ਸੰਗਰੂਰ :ਇਸ ਨੂੰ ਲੈ ਕੇ ਸੰਗਰੂਰ ਵਿਖੇ ਬੀਜੇਪੀ ਆਗੂਆਂ ਤੇ ਵਰਕਰਾਂ ਵੱਲੋਂ ਇਕ ਇਕੱਠ ਕਰਕੇ ਜਿੱਥੇ ਰੋਸ ਮਾਰਚ ਪੈਦਲ ਮਾਰਚ ਕੱਢਿਆ ਗਿਆ ਉਥੇ ਹੀ ਜ਼ਿਲ੍ਹਾ ਪੁਲਿਸ ਮੁਖੀ ਨੂੰ ਵੀ ਇੱਕ ਮੰਗ ਪੱਤਰ ਕੈਪਟਨ ਅਮਰਿੰਦਰ ਸਿੰਘ ਦੇ ਨਾਂ ਤੇ ਦੇਣ ਜਾਣਾ ਸੀ, ਜਦੋਂ ਕਿਸਾਨ ਯੂਨੀਅਨ ਦੇ ਆਗੂਆਂ ਨੂੰ ਪਤਾ ਚੱਲਿਆ ਤਾਂ ਕਿਸਾਨ ਯੂਨੀਅਨ ਦੇ ਆਗੂ ਤੇ ਮੈਂਬਰ ਵੱਡੀ ਗਿਣਤੀ 'ਚ ਇਕੱਠੇ ਹੋਣ ਲੱਗੇ। ਅਤੇ ਇਕੱਠਿਆਂ ਹੋਣ ਉਪਰੰਤ ਉਨ੍ਹਾਂ ਪੁਲਿਸ ਲਾਈਨ ਸੰਗਰੂਰ ਨੂੰ ਹੀ ਘੇਰਾ ਪਾ ਕੇ ਧਰਨਾ ਲਗਾ ਦਿੱਤਾ।
ਕਿਸਾਨਾਂ ਨੇ ਬੀਜੇਪੀ ਵਰਕਰਾਂ ਨੂੰ ਘੇਰਿਆ, ਸਥਿਤੀ ਤਣਾਅ ਪੂਰਨ
ਉੱਧਰ ਇੱਕ ਪਾਸੇ ਕਿਸਾਨ ਯੂਨੀਅਨ ਦੇ ਵੱਡੀ ਗਿਣਤੀ ਵਿਚ ਆਗੂ ਤੇ ਮੈਂਬਰ ਤੇ ਦੂਜੇ ਪਾਸੇ ਹੱਥਾਂ 'ਚ ਪਾਰਟੀ ਦੇ ਝੰਡੇ ਫੜੀ ਬੀਜੇਪੀ ਵਰਕਰ ਤੇ ਆਗੂ ਸਨ। ਇਹ ਸਥਿਤੀ ਆਹਮੋ-ਸਾਹਮਣੇ ਵਾਲੀ ਟਕਰਾਅ ਦੀ ਬਣੀ ਹੋਈ ਸੀ ਤੇ ਵਿੱਚ ਵਿਚਾਲੇ ਪੁਲਿਸ ਵੱਡੀ ਗਿਣਤੀ ਵਿੱਚ ਤੈਨਾਤ ਕੀਤੀ ਵੀ ਨਜ਼ਰ ਆ ਰਹੀ ਸੀ।