ਸਾਂਝਾ ਕੀਤਾ।

LOCATION

ਤਰਨਤਾਰਨ

BYTE

ਸੁੱਖਾ ਸਿੰਘ

ਪੀੜਤ, ਮਜ਼ਦੂਰ