ਰੂਪਨਗਰ ਦੇ ਵਿੱਚ ਵੇਖਣ ਨੂੰ ਮਿਲੇਗੀ ਹੁਣ ਪੂਰੇ ਭਾਰਤ ਦੀ ਝਲਕ!

ਰੂਪਨਗਰ ਵਿੱਚ ਖੇਤਰੀ ਸਰਸ ਮੇਲਾ 26 ਤੋਂ ਸ਼ੁਰੂ ਹੋਵੇਗਾ। ਇਸ ਮੇਲੇ ਵਿਚ 300 ਤੋਂ ਵੱਧ ਸਟਾਲ ਲਗਾਏ ਜਾਣਗੇ ਅਤੇ ਦੇਸ਼ ਦੇ 22 ਸੁਬਿਆਂ ਦੇ ਕਰੀਬ 500 ਤੋਂ ਵੱਧ ਦਸਤਕਾਰ ਅਤੇ ਕਰੀਬ ਇਕ ਹਜ਼ਾਰ ਕਲਾਕਾਰ ਇਸ ਮੇਲੇ ਵਿਚ ਹਿੱਸਾ ਲੈਣਗੇ।

ਰੂਪਨਗਰ: ਜ਼ਿਲ੍ਹੇ ਵਿੱਚ ਸਰਸ ਮੇਲਾ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਖੇਤਰੀ ਸਰਸ ਮੇਲਾ 26 ਸਤੰਬਰ ਤੋਂ ਸ਼ੁਰੂ ਹੋਵੇਗਾ। ਇਸ ਮੇਲੇ ਵਿੱਚ ਦੇਸ਼ ਦੇ 22 ਸੂਬਿਆਂ ਦੇ 500 ਦੇ ਕਰੀਬ ਵੱਖ-ਵੱਖ ਸ਼ਿਲਪਕਾਰ, ਕਰੀਬ ਇਕ ਹਜ਼ਾਰ ਕਲਾਕਾਰ ਤੇ ਸੱਭਿਆਚਾਰ ਵੇਖਣ ਨੂੰ ਮਿਲਣਗੇ। ਇਸ ਮੇਲੇ ਵਿੱਚ ਹੈਲੀਕਾਪਟਰ ਰਾਈਡ ਵਿਸ਼ੇਸ ਖਿੱਚ ਦਾ ਕੇਂਦਰ ਰਹੇਗਾ। ਇਹ ਜਾਣਕਾਰੀ ਰੂਪਨਗਰ ਦੇ ਡਿਪਟੀ ਕਮਿਸ਼ਨਰ ਡਾ. ਸੁਮਿਤ ਜਾਰੰਗਲ ਨੇ ਈਟੀਵੀ ਭਾਰਤ ਨਾਲ ਵਿਸ਼ੇਸ਼ ਗੱਲਬਾਤ ਦੌਰਾਨ ਦੱਸੀ।

ਸਰਸ ਮੇਲਾ ਕੀ ਹੈ ?

ਡਿਪਟੀ ਕਮਿਸ਼ਨਰ ਰੂਪਨਗਰ ਨੇ ਦੱਸਿਆ ਕਿ ਭਾਰਤ ਸਰਕਾਰ ਅਤੇ ਪੰਜਾਬ ਸਰਕਾਰ ਦੀਆਂ ਕੁੱਝ ਸਾਂਝੀਆਂ ਸਕੀਮਾਂ ਦੇ ਤਹਿਤ ਜਿਨ੍ਹਾਂ ਲੋਕਾਂ ਦੇ ਵਿੱਚ ਕੋਈ ਸ਼ਿਲਪਕਾਰੀ ਹੁੰਦੀ ਹੈ ਜਾਂ ਕੋਈ ਉਨ੍ਹਾਂ ਦੇ ਵਿੱਚ ਕੋਈ ਹੋਰ ਵਧੀਆ ਗੁਣ ਹੁੰਦਾ ਹੈ ਤੇ ਉਨ੍ਹਾਂ ਕੋਲ ਪੈਸੇ ਨਾ ਹੋਣ ਕਾਰਨ ਆਪਣਾ ਸਾਮਾਨ ਨਹੀਂ ਵੇਚ ਪਾਉਂਦੇ। ਅਜਿਹੇ ਲੋਕਾਂ ਲਈ ਇਹ ਮੇਲਾ ਬਹੁਤ ਲਾਭਕਾਰੀ ਹੁੰਦਾ ਹੈ। ਇਹ ਮੌਕਾ ਸਰਕਾਰ ਵੱਲੋਂ ਰੂਪਨਗਰ ਨੂੰ ਮਿਲਿਆ ਹੈ।

ਕਦੋ ਲੱਗੇਗਾ ਸਰਸ ਮੇਲਾ ?

ਡੀਸੀ ਨੇ ਦੱਸਿਆ ਸਰਸ ਮੇਲਾ ਰੂਪਨਗਰ ਦੇ ਵਿੱਚ 26 ਸਤੰਬਰ ਤੋਂ 6 ਨਵੰਬਰ ਤੱਕ ਚੱਲੇਗਾ। ਡਿਪਟੀ ਕਮਿਸ਼ਨਰ ਨੇ ਕਿਹਾ ਕਿ ਸਾਨੂੰ ਪੂਰੀ ਉਮੀਦ ਹੈ ਕਿ ਇਸ ਮੇਲੇ ਦੇ ਵਿੱਚ ਲੋਕਾਂ ਨੂੰ ਪੂਰੇ ਭਾਰਤ ਦਾ ਸੁਮੇਲ ਇੱਕ ਜਗ੍ਹਾਂ 'ਤੇ ਵੇਖਣ ਨੂੰ ਮਿਲੇਗਾ।

ਕਿਉਂ ਜ਼ਰੂਰੀ ਹੈ ਇਹ ਸਰਸ ਮੇਲੇ ?

ਡਿਪਟੀ ਕਮਿਸ਼ਨਰ ਡਾ. ਸੁਮਿਤ ਜਰੰਗਲ ਨੇ ਕਿਹਾ ਕਿ ਅੱਜ ਕੱਲ੍ਹ ਜ਼ਿਆਦਾਤਰ ਬੱਚੇ ਇੰਟਰਨੈੱਟ ਦੇ ਵਿੱਚ ਹੀ ਬਿਜ਼ੀ ਰਹਿੰਦੇ ਹਨ। ਉਨ੍ਹਾਂ ਨੂੰ ਇਹ ਮੌਕਾ ਹੀ ਨਹੀਂ ਮਿਲਦਾ ਕਿ ਉਹ ਭਾਰਤ ਦੇ ਬਾਕੀ ਸੂਬਿਆਂ ਦੇ ਸਭਿਆਚਾਰ ਨੂੰ ਦੇਖ ਸਕਣ, ਜਿਸ ਲਈ ਸਰਸ ਮੇਲਾ ਇੱਕ ਮਾਈਕ੍ਰੋ ਇੰਡੀਆ ਦਾ ਕੰਮ ਕਰਦਾ ਹੈ।