ਸ੍ਰੀ ਮੁਕਤਸਰ ਸਾਹਿਬ: ਕੁਝ ਦਿਨ ਪਹਿਲਾਂ ਸ੍ਰੀ ਮੁਕਤਸਰ ਸਾਹਿਬ 'ਚ ਅਧਿਕਾਰੀਆਂ ਤੇ ਸਿਆਸਤਦਾਨਾਂ ਦੀ ਮਾਂ ਲਵਾਰਿਸ ਮਿਲਣ ਉਪਰੰਤ ਮੌਤ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਸੀ। ਇਸ ਮਾਮਲੇ ਨੂੰ ਹਾਲੇ ਕੁਝ ਦਿਨ ਹੀ ਬੀਤੇ ਸੀ ਕਿ ਇੱਕ ਹੋਰ ਅਜਿਹਾ ਹੀ ਮਾਮਲਾ ਪਿੰਡ ਉਦੈਕਰਨ ਤੋਂ ਸਾਹਮਣੇ ਆਇਆ ਹੈ। ਪਿੰਡ ਦੇ ਬਾਹਰ ਬਣੇ ਕੱਚੇ-ਖੰਡਰਨੁਮਾ ਘਰ 'ਚ 85 ਸਾਲ ਦੀ ਅਧਰੰਗ ਪੀੜਤ ਬਜ਼ੁਰਗ ਔਰਤ ਸੁਖਦੇਵ ਕੌਰ ਆਪਣੀ ਦਿਵਿਆਂਗ ਧੀ ਅਤੇ ਪੁੱਤਰ ਨਾਲ ਰਹਿੰਦੀ ਹੈ।
ਵੀਡੀਓ
ਇਹ ਪਰਿਵਾਰ ਗਰੀਬੀ ਅਤੇ ਕੁਦਰਤ ਦੀ ਮਾਰ ਹੇਠ ਬਿਮਾਰੀ ਵਾਲਾ ਜੀਵਨ ਜੀਣ ਨੂੰ ਮਜਬੂਰ ਹੈ। ਜਦੋਂ ਈਟੀਵੀ ਭਾਰਤ ਦੀ ਟੀਮ ਉਨ੍ਹਾਂ ਦੇ ਘਰ ਪੁੱਜੀ ਤਾਂ ਸੁਖਦੇਵ ਕੌਰ ਤੇ ਉਸਦੇ ਪੁੱਤ ਨੇ ਦੱਸਿਆ ਕਿ ਉਨ੍ਹਾਂ ਇੱਕ ਰਿਸ਼ਤੇਦਾਰ ਔਰਤ, ਉਸ ਦੀ ਮਾਂ ਦਾ ਪਾਲਣ-ਪੋਸ਼ਣ ਕਰਨ ਵਾਸਤੇ ਲੌਕਡਾਊਨ ਦੌਰਾਨ ਮਈ ਮਹੀਨੇ 'ਚ ਆਪਣੇ ਘਰ ਲੈ ਗਈ। ਘਰ ਲਿਜਾ ਕੇ ਉਸ ਨੇ ਬਜ਼ੁਰਗ ਔਰਤ ਸੁਖਦੇਵ ਕੌਰ ਦੀ 25 ਲੱਖ ਰੁਪਏ ਦੀ ਜ਼ਮੀਨ ਦੀ ਰਜਿਸਟਰੀ ਧੋਖੇ ਨਾਲ ਆਪਣੇ ਨਾਂਅ ਕਰਵਾ ਲਈ ਅਤੇ ਕੋਈ ਪੈਸਾ ਵੀ ਨਹੀਂ ਦਿੱਤਾ।