ਨਾਭਾ : ਪੰਜਾਬ ਦੇ ਨੌਜਵਾਨ ਅਪਣੀ ਜੀਵਨ ਲੀਲਾ ਸਮਾਪਤ ਕਰਨ ਲਈ ਰੇਲਗੱਡੀਆਂ ਹੇਠਾਂ ਆਉਣ ਲੱਗ ਪਏ ਹਨ। ਤਾਜ਼ਾ ਮਾਮਲਾ ਸਾਹਮਣੇ ਆਇਆ ਹੈ ਨਾਭਾ ਬਲਾਕ ਦੇ ਪਿੰਡ ਅੱਚਲ ਵਿਖੇ ਜਿੱਥੇ ਟਰੇਨ ਦੇ ਨੀਚੇ ਆ ਕੇ 24 ਸਾਲਾ ਨੌਜਵਾਨ ਹੰਸਰਾਜ ਨੇ ਆਤਮ ਹੱਤਿਆ ਕਰ ਲਈ। ਮ੍ਰਿਤਕ ਹੰਸਰਾਜ ਕਾਫ਼ੀ ਸਮੇਂ ਤੋਂ ਨੌਕਰੀ ਦੀ ਭਾਲ ਵਿਚ ਸੀ ਜਿਸ ਕਾਰਨ ਉਸ ਦਾ ਦਿਮਾਗ ਖ਼ਰਾਬ ਰਹਿਣ ਲੱਗ ਪਿਆ ਸੀ। ਜਿਸ ਕਾਰਨ ਉਸ ਨੇ ਅੱਜ ਟਰੇਨ ਨੀਚੇ ਆ ਕੇ ਅਪਣੀ ਜੀਵਨ ਲੀਲਾ ਸਮਾਪਤ ਕਰ ਲਈ। ਪੁਲਿਸ ਨੇ 174 ਦੀ ਕਾਰਵਾਈ ਅਮਲ ਵਿੱਚ ਲਿਆਂਦੀ ਹੈ।
ਮ੍ਰਿਤਕ ਦੀ ਪਹਿਚਾਣ ਹੰਸਰਾਜ ਦੇ ਨਾਮ ਨਾਲ ਹੋਈ ਹੈ ਜੋ ਅੱਚਲ ਪਿੰਡ ਦਾ ਰਹਿਣ ਵਾਲਾ ਹੈ ਮ੍ਰਿਤਕ ਕਾਫੀ ਸਮੇ ਤੋ ਨੌਕਰੀ ਦੀ ਤਾਲਾਸ਼ ਵਿੱਚ ਸੀ ਅਤੇ ਜਿਸ ਕਾਰਨ ਦਿਮਾਗੀ ਤੌਰ 'ਤੇ ਹਾਲਤ ਠੀਕ ਨਹੀਂ ਸੀ। ਮ੍ਰਿਤਕ ਦੀ ਮਾਤਾ ਦਾ ਪਹਿਲਾ ਹੀ ਦਿਹਾਤ ਹੋ ਚੁੱਕਾ ਹੈ ਅਤੇ ਘਰ ਵਿਚ ਪਿਤਾ ਹੀ ਇੱਕਲਾ ਰਹਿ ਗਿਆ ਹੈ। ਮ੍ਰਿਤਕ ਦੀ ਲਾਸ ਦੇ ਦੂਰ-ਦੂਰ ਤੱਕ ਟੁਕੱੜੇ ਇੱਕਠੇ ਕਰਨ ਲਈ ਕਈ ਘੰਟੇ ਦੀ ਜੱਦੋ ਜਹਿਦ ਕਰਨੀ ਪਈ। ਇਸ ਸਦਮੇ ਤੋ ਬਾਅਦ ਪਿਤਾ ਦਾ ਰੋ-ਰੋ ਕੇ ਬੁਰਾ ਹਾਲ ਹੋ ਗਿਆ ਹੈ।
ਵੇਖੋ ਵੀਡੀਓ।
ਇਸ ਮੌਕੇ ਪਿੰਡ ਵਾਸੀ ਗੁਰਤੇਜ ਸਿੰਘ ਨੇ ਦੱਸਿਆ ਕਿ ਹੰਸਰਾਜ ਕਾਫ਼ੀ ਸਮੇਂ ਤੋਂ ਕੰਮ ਦੀ ਭਾਲ ਵਿਚ ਸੀ ਅਤੇ ਕਾਫ਼ੀ ਸਮੇਂ ਤੋਂ ਦੁਖੀ ਰਹਿ ਰਿਹਾ ਸੀ ਜਿਸ ਕਾਰਨ ਇਸ ਨੇ ਆਤਮ ਹੱਤਿਆ ਕਰ ਲਈ।
ਇਸ ਮੌਕੇ ਜੀਆਰਪੀ ਦੇ ਜਾਂਚ ਅਧਿਕਾਰੀ ਹਰਜਿੰਦਰ ਸਿੰਘ ਨੇ ਦੱਸਿਆ ਕਿ ਨੌਜਵਾਨ ਨੇ ਦਾਦਰ ਟਰੇਨ ਦੇ ਹੇਠਾਂ ਆ ਕੇ ਆਤਮ ਹੱਤਿਆ ਕਰ ਲਈ ਹੈ। ਅਸੀਂ ਇਸ ਸਬੰਧ ਵਿਚ 174 ਦੀ ਕਾਰਵਾਈ ਕਰ ਰਹੇ ਹਾਂ।
ਮਾਤਾ ਚੰਦ ਕੌਰ ਕਤਲ ਮਾਮਲੇ ‘ਚ ਸੀਬੀਆਈ ਨੇ ਕੀਤੀ ਪਹਿਲੀ ਗ੍ਰਿਫ਼ਤਾਰੀ