ਮੋਹਾਲੀ: ਪਿੰਡ ਕੰਡਾਲਾ ਦੇ ਦੋ ਡੇਅਰੀ ਫਾਰਮਾਂ ਵਿੱਚ 100 ਦੇ ਕਰੀਬ ਮੱਝਾਂ ਤੇ ਗਾਵਾਂ ਦੀ ਮੌਤ ਹੋ ਗਈ ਹੈ। ਡੇਅਰੀ ਮਾਲਕਾਂ ਦਾ ਦੋਸ਼ ਹੈ ਕਿ ਛੇਤੀ ਡਾਕਟਰਾਂ ਦੀ ਮਦਦ ਨਾ ਮਿਲਣ ਕਾਰਨ ਪਸ਼ੂਆਂ ਨੇ ਦਮ ਤੋੜ ਦਿੱਤਾ। ਮੌਤ ਦੇ ਕਾਰਨਾਂ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ ਪਰ ਅਜਿਹਾ ਖ਼ਦਸ਼ਾ ਜਤਾਇਆ ਜਾ ਰਿਹਾ ਹੈ ਬਾਹਰ ਤੋਂ ਆਏ ਵੇਸਟਿਸ ਖਾਣੇ ਦੇ ਕਾਰਨ ਮੌਤ ਹੋਣੀ ਸ਼ੁਰੂ ਹੋਈ ਹੈ।
ਪਿੰਡ ਕੰਡਾਲਾ ਡੇਅਰੀ ਦੇ ਸੰਚਾਲਕ ਤਰਸੇਮ ਸਿੰਘ ਅਤੇ ਜਸਵੰਤ ਸਿੰਘ ਰਾਜੂ ਹਨ। ਪਿਛਲੇ ਤਿੰਨ ਦਿਨ ਤੋਂ ਡੇਅਰੀ ਫਾਰਮ ਵਿੱਚ ਇੱਕ-ਇੱਕ ਕਰਕੇ ਪਸ਼ੂਆਂ ਦੀ ਮੌਤ ਹੋ ਰਹੀ ਹੈ ਅਤੇ ਸੌ ਦੇ ਕਰੀਬ ਪਸ਼ੂ ਮਰ ਚੁੱਕੇ ਹਨ ਪਰ ਮਰਨ ਦੀ ਗਿਣਤੀ ਵਧਣ ਤੋਂ ਬਾਅਦ ਵੀ ਕੋਈ ਵੀ ਪ੍ਰਸ਼ਾਸਨ ਦਾ ਨੁਮਾਇੰਦਾ ਸਾਰ ਲੈਣ ਲਈ ਨਹੀਂ ਪਹੁੰਚਿਆ ਜਦੋਂ ਗਿਣਤੀ ਪੰਜਾਹ ਤੋਂ ਜ਼ਿਆਦਾ ਵਧੀ ਤਾਂ ਡਾਕਟਰਾਂ ਨੇ ਉੱਥੇ ਪਹੁੰਚ ਕੇ ਇਲਾਜ ਸ਼ੁਰੂ ਕੀਤਾ ਅਤੇ ਨਾਲ ਹੀ ਇਹ ਵੀ ਕਹਿ ਦਿੱਤਾ ਕਿ ਬਾਕੀ ਮੱਝਾਂ ਤੇ ਗਾਈਆਂ ਵੀ ਮਰ ਜਾਣਗੀਆਂ।
ਪਸ਼ੂ ਪਾਲਣ ਵਿਭਾਗ ਦੇ ਜੁਆਇੰਟ ਡਾਇਰੈਕਟਰ ਡਾ. ਸੰਜੀਵ ਕੌਸ਼ਲ ਨੇ ਕਿਹਾ ਕਿ ਡੇਅਰੀ ਮਾਲਕਾਂ ਵੱਲੋਂ ਮਰੀਆਂ ਮੱਝਾਂ ਅਤੇ ਗਾਈਆਂ ਨੂੰ ਬਾਅਦ ਵਿੱਚ ਚੱਕ ਦਿੱਤਾ ਗਿਆ ਇਸ ਲਈ ਪੋਸਟਮਾਰਟਮ ਸਾਰੇ ਪਸ਼ੂਆਂ ਦਾ ਨਹੀਂ ਹੋ ਸਕਿਆ। ਉਨ੍ਹਾਂ ਕਿਹਾ ਕਿ ਸਾਡੇ ਵੱਲੋਂ ਸੈਂਪਲ ਦਿੱਤੇ ਗਏ ਹਨ ਅਤੇ ਜਾਂਚ ਲਈ ਭੇਜ ਦਿੱਤੇ ਗਏ ਸੀ ਜਿਸ ਤੋਂ ਬਾਅਦ ਹੀ ਇਸ ਮਾਮਲੇ ਦੀ ਜੜ੍ਹ ਤੱਕ ਪਹੁੰਚਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।
ਉੱਥੇ ਹੀ ਕੈਬਿਨੇਟ ਮੰਤਰੀ ਬਲਬੀਰ ਸਿੱਧੂ ਦਾ ਕਹਿਣਾ ਹੈ ਕਿ ਪਸ਼ੂਆਂ ਦੀ ਮੌਤ ਜ਼ਹਿਰੀਲਾ ਚਾਰਾ ਖਾਣ ਨਾਲ ਹੋਈ ਹੈ। ਜਲੰਧਰ ਅਤੇ ਲੁਧਿਆਣਾ ਤੋਂ ਆਈ ਡਾਕਟਰਾਂ ਦੀ ਟੀਮ ਵੱਲੋਂ ਸ਼ੁੱਕਰਵਾਰ ਨੂੰ ਹੀ ਪਸ਼ੂਆਂ ਦਾ ਇਲਾਜ ਕਰਨਾ ਸ਼ੁਰੂ ਕਰ ਦਿੱਤਾ ਗਿਆ ਸੀ। ਪਸ਼ੂਆਂ ਦੇ ਮਰਨ ਦੀ ਡਿਟੇਲ ਰਿਪੋਰਟ ਡਾਕਟਰਾਂ ਵੱਲੋਂ ਤਿਆਰ ਕੀਤੀ ਹੈ ਅਤੇ ਇਸ ਨਾਲ ਜੁੜੇ ਵਿਭਾਗ ਨੂੰ ਵੀ ਭੇਜੀ ਗਈ ਹੈ
ਹਾਲਾਂਕਿ ਸਰਕਾਰ ਵੱਲੋਂ ਸੱਤ ਤੋਂ ਅੱਠ ਜਰਸੀ ਗਾਵਾਂ ਦੇਣ ਦਾ ਵਾਅਦਾ ਦੋਨਾਂ ਡਾਇਰੀਆਂ ਨੂੰ ਕੀਤਾ ਗਿਆ ਹੈ ਪਰ ਡਾਇਰੀ ਚਾਲਕ ਜਿਨ੍ਹਾਂ ਦਾ ਰੁਜ਼ਗਾਰ ਹੀ ਦੁੱਧ ਵੇਚ ਕੇ ਮੱਝਾਂ ਗਾਵਾਂ ਦੇ ਸਿਰ 'ਤੇ ਚੱਲਦਾ ਸੀ ਉਨ੍ਹਾਂ ਦੀ ਇਸ ਤਰ੍ਹਾਂ ਅਚਾਨਕ ਮੌਤ ਹੋਣਾ ਵੱਡਾ ਸਵਾਲ ਹੈ।
