'ਮੈਂ ਢੌਂਗ ਨਹੀਂ ਕਰਦੀ.... 4-4 xuv ਹੋਣ ਦੇ ਬਾਵਜੂਦ ਡਾ. ਗਾਂਧੀ ਰਿਕਸ਼ੇ 'ਤੇ ਕਰਦੈ ਚੋਣ ਪ੍ਰਚਾਰ'

ਲੋਕ ਸਭਾ ਚੋਣਾਂ ਦੇ ਮੱਦੇਨਜ਼ਰ ਸਿਆਸੀ ਆਗੂਆਂ ਵਲੋਂ ਤਿੱਖੇ ਹਮਲਿਆਂ ਦਾ ਦੌਰ ਜਾਰੀ ਹੈ। ਉੱਥੇ ਹੀ ਪਟਿਆਲਾ ਤੋਂ ਕਾਂਗਰਸੀ ਉਮੀਦਵਾਰ ਪਰਨੀਤ ਕੌਰ ਸੁਰੱਖਿਆ ਤੇ ਗੱਡੀ ਨੂੰ ਲੈ ਕੇ ਡਾ. ਧਰਮਵੀਰ ਗਾਂਧੀ ਤੇ ਅਕਸਰ ਨਿਸ਼ਾਨੇ ਸਾਧਦੀ ਰਹਿੰਦੀ ਹੈ। ਪਰ ਹੁਣ ਅਚਾਨਕ ਪਰਨੀਤ ਕੌਰ ਵਲੋਂ ਚੋਣਾਂ ਨੇੜੇ ਆਉਂਦੀਆਂ ਵੇਖ ਗੱਡੀ ਬਦਲ ਲੈਣਾ ਹੋਰ ਵੀ ਸਵਾਲ ਖੜ੍ਹੇ ਕਰ ਰਿਹਾ ਹੈ।

ਪਟਿਆਲਾ: ਲੋਕ ਸਭਾ ਉਮੀਦਵਾਰ ਪਰਨੀਤ ਕੌਰ ਵਲੋਂ ਹਲਕਿਆਂ ਦੇ ਵਿੱਚ ਜਾ ਕੇ ਚੋਣ ਪ੍ਰਚਾਰ ਕੀਤਾ ਜਾ ਰਿਹਾ ਹੈ। ਇਸ ਦੇ ਚੱਲਦਿਆਂ ਉਹ ਪਹਿਲਾਂ ਲੈਂਡ ਕਲੂਜ਼ਰ ਬੁਲ੍ਹੇਟ ਪਰੂਫ਼ ਵਿੱਚ ਸਫ਼ਰ ਕਰਦੇ ਸਨ, ਪਰ ਜਦੋਂ ਅੱਜ ਉਹ ਚੋਣ ਪ੍ਰਚਾਰ ਕਰਨ ਲਈ ਨਿਕਲੀ ਤਾਂ ਉਹ ਲੈਂਡ ਕਲੂਜ਼ਰ ਛੱਡ ਇਨੋਵਾ 'ਚ ਸਫ਼ਰ ਕਰਦੀ ਨਜ਼ਰ ਆਈ।

ਜਦੋਂ ਇਸ ਸਬੰਧੀ ਪਰਨੀਤ ਕੌਰ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਕਿਹਾ ਕਿ ਉਹ ਦੋਵੇਂ ਗੱਡੀਆਂ 'ਚ ਸਫ਼ਰ ਕਰਦੇ ਹਨ, ਜੋ ਉਨ੍ਹਾਂ ਦਾ ਹੱਕ ਹੈ, ਉਹ ਵਰਤਦੇ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਡਾ. ਗਾਂਧੀ 'ਤੇ ਸ਼ਬਦੀ ਹਮਲਾ ਕਰਦਿਆਂ ਕਿਹਾ ਮੈਂ ਢੌਂਗ ਨਹੀਂ ਕਰਦੀ 4-4 ਐਕਸ ਯੂਵੀ ਹੋਣ ਦੇ ਬਾਵਜੂਦ ਰਿਕਸ਼ੇ 'ਤੇ ਪ੍ਰਚਾਰ ਕਰਦੇ ਹਨ।