ਰੋਪੜ:ਪੰਜਾਬ ਦੀਆਂ ਜੇਲ੍ਹਾਂ ਵਿੱਚੋਂ ਹਰ ਰੋਜ਼ ਕੋਈ ਨਾ ਕੋਈ ਹਿੰਸਾ ਦੀ ਘਟਨਾ ਸਾਹਮਣੇ ਆਉਦੀ ਹੈ। ਜਿਸ ਕਰਕੇ ਪੰਜਾਬ ਜੇਲ੍ਹ ਪ੍ਰਸ਼ਾਸਨ (Punjab Jail Administration) ਅਕਸਰ ਸਵਾਰਾ ਦੇ ਘੇਰੇ ਵਿੱਚ ਰਹਿੰਦਾ ਹੈ। ਤਾਜ਼ਾ ਮਾਮਲਾ ਰੋਪੜ ਦੀ ਜੇਲ੍ਹ ਤੋਂ ਸਾਹਮਣੇ ਆਇਆ ਹੈ, ਜਿੱਥੇ ਇੱਕ ਕੈਦੀ ਤੇ ਕੁਝ ਕੈਦੀਆਂ ‘ਤੇ ਹਮਲਾ ਕਰਨ ਦੇ ਇਲਜ਼ਾਮ (Accusation) ਲੱਗੇ ਹਨ। ਜ਼ਖ਼ਮੀ ਕੈਦੀ ਸ਼ਹਿਰ ਦੇ ਸਿਵਲ ਹਸਪਤਾਲ ਵਿੱਚ ਜ਼ੇਰੇ ਇਲਾਜ਼ ਹੈ।
5 ਕੈਦੀਆਂ ਨੇ ਮਿਲਕੇ 1 ਕੈਦੀ ਨੂੰ ਕੀਤਾ ਜ਼ਖ਼ਮੀ
ਜ਼ਖ਼ਮੀ ਹੋਏ ਕੈਦੀ ਦੀ ਪਛਾਣ ਰਾਜਦੀਪ ਸਿੰਂਘ ਵਜੋਂ ਹੋਈ ਹੈ, ਇਸ ਕੈਦੀ ਦਾ ਕਹਿਣਾ ਹੈ, ਕਿ ਮੈਂ ਆਪਣੀ ਬੈਰਕ ਵਿੱਚੋਂ ਕੰਟੀਨ ਵੱਲ ਜਾ ਰਿਹਾ ਸੀ, ਕਿ ਅਚਾਨਕ 5 ਕੈਦੀਆਂ ਵੱਲੋਂ ਹਥਿਆਰਾਂ ਨਾਲ ਉਸ ‘ਤੇ ਹਮਲਾ ਕਰ ਦਿੱਤਾ ਗਿਆ, ਪੀੜਤ ਕੈਦੀ ਦੇ ਪੇਟ ਵਿੱਚ ਸੂਆ ਵੱਜਣ ਨਾਲ ਰਾਜਦੀਪ ਸਿੰਘ ਜ਼ਖ਼ਮੀ ਹੋ ਗਿਆ।