ਪਟਿਆਲਾ: ਪੰਜਾਬ ਵਿੱਚ ਅਪਰਾਧਿਕ ਘਟਨਾਵਾਂ (Criminal incidents in Punjab) ਰੁਕਣ ਦਾ ਨਾਮ ਨਹੀਂ ਲੈ ਰਹੀਆਂ। ਇੱਕ ਪਾਸੇ ਜਿੱਥੇ ਸੂਬੇ ਅੰਦਰ ਲੁੱਟ-ਖੋਹ ਦੀਆਂ ਵਾਰਦਾਤਾਂ ਕਾਰਨ ਲੋਕਾਂ ਵਿੱਚ ਡਰ ਦਾ ਮਹੌਲ ਬਣਿਆ ਹੋਇਆ ਹੈ। ਉੱਥੇ ਹੀ ਦੂਜੇ ਪਾਸੇ ਕਤਲ ਦੀਆਂ ਵਾਰਦਾਤਾਂ (Murder incidents) ਵੀ ਲਗਾਤਾਰ ਵੱਧ ਰਹੀਆਂ ਹਨ। ਅਜਿਹੀਆਂ ਹੀ ਤਾਜ਼ਾ ਤਸਵੀਰਾਂ ਪਟਿਆਲਾ ਦੇ ਬਹਾਦਰਗੜ੍ਹ (Bahadurgarh of Patiala) ਤੋਂ ਸਾਹਮਣੇ ਆਈਆ ਹਨ। ਜਿੱਥੇ ਇੱਕ ਭਰਾ ਵੱਲੋਂ ਦੂਜਾ ਭਰਾ ਦੀ ਹੱਤਿਆ ਕਰ (brother killed his brother) ਦਿੱਤੀ ਗਈ ਹੈ।
ਮ੍ਰਿਤਕ ਦੇ ਪੁੱਤਰ ਨੇ ਦੱਸਿਆ ਕਿ ਤੂੜੀ ਨੂੰ ਲੈਕੇ ਦੋਵਾਂ ਭਰਾਂ ਵਿੱਚ ਪਹਿਲਾਂ ਹੀ ਤੂੰ-ਤੂੰ-ਮੈਂ-ਮੈਂ ਹੋਈ ਸੀ, ਪਰ ਫਿਰ ਹਾਲਾਤ ਠੀਕ ਹੋ ਗਏ ਸਨ, ਪਰ ਬੀਤੇ ਦਿਨ ਜਦੋਂ ਵੱਡੇ ਭਰਾ ਜਵਾਲਾ ਸਿੰਘ ਨੇ ਆਪਣੇ ਛੋਟੇ ਭਰਾ ਅਮਰ ਸਿੰਘ ਦੇ ਘਰ ਬਾਹਰ ਤੂੜੀ ਸੁੱਟੀ ਤਾਂ ਅਮਰ ਸਿੰਘ ਆਪਣੀ ਪਤਨੀ ਨੂੰ ਲੈਕੇ ਜਵਾਲਾ ਸਿੰਘ ਦੇ ਘਰ ਤੂੜੀ ਚੁੱਕਣ ਦੇ ਲਈ ਕਹਿਣ ਗਿਆ ਸੀ, ਪਰ ਗੁੱਸੇ ਵਿੱਚ ਆਏ ਵੱਡੇ ਭਰਾ ਜਵਾਲਾ ਸਿੰਘ ਨੇ ਆਪਣੇ ਛੋਟੇ ਭਰਾ ਅਮਰ ਸਿੰਘ ਤੇ ਉਸ ਦੀ ਪਤਨੀ ‘ਤੇ ਲੋਹੇ ਦੀ ਰਾੜ ਨਾਲ ਹਮਲਾ (Attack) ਕਰ ਦਿੱਤਾ, ਜਿਸ ਵਿੱਚ ਅਮਰ ਸਿੰਘ ਦੀ ਮੌਤ ਹੋ ਗਈ, ਜਦਕਿ ਉਸ ਦੀ ਪਤਨੀ ਜ਼ਖ਼ਮੀ (Injured) ਹੋ ਗਈ।