ਪਠਾਨਕੋਟ:3 ਅਗਸਤ ਨੂੰ ਰਣਜੀਤ ਸਾਗਰ ਡੈਮ (Ranjit Sagar Dam) ’ਚ ਫੌਜ ਦਾ ਹੈਲੀਕਾਪਟਰ ਹਾਦਸੇ ਦਾ ਸ਼ਿਕਾਰ ਹੋ ਗਿਆ ਸੀ, ਇਸ ਤੋਂ ਬਾਅਦ ਲਗਾਤਾਰ ਲਾਪਤਾ ਹੋਏ ਦੋਵੇਂ ਪਾਇਲਟਾਂ ਦੀ ਭਾਲ ਕੀਤੀ ਜਾ ਰਹੀ ਹੈ। ਜਿਹਨਾਂ ਵਿੱਚ ਇੱਕ ਦੀ ਭਾਲ ਦਾ ਕਰ ਲਈ ਗਈ ਸੀ, ਪਰ ਦੂਜਾ ਪਾਇਲੇਟ ਅਜੇ ਵੀ ਲਾਪਤਾ ਸੀ। ਹੁਣ ਰਣਜੀਤ ਸਾਗਰ ਡੈਮ (Ranjit Sagar Dam) ਵਿੱਚ ਹਾਦਸਾਗ੍ਰਸਤ ਹੋਏ ਦੂਜੇ ਪਾਇਲਟ ਦੀ ਮ੍ਰਿਤਕ ਦੇਹ ਵੀ ਮਿਲੀ ਗਈ ਹੈ।
ਇਹ ਵੀ ਪੜੋ: ਪੜ੍ਹੋ :ਰਣਜੀਤ ਸਾਗਰ ਡੈਮ ਬਾਰੇ ਰੋਚਕ ਜਾਣਕਾਰੀ
ਦੱਸ ਦਈਏ ਕਿ ਭਾਰਤੀ ਫੌਜ ਅਤੇ ਜਲ ਸੈਨਾ ਦੁਆਰਾ 75 ਦਿਨਾਂ ਤੋਂ ਲਗਾਤਾਰ ਕੋਸ਼ਿਸ਼ਾਂ ਜਾਰੀ ਸਨ ਜਿਸ ਤੋਂ ਮਗਰੋਂ ਕੈਪਟਨ ਜੈਅੰਤ ਜੋਸ਼ੀ ਦੀ ਲਾਸ਼ ਬਰਾਮਦ ਹੋਈ ਹੈ। ਡੈਮ ਦੇ ਵਿਸ਼ਾਲ ਵਿਸਤਾਰ ਅਤੇ ਡੂੰਘਾਈ ਦੇ ਕਾਰਨ ਖੋਜ ਅਤੇ ਬਚਾਅ ਟੀਮ ਝੀਲ ਨੂੰ ਸਕੈਨ ਕਰਨ ਲਈ ਅਤਿ ਆਧੁਨਿਕ ਮਲਟੀ ਬੀਮ ਸੋਨਾਰ ਉਪਕਰਣਾਂ ਦੀ ਵਰਤੋਂ ਕਰ ਰਹੀ ਸੀ ਅਤੇ ਪ੍ਰਾਪਤ ਕੀਤੀ ਜਾਣਕਾਰੀ ਦੇ ਅਧਾਰ ‘ਤੇ ਪੇਸ਼ੇਵਰ ਗੋਤਾਖੋਰਾਂ ਦੇ ਨਾਲ ਰੋਬੋਟਿਕ ਬਾਂਹ ਵਾਲੇ ਰਿਮੋਟ ਨਾਲ ਸੰਚਾਲਿਤ ਵਾਹਨ ਸਨ ਖੇਤਰ ਦੀ ਤਲਾਸ਼ੀ ਲਈ ਲਾਂਚ ਕੀਤਾ ਗਿਆ। 17 ਅਕਤੂਬਰ 2021 ਨੂੰ ਇਸੇ ਤਰ੍ਹਾਂ ਦੀ ਖੋਜ ਦੇ ਦੌਰਾਨ, 65-70 ਮੀਟਰ ਦੀ ਡੂੰਘਾਈ 'ਤੇ ਲਾਸ਼ ਦੀ ਖੋਜ ਕੀਤੀ ਗਈ ਸੀ ਅਤੇ ਤੁਰੰਤ ਲਾਸ਼ ਨੂੰ ਬਰਾਮਦ ਕਰਨ ਲਈ ਆਰਓਵੀ ਲਾਂਚ ਕੀਤੀ ਗਈ ਸੀ।
ਰਣਜੀਤ ਸਾਗਰ ਡੈਮ ‘ਚੋਂ ਦੂਜੇ ਪਾਇਲਟ ਦੀ ਵੀ ਮਿਲੀ ਮ੍ਰਿਤਕ ਦੇਹ ਸਥਾਨਕ ਡਾਕਟਰੀ ਜਾਂਚ ਤੋਂ ਬਾਅਦ ਲਾਸ਼ ਨੂੰ ਅੱਗੇ ਦੀ ਜਾਂਚ ਲਈ ਮਿਲਟਰੀ ਹਸਪਤਾਲ ਪਠਾਨਕੋਟ ਭੇਜ ਦਿੱਤਾ ਗਿਆ।
ਲਗਾਤਾਰ ਚਲਾਇਆ ਜਾ ਰਿਹਾ ਤਲਾਸ਼ੀ ਅਭਿਆਨ
ਦੱਸ ਦਈਏ ਕਿ ਲਾਪਤਾ ਪਾਇਲਟ ਦੀ ਭਾਲ ਦੇ ਲਈ ਭਾਰਤੀ ਫੌਜ, ਭਾਰਤੀ ਨੌਸੈਨਾ ਅਤੇ ਭਾਰਤੀ ਫੌਜ ਦੇ ਵਿਸ਼ੇਸ਼ ਬਲ ਗੋਤਾਖੋਰਾਂ, ਮਲਟੀ ਬੀਮ ਸੋਨਾਰ, ਸਾਈਡ ਸਕੈਨਰ ਵੱਲੋਂ ਲਗਾਤਾਰ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਸਨ। ਖਰਾਬ ਮੌਸਮ ਦੇ ਬਾਵਜੂਦ ਵੀ ਤਲਾਸ਼ੀ ਅਭਿਆਨ ਲਗਾਤਾਰ ਚਲਾਇਆ ਜਾ ਰਿਹਾ ਸੀ। ਤਲਾਸ਼ੀ ਅਭਿਆਨ ’ਚ ਫੌਜ, ਨੌਸੈਨਾ, ਭਾਰਤੀ ਹਵਾਈ ਫੌਜ, ਐਨਡੀਆਰਐਫ, ਐਸਡੀਆਰਐਫ, ਗੈਰ ਸਰਕਾਰੀ ਸੰਗਠਨਾਂ ਸੂਬਾਈ ਪੁਲਿਸ ਅਤੇ ਵਿਸ਼ੇਸ਼ ਸੰਦਾਂ ਦਾ ਇਸਤੇਮਾਲ ਕੀਤਾ ਜਾ ਰਿਹਾ ਸੀ।
ਦੱਸ ਦਈਏ ਕਿ ਪਾਣੀ ਦੀ ਕੋਲਾਈਡਲ ਕੁਦਰਤੀ ਦੇ ਕਾਰਣ 50 ਮੀਟਰ ਦੇ ਹੇਠਾਂ ਜ਼ੀਰੋ ਦਿੱਖ ਹੋਣ ਦੇ ਕਾਰਨ ਤਲਾਸ਼ੀ ਦਾ ਕੰਮ ਕਰਨਾ ਕਾਫੀ ਚੁਣੌਤੀ ਨਾਲ ਭਰਿਆ ਹੋਇਆ ਰਿਹਾ। ਮਾਹਰਾਂ ਵੱਲੋਂ ਵਿਸ਼ੇਸ਼ ਉਪਕਰਣਾ ਅਤੇ ਗੋਤਾਖੋਰਾਂ ਨੂੰ ਲਗਾਤਾਰ ਭੇਜਿਆ ਜਾ ਰਿਹਾ ਸੀ ਅਤੇ ਅੰਤਰਰਾਸ਼ਟਰੀ ਮਦਦ ਵੀ ਮੰਗੀ ਜਾ ਰਹੀ ਸੀ। ਤਲਾਸ਼ੀ ਅਭਿਆਨ ਨੂੰ ਜਲਦ ਪੂਰਾ ਕਰਨ ਦੇ ਲਈ ਕੋਈ ਵੀ ਕਸਰ ਨਹੀਂ ਛੱਡੀ ਜਾ ਰਹੀ ਸੀ। ਕੋਚੀ ਤੋਂ ਲਿਆਏ ਗਏ ਵਿਸ਼ੇਸ਼ ਸੋਨਾਰ ਉਪਕਰਣ ਦਾ ਇਸਤੇਮਾਲ ਕੀਤਾ ਜਾ ਰਿਹਾ ਸੀ ਤਾਂ ਕਿ ਤਲਾਸ਼ੀ ਅਭਿਆਨ ਨੂੰ ਆਪਣੇ ਅਖਿਰੀਲੇ ਪੜਾਅ ਤੱਕ ਲੈ ਜਾਇਆ ਜਾ ਸਕੇ।
3 ਅਗਸਤ ਨੂੰ ਵਾਪਰਿਆ ਸੀ ਹਾਦਸਾ
ਮੰਗਲਵਾਰ 3 ਅਗਸਤ ਨੂੰ ਰਣਜੀਤ ਸਾਗਰ ਡੈਮ (Ranjit Sagar Dam) ’ਚ ਧਰੁਵ ਹੈਲੀਕਾਪਟਰ ਹਾਦਾਸਗ੍ਰਸਤ ਹੋ ਗਿਆ ਸੀ। ਇਸ ਹਾਦਸੇ ਦੌਰਾਨ ਹੈਲੀਕਾਪਟਰ ਦੇ ਪਾਇਲਟ ਅਤੇ ਸਹਿ-ਪਾਇਲਟ ਲਾਪਤਾ ਹੋ ਗਏ ਸਨ। ਜਿਨ੍ਹਾਂ ਦੀ ਭਾਲ ਲਗਾਤਾਰ ਕੀਤੀ ਜਾ ਰਹੀ ਹੈ।
ਇਹ ਵੀ ਪੜੋ: ਸਿੰਘੂ ਕਤਲ ਮਾਮਲਾ: 6 ਦਿਨਾਂ ਦੇ ਪੁਲਿਸ ਰਿਮਾਂਡ 'ਤੇ ਤਿੰਨ ਨਿਹੰਗ
