ਸ੍ਰੀ ਆਨੰਦਪੁਰ ਸਾਹਿਬ:ਸਿੱਖਾਂ ਦੇ ਪ੍ਰਸਿੱਧ ਤਿਉਹਾਰ ਹੋਲੇ ਮਹੱਲੇ ਦੇ ਆਖਰੀ ਦਿਨ ਨਿਹੰਗ ਸਿੰਘ ਜਥੇਬੰਦੀਆਂ ਨੇ ਰਵਾਇਤੀ ਮਹੱਲਾ ਕੱਢਿਆ। ਨਿਹੰਗ ਸਿੰਘ ਫੌਜਾਂ ਘੋੜਿਆਂ ’ਤੇ ਸਵਾਰ ਹੋ ਕੇ ਆਪਣੇ ਸ਼ਸਤਰ ਧਾਰ ਕੇ ਜਿਵੇਂ ਜੰਗ ਦੀ ਤਿਆਰੀ ’ਚ ਹੁੰਦੀਆਂ ਹਨ ਉਵੇਂ ਮਹੱਲਾ ਕੱਢਦੀ ਗਿਆ। ਇਸ ਮੌਕੇ ਵੱਖ-ਵੱਖ ਸਿੱਖ ਜਥੇਬੰਦੀਆਂ ਵੱਲੋਂ ਇਸ ਮੁਹੱਲੇ ’ਚ ਸ਼ਿਰਕਤ ਕੀਤੀ ਗਈ ਤੇ ਹਰ ਜਥੇਬੰਦੀ ਵਧ ਚੜ੍ਹ ਕੇ ਮੁਹੱਲੇ ’ਚ ਆਪਣੇ ਜਾਹੋ ਜਲਾਲ ਦਿਖਾਏ।
ਜ਼ਿਕਰਯੋਗ ਹੈ ਕਿ ਮੁਹੱਲਾ ਦੇਖਣ ਦੇ ਲਈ ਸੰਗਤਾਂ ਦੂਰੋਂ ਦੂਰੋਂ ਆਉਂਦੀਆਂ ਹਨ ਅਤੇ ਮੁਹੱਲਾ ਆਖ਼ਰੀ ਦਿਨ ਕੱਢਿਆ ਜਾਂਦਾ ਹੈ। ਤਿੰਨ ਦਿਨ ਦਾ ਪ੍ਰੋਗਰਾਮ ਸ੍ਰੀ ਆਨੰਦਪੁਰ ਸਾਹਿਬ ਵਿੱਚ ਚੱਲਦਾ ਹੈ।
ਇਸ ਮੌਕੇ ਨਿਹੰਗ ਸਿੰਘ ਫੌਜਾਂ ਵੱਲੋਂ ਤਖ਼ਤ ਸ੍ਰੀ ਕੇਸਗੜ੍ਹ ਦੇ ਸਾਹਮਣੇ ਤੋਂ ਮੁਹੱਲੇ ਦੀ ਸ਼ੁਰੂਆਤ ਕੀਤੀ ਜਾਂਦੀ ਹੈ ਜਿਸ ਵਿੱਚ ਨਿਹੰਗ ਸਿੰਘ ਫੌਜਾਂ ਆਪਣੇ ਰਵਾਇਤੀ ਵਸਤਰ ਅਤੇ ਸ਼ਾਸਤਰ ਧਾਰ ਕੇ ਨਿਕਲਦੀਆਂ ਹਨ। ਕੁਝ ਸਿੰਘ ਘੋੜਿਆਂ ’ਤੇ ਸਵਾਰ ਹੁੰਦੇ ਹਨ ਅਤੇ ਘੋੜਿਆਂ ਦੇ ਕਰਤੱਬ ਕਰਕੇ ਵੀ ਦਿਖਾਈ ਜਾਂਦੇ ਹਨ। ਕੁਝ ਸਿੰਘ ਪੈਦਲ ਹੁੰਦੇ ਹਨ ਅਤੇ ਰਵਾਇਤੀ ਖੇਡ ਗੱਤਕਾ ਖੇਡਦੇ ਦਿਖਾਈ ਦਿੰਦੇ ਹਨ।
