ਚੋਰਾਂ ਦੇ ਨਿਸ਼ਾਨੇ 'ਤੇ ਰੋਪੜ ਸ਼ਹਿਰ ਦੇ ਏਟੀਐਮ

ਚੋਰਾਂ ਦੇ ਨਿਸ਼ਾਨੇ 'ਤੇ ਰੋਪੜ ਦੇ ਏਟੀਐਮ। ਚੋਰਾਂ ਨੇ SBI ਦੇ ਏਟੀਐਮ ਅਤੇ ਅੰਦਰ ਲੱਗੇ ਕੈਮਰਿਆਂ ਦੀ ਵੀ ਭੰਨਤੋੜ ਕੀਤੀ ਤੇ ਪੈਸੇ ਲੈ ਕੇ ਫ਼ਰਾਰ ਹੋ ਗਏ।

ਰੋਪੜ: ਸ਼ਹਿਰ ਵਿੱਚ ਹਸਪਤਾਲ ਰੋਡ 'ਤੇ ਲੱਗੇ SBI ਦੇ ਏਟੀਐਮ ਨੂੰ ਚੋਰਾਂ ਨੇ ਬੁਰੀ ਤਰ੍ਹਾਂ ਤੋੜ ਦਿੱਤਾ। ਇੰਨ੍ਹਾਂ ਹੀ ਨਹੀਂ ਇਥੇ ਲੱਗੇ CCTV ਕੈਮਰਿਆਂ ਨੂੰ ਵੀ ਚੋਰਾਂ ਵਲੋਂ ਭੰਨ ਦਿੱਤਾ ਗਿਆ। ਮੌਕੇ 'ਤੇ ਪਹੁੰਚੀ ਪੁਲਿਸ ਘਟਨਾ ਦੀ ਜਾਂਚ ਕਰ ਰਹੀ ਹੈ।
ਪੁਲਿਸ ਅਧਿਕਾਰੀ ਰਵਿੰਦਰ ਕੁਮਾਰ ਨੇ ਇਸ ਘਟਨਾ ਦੀ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਦੇਰ ਰਾਤ ਚੋਰਾਂ ਵਲੋਂ ਇਸ ਏਟੀਐਮ ਨੂੰ ਤੋੜਿਆ ਗਿਆ ਹੈ। ਫਿਲਹਾਲ ਪੁਲਿਸ ਨੇ ਘਟਨਾ ਵਾਲੀ ਥਾਂ ਦੇ ਫਿੰਗਰ ਪ੍ਰਿੰਟ ਲੈ ਕੈ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਉਨ੍ਹਾਂ ਕਿਹਾ ਕਿ ਇਸ ਘਟਨਾ ਦੌਰਾਨ ਏਟੀਐਮ ਵਿਚੋਂ ਕਿੰਨੇ ਰੁਪਏ ਲੁੱਟੇ ਗਏ ਹਨ, ਇਹ ਬੈਂਕ ਅਧਿਕਾਰੀ ਹੀ ਦੱਸਣਗੇ।

ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾ ਚੋਰਾਂ ਨੇ ਇਕ ਹੋਰ ਏਟੀਐਮ ਨੂੰ ਵੀ ਲੁੱਟਣ ਦੀ ਕੋਸ਼ਿਸ਼ ਕੀਤੀ ਸੀ ਪਰ ਉਥੇ ਹੂਟਰ ਵੱਜ ਗਿਆ ਅਤੇ ਚੋਰ ਡਰ ਕੇ ਭੱਜ ਗਏ ਸੀ।