ਪਟਿਆਲਾ: ਕੋਰੋਨਾ ਵਾਇਰਸ ਕਾਰਨ ਭਾਰਤ ਭਰ ਵਿੱਚ ਤਾਲਾਬੰਦੀ ਕੀਤੀ ਹੋਈ ਹੈ ਤੇ ਪੰਜਾਬ ਵਿੱਚ ਕਰਫ਼ਿਊ ਲਗਾਇਆ ਹੋਇਆ ਹੈ। ਇਸ ਕਾਰਨ ਕਈ ਵਿਦਿਆਰਥੀ, ਕਰਮਚਾਰੀ ਤੇ ਹੋਰ ਲੋਕ ਆਪਣੇ ਘਰਾਂ ਤੋਂ ਦੂਰ ਫਸੇ ਹੋਏ ਹਨ। ਅਜਿਹਾ ਹੀ ਇੱਕ ਮਾਮਲਾ ਪਟਿਆਲਾ ਤੋਂ ਸਾਹਮਣੇ ਆਇਆ ਹੈ ਜਿਥੇ ਇੱਕ ਆਪਣੇ ਨਾਨਕੇ ਪਰਿਵਾਰ ਵਿੱਚ ਆਇਆ ਹੋਇਆ ਸੀ ਤੇ ਕਰਫ਼ਿਊ ਕਾਰਨ ਘਰ ਵਾਪਿਸ ਨਹੀਂ ਜਾ ਸਕਦਾ ਸੀ। ਪਟਿਆਲਾ ਪ੍ਰਸ਼ਾਸਨ ਦੇ ਉਪਰਾਲੇ ਤੋਂ ਬਾਅਦ ਮਿਅੰਕਵੀਰ ਨੂੰ ਉਸ ਦੇ ਆਪਣੇ ਘਰ ਜੰਮੂ ਭੇਜ ਦਿੱਤਾ ਗਿਆ।
ਵੀਡੀਓ
ਜਾਣਕਾਰੀ ਲਈ ਦੱਸ ਦਈਏ ਕਿ ਬੱਚਾ ਆਪਣੀ ਨਾਨੀ ਨਾਲ ਕਰਫ਼ਿਊ ਲੱਗਣ ਤੋਂ ਪਹਿਲਾਂ ਛੁੱਟੀਆਂ ਕੱਟਣ ਨਾਨਕੇ ਆਇਆ ਸੀ। ਇਸ ਤੋਂ ਬਾਅਦ ਕਰਫ਼ਿਊ ਲੱਗ ਗਿਆ ਅਤੇ ਬੱਚਾ 15 ਦਿਨਾਂ ਤੋਂ ਆਪਣੀ ਮਾਂ ਤੋਂ ਬਿਨਾ ਰਹਿਣ ਕਰਕੇ ਸਟ੍ਰੈਸ ਵਿੱਚ ਆਉਣ ਲੱਗ ਪਿਆ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਵੱਲੋਂ ਬੱਚੇ ਨੂੰ ਵਾਪਿਸ ਭੇਜਣ ਲਈ ਜ਼ਿਲ੍ਹਾ ਬਾਲ ਵਿਭਾਗ ਨਾਲ ਸੰਪਰਕ ਕੀਤਾ ਗਿਆ ਤੇ ਵਿਭਾਗ ਦੀ ਮਦਦ ਨਾਲ ਬੱਚੇ ਨੂੰ ਵਾਪਿਸ ਆਪਣੀ ਮਾਂ ਕੋਲ ਜੰਮੂ ਭੇਜਿਆ ਗਿਆ।