ਐਸਡੀਐਮ ਦਫ਼ਤਰ 'ਚ ਇਨਫਰਾਰੈੱਡ ਟੈਂਪਰੇਚਰ ਥਰਮਾਮੀਟਰ ਰਾਹੀਂ ਜਾਂਚ ਕਰਕੇ ਦਿੱਤੀ ਜਾਵੇਗੀ ਐਂਟਰੀ

ਮਲੇਰਕੋਟਲਾ ਦੇ ਐਸਡੀਐਮ ਦਫ਼ਤਰ ਵਿਖੇ ਇਨਫਰਾਰੈੱਡ ਟੈਂਪਰੇਚਰ ਥਰਮਾਮੀਟਰ ਲਗਾਇਆ ਗਿਆ ਹੈ। ਇਸ ਨਾਲ ਜਾਂਚ ਕਰਕੇ ਹੀ ਕਿਸੇ ਨੂੰ ਦਫਤਰ ਅੰਦਰ ਜਾਣ ਦਿੱਤਾ ਜਾਵੇਗਾ।

ਮਲੋਰਕੋਟਲਾ: ਪੰਜਾਬ ਵਿੱਚ ਕਰੋਨਾ ਵਾਇਰਸ ਦੇ ਮਾਮਲੇ ਲਗਾਤਾਰ ਵੱਧਦੇ ਜਾ ਰਹੇ ਹਨ। ਪ੍ਰਸ਼ਾਸਨ ਇਸ ਨੂੰ ਫੈਲਣ ਤੋਂ ਰੋਕਣ ਲਈ ਹਰ ਇੱਕ ਸੰਭਵ ਕੋਸ਼ਿਸ਼ ਜ਼ਮੀਨੀ ਪੱਧਰ ਉੱਤੇ ਕਰਦਾ ਆ ਰਿਹਾ ਹੈ ਪਰ ਹੁਣ ਮਲੇਰਕੋਟਲਾ ਐਸਡੀਐਮ ਦਫਤਰ ਵੱਲੋਂ ਇੱਕ ਨਿਵੇਕਲੀ ਪਹਿਲ ਕੀਤੀ ਗਈ ਹੈ।

ਹੁਣ ਕੋਈ ਵੀ ਵਿਅਕਤੀ ਜੇ ਐਸਡੀਐਮ ਦਫ਼ਤਰ ਮਲੇਰਕੋਟਲਾ ਵਿੱਚ ਆਉਂਦਾ ਹੈ ਤਾਂ ਉਸ ਦਾ ਟੈਂਪਰੇਚਰ ਇਨਫਰਾਰੈੱਡ ਥਰਮਾਮੀਟਰ ਨਾਲ ਚੈੱਕ ਕੀਤਾ ਜਾਵੇਗਾ ਜੇ ਕਿਸੇ ਵਿਅਕਤੀ ਦਾ ਟੈਂਪਰੇਚਰ ਜ਼ਿਆਦਾ ਦਿਖਾਈ ਦਿੱਤਾ ਤਾਂ ਉਸ ਨੂੰ ਸਰਕਾਰੀ ਹਸਪਤਾਲ ਵਿੱਚ ਇਲਾਜ ਕਰਵਾਉਣ ਦੀ ਸਲਾਹ ਦਿੱਤੀ ਜਾਵੇਗੀ।

ਮਲੇਰਕੋਟਲਾ ਦੇ ਐਸਡੀਐਮ ਵਿਕਰਮਜੀਤ ਸਿੰਘ ਪਾਂਥੇ ਨੇ ਜਾਣਕਾਰੀ ਦਿੰਦੇ ਦੱਸਿਆ ਕਿ ਇਹ ਇਨਫਰਾਰੈੱਡ ਥਰਮਾਮੀਟਰ ਰਾਹੀਂ ਦੂਰ ਤੋਂ ਹੀ ਵਿਅਕਤੀ ਦਾ ਟੈਂਪਰੇਚਰ ਮਾਪ ਲਿਆ ਜਾਵੇਗਾ ਅਤੇ ਜੇ ਕਿਸੇ ਵਿਅਕਤੀ ਦਾ ਟੈਂਪਰੇਚਰ ਜ਼ਿਆਦਾ ਹੋਇਆ ਤਾਂ ਉਸ ਨੂੰ ਅਹਿਤਿਆਤ ਦੇ ਤੌਰ ਉੱਤੇ ਸਰਕਾਰੀ ਹਸਪਤਾਲ ਭੇਜਿਆ ਜਾਵੇਗਾ।

ਉੱਥੇ ਉਸ ਦਾ ਇਲਾਜ ਕਰਵਾਇਆ ਜਾਵੇਗਾ ਅਤੇ ਜ਼ਰੂਰੀ ਟੈਸਟ ਕਰਵਾਏ ਜਾਣਗੇ। ਪੂਰੇ ਪੰਜਾਬ ਵਿੱਚ ਇਹ ਪਹਿਲੀ ਅਜਿਹੀ ਮਸ਼ੀਨ ਹੈ ਜੋ ਮਲੇਰਕੋਟਲਾ ਦਫ਼ਤਰ ਵਿਖੇ ਲਗਾਈ ਗਈ ਹੈ।