ਪਠਾਨਕੋਟ: ਕੋਰੋਨਾ ਕਾਲ ਵਿੱਚ ਜਿੱਥੇ ਲੋਕ ਘਰ ਵਿੱਚ ਰਹਿਣ ਲਈ ਮਜ਼ਬੂਰ ਹੋ ਗਏ ਹਨ, ਉੱਥੇ ਹੀ ਲੋਕ ਤਾਜ਼ਾ ਹਵਾ ਨੂੰ ਲੈਣ ਲਈ ਪਾਰਕਾਂ ਦਾ ਸਹਾਰਾ ਲੈ ਰਹੇ ਹਨ। ਉੱਥੇ ਹੀ ਪਠਾਨਕੋਟ ਦੇ ਲੋਕ ਪਾਰਕਾਂ ਦੀ ਤਾਜ਼ਾ ਹਵਾ ਨਹੀਂ ਲੈ ਪਾ ਰਹੇ ਹਨ। ਇਸ ਦਾ ਕਾਰਨ ਦੱਸਿਆ ਜਾ ਰਿਹਾ ਹੈ ਕਿ ਸ਼ਹਿਰ ਦੇ ਮਾਡਲ ਟਾਊਨ ਵਿੱਚ ਸਥਿਤ ਮਿਊਂਸੀਪਲ ਕੌਂਸਲ ਦੇ ਪਾਰਕਾਂ ਦੀ ਹਾਲਤ ਖ਼ਸਤਾ ਹੋਈ ਪਈ ਹੈ। ਪਾਰਕਾਂ ਵਿੱਚ ਵੱਡੀਆਂ-ਵੱਡੀਆਂ ਝਾੜੀਆਂ ਅਤੇ ਬੂਟੇ ਲੱਗੇ ਹੋਏ ਹਨ ਤੇ ਪਾਰਕ ਬੰਦ ਪਏ ਹਨ।
ਪਠਾਨਕੋਟ ਦੇ ਪਾਰਕਾਂ ਦੀ ਹਾਲਤ ਹੋਈ ਖਸਤਾ
ਸਾਬਕਾ ਕੌਂਸਲਰ ਰਾਜਕੁਮਾਰ ਰਾਜੂ ਨੇ ਕਿਹਾ ਕਿ ਉਹ ਵਾਰਡ ਨੰ. 38 ਦੇ ਕੌਂਸਲਰ ਰਹਿ ਚੁੱਕੇ ਹਨ। ਵਾਰਡ.38 ਵਿੱਚ 7 ਪਾਰਕ ਹਨ। ਉਨ੍ਹਾਂ ਨੇ ਕਿਹਾ ਕਿ ਇਨ੍ਹਾਂ 7 ਪਾਰਕਾਂ 'ਚੋਂ ਗੁਰੂ ਨਾਨਕ ਪਾਰਕ ਨੂੰ ਛੱਡ ਕੇ ਬਾਕੀ ਸਾਰੇ ਪਾਰਕਾਂ ਦੀ ਹਾਲਤ ਖ਼ਸਤਾ ਹੋ ਚੁੱਕੀ ਹੈ।