ਮੋਹਾਲੀ: ਪਿੰਡ ਬਲੌਂਗੀ ਵਿਖੇ ਕਾਂਗਰਸੀ ਤੇ ਭਾਜਪਾ ਉਮੀਦਵਾਰ ਦੇ ਸਮਰਥਕਾਂ ਵੱਲੋਂ ਇੱਕੋ ਥਾਂ ’ਤੇ ਚੁਣਾਵੀ ਰੈਲੀ ਤੇ ਧਾਰਮਿਕ ਸਮਾਗਮ ਕਰਨ ਦਾ ਮਾਮਲਾ ਗਰਮਾਇਆ ਵਿਖਾਈ ਦਿੱਤਾ ਹੈ। ਮਾਮਲੇ ਨੂੰ ਭਖਿਆ ਵੇਖ ਮੌਕੇ 'ਤੇ ਭਾਰੀ ਗਿਣਤੀ ਵਿੱਚ ਪੁਲਿਸ ਵੀ ਵਿਖਾਈ ਦਿੱਤੀ ਤਾਂ ਕਿ ਕੋਈ ਕਿਸੇ ਅਣਸੁਖਾਵੀਂ ਘਟਨਾ ਤੋਂ ਬਚਿਆ ਜਾ ਸਕੇ। ਇਸ ਰੈਲੀ ਵਿੱਚ ਭਾਜਪਾ ਦੇ ਸਾਂਸਦ ਤੇ ਪ੍ਰਸਿੱਧ ਗਾਇਕ ਫ਼ਿਲਮ ਸਟਾਰ ਮਨੋਜ ਤਿਵਾਰੀ ਪਹੁੰਚ ਰਹੇ ਸਨ ਜਿਸ ਨੂੰ ਲੈਕੇ ਵਿਵਾਦ ਭਖਿਆ ਹੈ।
ਮੁਹਾਲੀ ਦੇ ਇੱਕੋ ਸਥਾਨ ’ਤੇ ਦੋ ਪ੍ਰੋਗਰਾਮਾਂ ਨੂੰ ਲੈਕੇ ਕਾਂਗਰਸ ਅਤੇ ਅਕਾਲੀ ਦਲ ਆਹਮੋ-ਸਾਹਮਣੇ
ਭਖੇ ਮਾਮਲੇ ਬਾਰੇ ਜਾਣਕਾਰੀ ਦਿੰਦੇ ਹੋਏ ਬਲੌਂਗੀ ਦੇ ਸਰਪੰਚ ਬਹਾਦਰ ਸਿੰਘ ਉਰਫ਼ ਰਾਜੂ ਨੇ ਦੱਸਿਆ ਕਿ ਇਹ ਸਾਰਾ ਮਾਮਲਾ ਇੱਥੇ ਰੈਲੀ ਕਰਨ ਨੂੰ ਲੈਕੇ ਹੋਇਆ। ਉਨ੍ਹਾਂ ਨੇ ਕਿਹਾ ਕਿ ਕਾਂਗਰਸ ਵੱਲੋਂ ਪਿਛਲੇ ਤਿੰਨ ਦਿਨਾਂ ਤੋਂਲਗਾਤਾਰ ਪ੍ਰੋਗਰਾਮ ਕਰਾਉਣ ਲਈ ਮੁਹਾਲੀ ਪ੍ਰਸ਼ਾਸਨ ਤੋਂ ਇਜਾਜ਼ਤ ਲਈ ਗਈ ਸੀ। ਉਨ੍ਹਾਂ ਦੱਸਿਆ ਉਸੇ ਸਥਾਨ ਉੱਤੇ ਭਾਜਪਾ ਵੱਲੋਂ ਚੁਣਾਵੀ ਰੈਲੀ ਕੀਤੀ ਜਾਣੀ ਸੀ ਜਿਸ ਨੂੰ ਲੈਕੇ ਦੋਵੇਂ ਧਿਰਾਂ ਆਹਮੋ ਸਾਹਮਣੇ ਹੁੰਦੀਆਂ ਵਿਖਾਈ ਦਿੱਤੀਆਂ।