'ਮਸ਼ੀਨੀ ਯੁੱਗ ਨੇ ਖ਼ਤਮ ਕੀਤਾ ਸਾਡਾ ਧੰਦਾ'

ਹੱਥਾਂ ਨਾਲ ਟੋਕਰੇ ਤਿਆਰ ਕਰਨ ਵਾਲੇ ਕਾਰੀਗਰਾਂ ਦਾ ਧੰਦਾ ਦਿਨੋ-ਦਿਨ ਖ਼ਤਮ ਹੁੰਦਾ ਜਾ ਰਿਹਾ ਹੈ। ਜਿਸ ਕਰਕੇ ਇਨ੍ਹਾਂ ਦਾ ਰੋਜ਼ਗਾਰ ਵੀ ਲਗਭਗ ਖ਼ਤਮ ਹੋ ਗਿਆ ਹੈ।

ਪਠਾਨਕੋਟ:ਮਸ਼ੀਨੀ ਯੁੱਗ ਦੇ ਚਲਦੇ ਅੱਜ ਕੱਲ੍ਹ ਲੋਕ ਜਿੱਥੇ ਮਸ਼ੀਨਾਂ ਦੇ ਨਾਲ ਬਣੇ ਸਾਮਾਨ ਨੂੰ ਖਰੀਦਣ ਦੇ ਵਿੱਚ ਆਪਣੀ ਦਿਲਚਸਪੀ ਦਿਖਾ ਰਹੇ ਹਨ। ਜਿਸ ਕਰਕੇ ਪੁਰਾਣੇ ਤਰੀਕੇ ਦੇ ਨਾਲ ਬਣੇ ਸਾਮਾਨ ਨੂੰ ਅਣਦੇਖਾ ਕੀਤਾ ਜਾ ਰਿਹਾ ਹੈ। ਜਿਸ ਦੇ ਚੱਲ ਦੇ ਜਦੋਂ ਸਾਡੀ ਟੀਮ ਨੇ ਲੱਕੜੀ ਦੀ ਟਾਹਣੀਆਂ ਦੇ ਨਾਲ ਟੋਕਰੀਆਂ ਬਣਾਉਣ ਵਾਲੇ ਕਾਰੀਗਰਾਂ ਦੇ ਨਾਲ ਇੱਕ ਮੁਲਾਕਾਤ ਕੀਤੀ, ਤਾਂ ਉਨ੍ਹਾਂ ਦੇ ਮਾੜੇ ਹਾਲਾਤਾਂ ‘ਤੇ ਪੂਰਾ ਚਾਨਣ ਪਿਆ, ਇਹ ਕਾਰੀਗਰ ਪਿਛਲੇ ਪੀੜ੍ਹੀ ਦਰ ਪੀੜ੍ਹੀ ਤੋਂ ਟੋਕਰੀਆਂ ਬਣਾਉਣ ਦਾ ਕੰਮ ਕਰਦੇ ਆ ਰਹੇ ਹਨ।

ਜਿਸ ਦੇ ਨਾਲ ਇਨ੍ਹਾਂ ਦੇ ਘਰ ਦਾ ਗੁਜ਼ਾਰਾ ਚੱਲਦਾ ਹੈ। ਪਹਿਲਾਂ ਇਨ੍ਹਾਂ ਦਾ ਇਹ ਧੰਦਾ ਕਾਫੀ ਲਾਹੇਵੰਦ ਹੁੰਦਾ ਸੀ। ਕਿਉਂਕਿ ਹਰ ਇੱਕ ਸ਼ਖ਼ਸ ਜਿਸ ਨੂੰ ਟੋਕਰੀ ਚਾਹੀਦੀ ਹੁੰਦੀ ਸੀ। ਉਹ ਇਨ੍ਹਾਂ ਕੋਲੋਂ ਖਰੀਦ ਕੇ ਲੈ ਕੇ ਜਾਂਦਾ ਸੀ, ਪਰ ਮਸ਼ੀਨੀ ਯੁੱਗ ਦੇ ਬਾਅਦ ਹੁਣ ਇਨ੍ਹਾਂ ਦੇ ਹਾਲਾਤ ਬਦਤਰ ਹੋ ਚੁੱਕੇ ਹਨ, ਅਤੇ ਬੜੀ ਮੁਸ਼ਕਿਲ ਦੇ ਨਾਲ ਕੜੀ ਮਿਹਨਤ ਕਰਨ ਤੋਂ ਬਾਅਦ ਘਰ ਦਾ ਗੁਜ਼ਾਰਾ ਚੱਲਦਾ ਹੈ।

ਹੁਣ ਇਨ੍ਹਾਂ ਦੇ ਬੱਚੇ ਇਸ ਕੰਮ ਨੂੰ ਕਰਨ ਤੋਂ ਗੁਰੇਜ਼ ਕਰ ਰਹੇ ਹਨ। ਜਿਸ ਨੂੰ ਲੈ ਕੇ ਇਨ੍ਹਾਂ ਨੇ ਮੌਜੂਦਾ ਸਰਕਾਰਾਂ ਅੱਗੇ ਗੁਹਾਰ ਲਗਾਈ, ਕਿ ਇਨ੍ਹਾਂ ਵੱਲ ਧਿਆਨ ਦਿੱਤਾ ਜਾਵੇ ਅਤੇ ਇਨ੍ਹਾਂ ਦੀ ਰੋਜ਼ੀ ਰੋਟੀ ਦਾ ਵੀ ਇੰਤਜ਼ਾਮ ਕੀਤਾ ਜਾਵੇ। ਇਨ੍ਹਾਂ ਕਾਰੀਗਰਾਂ ਨੇ ਕਿਹਾ, ਕਿ ਜੇਕਰ ਸਮੇਂ ਰਹਿੰਦੇ ਇਸ ਨੂੰ ਨਾ ਸਾਭਿਆ ਗਿਆ, ਤਾਂ ਇਹ ਜਲਦੀ ਹੀ ਅਲੋਪ ਹੋ ਜਾਵੇਗਾ।