ਪਟਿਆਲਾ: ਦੇਸ਼ ਵਿੱਚ ਪਿਆਜ਼ ਦੀਆਂ ਕੀਮਤਾਂ ਵੱਧਣ ਨਾਲ ਪਿਆਜ਼ ਖਰੀਦਣਾ ਆਮ ਬੰਦੇ ਦੇ ਵਸ ਦੀ ਗੱਲ ਨਹੀ ਰਹੀ। ਕੀਮਤਾਂ ਵੱਧਣ ਨਾਲ ਘਰਾਂ ਦੇ ਬਜਟ ਹਿੱਲ ਗਏ ਹਨ। ਪਟਿਆਲਾ ਦੀ ਸਬਜ਼ੀ ਮੰਡੀ ਵਿੱਚ ਪਿਆਜ਼ ਦੇ ਰੇਟ ਆਮ ਲੋਕਾਂ ਨੂੰ ਰਵਾ ਰਹੇ ਹਨ। ਪਟਿਆਲਾ ਮੰਡੀ ਵਿੱਚ ਪਿਆਜ਼ ਘੱਟੋ-ਘੱਟ 60 ਰੁਪਏ ਕਿੱਲੋ ਅਤੇ 80 ਰੁਪਏ ਕਿਲੋ ਤੱਕ ਵਿੱਕ ਰਿਹਾ ਹੈ।
ਵੇਖੋ ਵੀਡੀਓ
ਆਮ ਇਨਸਾਨ ਲਈ ਇਨ੍ਹਾਂ ਮਹਿੰਗਾ ਪਿਆਜ਼ ਖਰੀਦਣਾ ਵਸ ਦੀ ਗੱਲ ਨਹੀ ਹੈ। ਆੜ੍ਹਤੀਆਂ ਦਾ ਕਹਿਣਾ ਹੈ ਕਿ ਮੀਂਹ ਕਾਰਨ ਦੇਸ਼ ਵਿੱਚ ਪਿਆਜ਼ ਮਹਿੰਗੇ ਹੋਏ ਹਨ। ਉੱਥੇ ਹੀ ਆਮ ਲੋਕ ਮਹਿੰਗੇ ਪਿਆਜ਼ ਨੂੰ ਖਰੀਦਣ ਵਿਚ ਅਸਮਰੱਥ ਦਿਖਾਈ ਦੇ ਰਹੇ ਹਨ।
ਜਿੱਥੇ ਪਹਿਲਾ ਲੋਕ ਪੰਜ-ਪੰਜ ਕਿੱਲੋ ਇਕੱਠਾ ਪਿਆਜ਼ ਖਰੀਦਦੇ ਸਨ ਹੁਣ ਲੋਕ ਮੁਸ਼ਕਿਲ ਨਾਲ ਅੱਧਾ ਕਿੱਲੋ ਪਿਆਜ਼ ਖਰੀਦ ਰਹੇ ਹਨ। ਉੱਥੇ ਦੁਕਾਨਦਾਰਾਂ ਦਾ ਕਹਿਣਾ ਹੈ ਕਿ ਜਿੱਥੇ ਉਹ ਪਹਿਲਾ ਦਿਨ ਵਿੱਚ 20 ਤੋਂ 25 ਕਿਲੋ ਪਿਆਜ਼ ਵੇਚਦੇ ਸਨ ਹੁਣ ਸਾਰੇ ਦਿਨ ਵਿਚ ਮਸਾ 7 ਕਿਲੋ ਪਿਆਜ਼ ਵਿਕ ਰਿਹਾ ਹੈ।