ਬੀਐਸਐਨਐਲ ਕਰਮਚਾਰੀਆਂ ਦੀ ਕੇਂਦਰ ਸਰਕਾਰ ਵਿਰੁੱਧ ਹੜਤਾਲ

ਭਾਰਤ ਸੰਚਾਰ ਨਿਗ਼ਮ ਲਿਮਿਟਡ (ਬੀਐਸਐਨਐਲ) ਕਰਮਚਾਰੀਆਂ ਨੇ ਪਠਾਨਕੋਟ ਵਿਖੇ ਕੀਤੀ ਹੜਤਾਲ। ਕੇਂਦਰ ਸਰਕਾਰ ਵਿਰੁੱਧ ਪ੍ਰਦਰਸ਼ਨ। 4G ਸਪੈਕਟਰਮ ਮੁੱਹਈਆ ਕਰਵਾਉਣ ਦੀ ਮੰਗ।

ਪਠਾਨਕੋਟ: ਬੀਐਸਐਨਐਲ ਕਰਮਚਾਰੀਆਂ ਨੇ ਆਪਣੀ ਮੰਗਾਂ ਨੂੰ ਲੈ ਕੇ ਕੇਂਦਰ ਸਰਕਾਰ ਦੇ ਵਿਰੁੱਧ ਜੰਮ ਕੇ ਪ੍ਰਦਰਸ਼ਨ ਕੀਤਾ ਹੈ। ਕਰਮਚਾਰੀਆਂ ਦਾ ਕਹਿਣਾ ਹੈ ਕਿ ਕੇਂਦਰ ਸਰਕਾਰ ਦਾ ਨਿੱਜੀ ਕੰਪਨੀਆਂ ਵੱਲ ਜ਼ਿਆਦਾ ਝੁਕਾਅ ਹੈ ਅਤੇ ਬੀਐਸਐਨਐਲ ਨੂੰ ਨਜ਼ਰਅੰਦਾਜ਼ ਕੀਤਾ ਜਾ ਰਿਹਾ ਹੈ। ਪ੍ਰਦਰਸ਼ਨ ਕਰ ਰਹੇ ਕਰਮਚਾਰੀਆਂ ਨੇ ਕਿਹਾ ਕਿ ਬੀਐਸਐਨਐਲ ਨੂੰ ਜਲਦ ਹੀ 4G ਸਪੈਕਟਰਮ ਮੁੱਹਈਆ ਕਰਵਾਇਆ ਜਾਵੇ।

ਲੋਕਾਂ ਦੀ ਸਹੂਲਤਾਂ ਨੂੰ ਵੇਖਦੇ ਹੋਏ ਜਿੱਥੇ ਇੱਕ ਪਾਸੇ ਪ੍ਰਾਈਵੇਟ ਕੰਪਨੀਆਂ 5G ਸਪੈਕਟਰਮ ਦੇ ਵੱਲ ਰੁੱਖ ਕਰ ਰਹੀ ਹੈ, ਉੱਥੇ ਹੀ ਇਸ ਤੋਂ ਉਲਟ ਬੀਐਸਐਨਐਲ ਕੰਪਨੀ 4G ਸਪੈਕਟਰਮ ਜਲਦ ਲਾਗੂ ਕਰਵਾਉਣ ਲਈ ਕੇਂਦਰ ਸਰਕਾਰ ਦੇ ਵਿਰੁੱਧ ਪ੍ਰਦਰਸ਼ਨ ਕਰ ਰਹੀ ਹੈ।ਪ੍ਰਦਰਸ਼ਨ ਕਰ ਰਹੇ ਬੀਐਸਐਨਐਲ ਕਰਮਚਾਰੀਆਂ ਨੇ ਕਿਹਾ ਕੀ ਦੇਸ਼ ਦੇ ਪ੍ਰਧਾਨ ਮੰਤਰੀ ਨੂੰ ਸਰਕਾਰੀ ਕੰਪਨੀ ਬੀਐਸਐਨਐਲ ਨੂੰ ਅੱਗੇ ਵਧਾਉਣ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ ਪਰ ਇਸ ਤੋਂ ਉਲਟ ਪ੍ਰਧਾਨ ਮੰਤਰੀ ਦਾ ਪ੍ਰਾਈਵੇਟ ਕੰਪਨੀਆਂ ਵੱਲ ਜ਼ਿਆਦਾ ਰੁਝਾਣ ਹੈ। ਉਨ੍ਹਾਂ ਕਿਹਾ ਕਿ ਇਸ ਕਾਰਨ ਹੁਣ ਤੱਕ ਬੀਐਸਐਨਐਲ 4G ਨੈਟਵਰਕ ਨੂੰ ਚਾਲੂ ਨਹੀਂ ਕਰ ਪਾਇਆ ਹੈ। ਬੀਐਸਐਨਐਲ ਕਰਮਚਾਰੀਆਂ ਨੇ ਮੋਬਾਈਲ ਟਾਵਰਾਂ ਦਾ ਬਾਹਰੀ ਕੰਪਨੀਆਂ ਵੱਲੋਂ ਰੱਖ ਰਖਾਵ ਦੇ ਪ੍ਰਸਤਾਵ ਨੂੰ ਰੱਦ ਕਰਨ ਦੀ ਵੀ ਮੰਗ ਕੀਤੀ ਹੈ।