ਸ੍ਰੀ ਮੁਕਤਸਰ ਸਾਹਿਬ:ਨਹਿਰੀ ਪਾਣੀ (Canal Water)ਦੀਆਂ ਸ਼ਿਕਾਇਤਾਂ ਨੂੰ ਲੈ ਕੇ ਈਟੀਵੀ ਭਾਰਤ ਦੀ ਟੀਮ ਨੇ ਸ੍ਰੀ ਮੁਕਤਸਰ ਸਾਹਿਬ ਦੇ ਇਕੱਤੀ ਵਾਰਡਾਂ (Wards)ਦਾ ਸਰਵੇ ਕੀਤਾ।ਜਿਨ੍ਹਾਂ ਵਿੱਚ ਤਕਰੀਬਨ ਪੰਜਾਹ ਹਜ਼ਾਰ ਦੇ ਕਰੀਬ ਵੋਟਰ ਹਨ।
ਸ੍ਰੀ ਮੁਕਤਸਰ ਸਾਹਿਬ ਵਾਸੀ ਨਹਿਰੀ ਪਾਣੀ ਨੂੰ ਤਰਸੇ
ਪਾਈਪ ਲਾਈਨ ਦੀ ਘਾਟ
ਸ੍ਰੀ ਮੁਕਤਸਰ ਸਾਹਿਬ ਦੇ ਕਈ ਲੋਕ ਹਾਲੇ ਵੀ ਨਹਿਰੀ ਪਾਣੀ ਤੋਂ ਵਾਂਝੇ ਹਨ।ਉਧਰ ਵਾਰਡ ਨੰਬਰ ਤੇਈ ਦੇ ਲੋਕ ਨਹਿਰੀ ਪਾਣੀ ਨੂੰ ਤਰਸ ਰਹੇ ਹਨ ਕਿਉਂਕਿ ਹਾਲੇ ਤੱਕ ਵਾਰਡ ਨੰਬਰ ਤੇਈ ਵਿਚ ਵਾਟਰ ਵਰਕਸ ਦੀ ਪਾਈਪ ਲਾਈਨ ਵੀ ਨਹੀਂ ਪਈ।
ਵਾਰਡ ਨੰਬਰ ਚੌਬੀ ਦੇ ਲੋਕਾਂ ਦਾ ਕਹਿਣਾ ਸੀ ਸਾਡੇ ਵਾਰਡ ਵਿਚ ਲੰਮੇ ਸਮੇਂ ਤੋਂ ਪੁਰਾਣੀਆਂ ਪਾਈਪਾਂ ਪਾਈਆਂ ਹੋਈਆਂ ਹਨ ਜੋ ਪੁਰਾਣੀਆਂ ਪਾਈਪ ਪਾਉਣ ਕਾਰਨ ਲੀਕੇਜ ਹੋ ਜਾਂਦੀਆਂ ਜਿਹੜਾ ਵਾਟਰ ਵਰਕਸ ਦਾ ਪਾਣੀ ਹੈ ਸੀਵਰੇਜ ਦਾ ਮਿਕਸ ਹੋ ਕੇ ਆਉਂਦਾ ਹੈ।