ਵਾਟਰ ਸਪਲਾਈ ਵਿਭਾਗ ’ਚ ਕਲੋਰੀਨ ਗੈਸ ਹੋਈ ਲੀਕ, ਵੱਡਾ ਹਾਦਸਾ ਟਲਿਆ

ਸ਼ਹਿਰ ’ਚ ਵਾਟਰ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ ਵਿਖੇ ਕਲੋਰੀਨ ਗੈਸ ਲੀਕ ਹੋਣ ਨਾਲ ਕਈ ਠੇਕਾ ਮੁਲਾਜ਼ਮ ਅਤੇ ਰੈਗੂਲਰ ਮੁਲਾਜ਼ਮ ਗੈਸ ਚੜ੍ਹਨ ਨਾਲ ਬੇਹੋਸ਼ ਗਏ। ਜਿਹਨਾਂ ਨੂੰ ਤੁਰੰਤ ਹਸਪਤਾਲ ’ਚ ਭਰਤੀ ਕਰਵਾਇਆ ਗਿਆ।

ਸ੍ਰੀ ਅਨੰਦਪੁਰ ਸਾਹਿਬ: ਸ਼ਹਿਰ ’ਚਵਾਟਰ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ ਵਿਖੇ ਕਲੋਰੀਨ ਗੈਸ ਲੀਕ ਹੋਣ ਨਾਲ ਕਈ ਠੇਕਾ ਮੁਲਾਜ਼ਮ ਅਤੇ ਰੈਗੂਲਰ ਮੁਲਾਜ਼ਮ ਗੈਸ ਚੜ੍ਹਨ ਨਾਲ ਬੇਹੋਸ਼ ਗਏ। ਜਿਹਨਾਂ ਨੂੰ ਤੁਰੰਤ ਹਸਪਤਾਲ ’ਚ ਭਰਤੀ ਕਰਵਾਇਆ ਗਿਆ।

ਦੱਸ ਦਈਏ ਕੀ ਇਹ ਕਲੋਰੀਨ ਗੈਸ ਜਿਹੜੀ ਪਾਣੀ ਦੀ ਸਪਲਾਈ ਸ਼ਹਿਰ ਅਤੇ ਆਸ-ਪਾਸ ਦੇ ਇਲਾਕਿਆਂ ਨੂੰ ਹੁੰਦੀ ਹੈ ਉਸ ਨੂੰ ਸਾਫ ਕਰਨ ਲਈ ਵਰਤੀ ਜਾਂਦੀ ਹੈ। ਘਟਨਾ ਇਸ ਤਰ੍ਹਾਂ ਵਾਪਰੀ ਕੀ ਕਲੋਰੀਨ ਗੈਸ ਟੈਂਕ ਨੂੰ ਚੈਕਿੰਗ ਸਮੇਂ ਪਾਈਪ ਵਿੱਚ ਲੀਕੇਜ ਹੋ ਰਹੀ ਜਿਸਨੂੰ ਰੋਕਣ ਸਮੇਂ ਇਹ ਹੋਰ ਵੱਧ ਗਈ ਫਿਰ ਪੀ.ਏ.ਸੀ.ਐਲ. ਨੰਗਲ ਤੋਂ ਮਸ਼ੀਨ ਅਤੇ ਕਰਮਚਾਰੀ ਆਏ ਜਿਹਨਾਂ ਨੇ ਇਸ ’ਤੇ ਕਾਬੂ ਪਾਇਆ।

ਡਾਕਟਰ ਪ੍ਰਦੀਪ ਕੌਸ਼ਲ ਨੇ ਦੱਸਿਆ ਕਿ ਉਨ੍ਹਾਂ ਦੇ ਹਸਪਤਾਲ ਵਿੱਚ ਕਲੋਰੀਨ ਗੈਸ ਤੋਂ ਪ੍ਰਭਾਵਿਤ ਮੁਲਾਜ਼ਮ ਆਏ ਹਨ ਜਿਨ੍ਹਾਂ ਦਾ ਇਲਾਜ ਚੱਲ ਰਿਹਾ ਹੈ। ਉਧਰ ਦੂਜੇ ਪਾਸੇ ਹਰਜੀਤ ਪਾਲ ਸਿੰਘ ਐਕਸੀਅਨ ਨੇ ਦੱਸਿਆ ਕਿ ਇਸ ਟੈਂਕ ਵਿੱਚ 30 ਫੀਸਦ ਤਕ ਗੈਸ ਬਾਕੀ ਸੀ ਜਿਸ ਕਾਰਨ ਇੱਕ ਵੱਡਾ ਹਾਦਸਾ ਹੋਣੋਂ ਟਲ ਗਿਆ ਹੈ ਉਹਨਾਂ ਨੇ ਕਿਹਾ ਕਿ ਇਸ ਤੋਂ 3 ਮੁਲਾਜ਼ਮ ਪ੍ਰਭਾਵਿਤ ਹੋਏ ਹਨ ਜੋ ਖਤਰੇ ਤੋਂ ਬਾਹਰ ਹਨ।