ਮੁਹਾਲੀ: ਨਗਰ ਨਿਗਮ ਵੱਲੋਂ ਪੂਰੇ ਸ਼ਹਿਰ ਵਿੱਚ ਲਗਭਗ ਨਵੀਆਂ ਟਾਈਲਾਂ ਲਗਾਈਆਂ ਜਾ ਰਹੀਆਂ ਹਨ। ਇਸ ਦੇ ਨਾਲ ਹੀ ਬਹੁਤ ਵੱਡੀ ਤਾਦਾਦ ਵਿੱਚ ਲੋਕਾਂ ਵੱਲੋਂ ਕੀਤੇ ਹੋਏ ਘਰਾਂ ਦੇ ਬਾਹਰ ਨਾਜਾਇਜ਼ ਕਬਜ਼ੇ ਵੀ ਹਟਾਏ ਜਾ ਰਹੇ ਹਨ। ਇਸ ਤੋਂ ਇਲਾਵਾ ਜਿਨ੍ਹਾਂ ਨੇ ਆਪਣੀਆਂ ਗਰਿੱਲਾਂ ਜਾਂ ਵਾੜੀਆਂ ਬਣਾ ਬਾਡੀਆਂ ਬਣਾਈਆਂ ਹੋਈਆਂ ਹਨ ਉਸ ਨੂੰ ਵੀ ਤੋੜ ਕੇ ਇਹ ਪੇਵਰ ਬਲਾਕ ਲਗਾਏ ਜਾ ਰਹੇ ਹਨ।
ਜਦੋਂ ਈਟੀਵੀ ਭਾਰਤ ਦੀ ਟੀਮ ਵੱਲੋਂ ਉਸ ਜਗ੍ਹਾ ਦਾ ਦੌਰਾ ਕੀਤਾ ਗਿਆ ਤਾ ਦੇਖਣ ਨੂੰ ਮਿਲਿਆ ਕੀ ਕੁਝ ਚਹੇਤਿਆਂ ਦੇ ਘਰ ਛੱਡ ਕੇ ਇਹ ਪੇਵਰ ਬਲਾਕ ਲਗਾਏ ਜਾ ਰਹੇ ਹਨ, ਨਾ ਤਾਂ ਉਨ੍ਹਾਂ ਦੇ ਕੋਈ ਕਬਜ਼ੇ ਹਟਾਏ ਗਏ ਹਨ, ਹਾਲਾਂਕਿ ਕਾਨੂੰਨੀ ਨੋਟਿਸ ਕਈ ਘਰਾਂ ਨੂੰ ਜ਼ਰੂਰ ਦਿੱਤੇ ਗਏ ਹਨ, ਪਰ ਕੰਮ ਕਰ ਰਹੇ ਠੇਕੇਦਾਰ ਅਤੇ ਨਾ ਹੀ ਇੰਜੀਨੀਅਰ ਵੱਲੋਂ ਕੋਈ ਇਨ੍ਹਾਂ ਘਰਾਂ ਦੇ ਕਬਜ਼ੇ ਹਟਾਉਣ ਦੀ ਕੋਈ ਪਹਿਲ ਕੀਤੀ ਗਈ ਹੈ।
ਇਸ ਬਾਰੇ ਆਮ ਲੋਕਾਂ ਦਾ ਕਹਿਣਾ ਹੈ ਜਿਸ ਜਗ੍ਹਾ ਉੱਪਰ ਟਾਇਲਾਂ ਨਹੀਂ ਲੱਗੀਆਂ ਉਸ ਦਾ ਫਾਇਦਾ ਜਾਂ ਤਾਂ ਠੇਕੇਦਾਰ ਨੂੰ ਹੋਵੇਗਾ ਜਾਂ ਪਰਦੇ ਦੇ ਪਿੱਛੇ ਸਬੰਧਤ ਅਧਿਕਾਰੀਆਂ ਨੂੰ ਹੋਵੇਗਾ। ਜ਼ਿਕਰਯੋਗ ਹੈ ਕਿ ਨਿਗਮਾਂ ਵੱਲੋਂ ਪਿੱਕ ਐਂਡ ਚੂਜ਼ ਦੀ ਪਾਲਿਸੀ ਨੂੰ ਨਹੀਂ ਅਪਣਾਉਣਾ ਚਾਹੀਦਾ। ਇਸ ਦੇ ਨਾਲ ਆਮ ਆਮ ਲੋਕਾਂ ਦਾ ਨੁਕਸਾਨ ਹੁੰਦਾ ਹੈ, ਕਿਉਂਕਿ ਆਮ ਲੋਕਾਂ ਨੂੰ ਨਾ ਤਾਂ ਗੱਡੀ ਖੜ੍ਹੀ ਕਰਨ ਨੂੰ ਜਗ੍ਹਾ ਮਿਲਦੀ ਹੈ ਅਤੇ ਨਾ ਹੀ ਲੰਘਣ ਵਾਲਿਆਂ ਨੂੰ ਕਈ ਵਾਰ ਸਕੂਲਾਂ ਦੇ ਨੇੜੇ ਇਹ ਚੀਜ਼ਾਂ ਹਾਦਸਿਆਂ ਦਾ ਵੀ ਕਾਰਨ ਬਣ ਜਾਂਦੀਆਂ ਹਨ।