ਰੂਪਨਗਰ: ਜ਼ਿਲ੍ਹੇ ਦੇ ਬਲਾਕ ਨੂਰਪੁਰ ਬੇਦੀ ਦੀ ਕਲਮਾਂ ਚੌਕੀ ਅਧੀਨ ਪੈਂਦੇ ਸਵਾੜਾ ਦੇ ਇੱਕ ਫਾਰਮ ਵਿੱਚ ਤਿੰਨ ਵਿਅਕਤੀਆਂ ਦਾ ਕਤਲ ਹੋਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਕਤਲ ਦੀ ਖ਼ਬਰ ਮਿਲਣ ਨਾਲ ਪੂਰੇ ਇਲਾਕੇ 'ਚ ਸਨਸਨੀ ਫੈਲ ਗਈ। ਇਨ੍ਹਾਂ ਮ੍ਰਿਤਕ ਵਿਅਕਤੀਆਂ 'ਚ 2 ਵਿਅਕਤੀ ਪ੍ਰਵਾਸੀ ਮਜ਼ਦੂਰ ਤੇ ਇੱਕ ਵਿਅਕਤੀ ਪੰਜਾਬ ਦਾ ਵਸਨੀਕ ਹੈ।
ਰੂਪਨਗਰ: ਸਵਾੜਾ ਦੇ ਇੱਕ ਫਾਰਮ 'ਚ ਤਿੰਨ ਵਿਅਕਤੀਆਂ ਦਾ ਹੋਇਆ ਕਤਲ
ਇਸ ਸਬੰਧੀ ਡੀਐਸਪੀ ਰਮਿੰਦਰ ਸਿੰਘ ਨੇ ਦੱਸਿਆ ਕਿ ਇਹ ਫਾਰਮ ਹਾਊਸ ਦਲਜੀਤ ਸਿੰਘ ਨਾਂਅ ਦੇ ਵਿਅਕਤੀ ਦਾ ਹੈ ਜਿਥੇ ਇਨ੍ਹਾਂ ਵਿਅਕਤੀਆਂ ਦਾ ਕਤਲ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਇਹ 4 ਵਿਅਕਤੀ ਦਲਜੀਤ ਸਿੰਘ ਦੇ ਫਾਰਮ ਹਾਊਸ 'ਚ ਕੰਮ ਕਰਦੇ ਸੀ। ਇਨ੍ਹਾਂ 4 ਵਿਅਕਤੀਆਂ ਚੋਂ 3 ਵਿਅਕਤੀਆਂ ਦਾ ਕਤਲ ਹੋਇਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਜਾਂਚ ਤੋਂ ਇਹ ਲੱਗ ਰਿਹਾ ਹੈ ਇਹ ਕਤਲ ਬੀਤੀ ਦੇਰ ਰਾਤ ਨੂੰ ਹੋਇਆ ਹੈ।