ਸ੍ਰੀ ਮੁਕਤਸਰ ਸਾਹਿਬ: ਦਿਨ-ਦਿਹਾੜੇ ਹੋਈ ਲੁੱਟ, ਦੇਖੋ ਵੀਡੀਓ

ਗੁਰੂ ਅੰਗਦ ਦੇਵ ਨਗਰ ’ਚ ਦਿਨ-ਦਿਹਾੜੇ 2 ਮੋਟਰਸਾਈਕਲ ਸਵਾਰ ਹੱਥ ਵਿਚਲਾ ਬੈਗ ਖੋਹ ਕੇ ਲੈ ਗਏ। ਬੈਗ ਵਿੱਚ ਕਰੀਬ ਢਾਈ ਲੱਖ ਰੁਪਏ ਸੀ ਜੋ ਰਾਸ਼ੀ ਉਹ ਆਪਣੀ ਹਾਰਡਵੇਅਰ ਫੈਕਟਰੀ ’ਚੋਂ ਲੈ ਕੇ ਆਇਆ ਸੀ।

ਸ੍ਰੀ ਮੁਕਤਸਰ ਸਾਹਿਬ:ਜ਼ਿਲ੍ਹੇਦੇ ਗੁਰੂ ਅੰਗਦ ਦੇਵ ਨਗਰ ’ਚ ਦਿਨ-ਦਿਹਾੜੇ 2 ਮੋਟਰਸਾਈਕਲ ਸਵਾਰਾਂ ਨੇ ਲੁੱਟ ਦੀ ਘਟਨਾ ਨੂੰ ਅੰਜਾਮ ਦਿੱਤਾ। ਜਾਣਕਾਰੀ ਅਨੁਸਾਰ ਪੰਕਜ ਗੁਪਤਾ ਜੋ ਕਿ ਹਾਰਡਵੇਅਰ ਦਾ ਕੰਮ ਕਰਦਾ ਹੈ ਨੇ ਦੱਸਿਆ ਕਿ ਜਦ ਬਾਅਦ ਦੁਪਹਿਰ ਉਹ ਆਪਣੀ ਕਾਰ ’ਤੇ ਆਪਣੇ ਘਰ ਗੁਰੂ ਅੰਗਦ ਦੇਵ ਨਗਰ ਗਲੀ ਨੰਬਰ 9 ਵਿਖੇ ਪਹੁੰਚਿਆ ਤਾਂ ਘਰ ਦੇ ਬਾਹਰ ਕਾਰ ਖੜ੍ਹੀ ਕਰਕੇ ਉਸ ਨੇ ਘਰ ਦੇ ਗੇਟ ’ਚ ਘੰਟੀ ਵਜਾਈ ਤਾਂ ਉਸ ਦੀ ਕਾਰ ਦੇ ਪਿਛੇ ਹੀ ਇੱਕ ਮੋਟਰਸਾਈਕਲ ’ਤੇ ਸਵਾਰ ਹੋ ਆ ਰਹੇ 2 ਵਿਅਕਤੀਆਂ ’ਚੋਂ ਇੱਕ ਮੋਟਰਸਾਈਕਲ ਸਵਾਰ ਹੇਠਾਂ ਉਤਰਿਆ ਅਤੇ ਉਸ ਦੇ ਹੱਥ ਵਿਚਲਾ ਬੈਗ ਖੋਹ ਕੇ ਲੈ ਗਏ।

ਬੈਗ ਵਿੱਚ ਕਰੀਬ ਢਾਈ ਲੱਖ ਰੁਪਏ ਸੀ ਜੋ ਰਾਸ਼ੀ ਉਹ ਆਪਣੀ ਹਾਰਡਵੇਅਰ ਫੈਕਟਰੀ ’ਚੋਂ ਲੈ ਕੇ ਆਇਆ ਸੀ। ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਪੁਲਿਸ ਪਾਰਟੀ ਮੌਕੇ ’ਤੇ ਪਹੁੰਚੀ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ। ਇਹ ਸਾਰੀ ਘਟਨਾ ਸੀਸੀਟੀਵੀ ਵਿੱਚ ਕੈਦ ਹੋ ਗਈ ਹੈ।