Thief Robbed Mobile Phones : ਸ਼ਾਤਿਰ ਚੋਰਾਂ ਨੇ ਅਨੌਖੇ ਤਰੀਕੇ ਨਾਲ ਮੋਬਾਈਲ ਸਟੋਰ ਨੂੰ ਬਣਾਇਆ ਨਿਸ਼ਾਨਾ, ਮਿੰਟਾਂ 'ਚ ਕੀਤੇ ਲੱਖਾਂ ਦੇ ਫੋਨ ਚੋਰੀ

ਮੋਗਾ ਅੰਮ੍ਰਿਤਸਰ ਰੋਡ 'ਤੇ ਇੱਕ ਮੋਬਾਈਲ ਦੀ ਦੁਕਾਨ ਉੱਤੇ ਚੋਰਾਂ ਨੇ ਹੱਥ ਸਾਫ ਕਰਦਿਆਂ ਲੱਖਾਂ ਦਾ ਸਮਾਨ ਚੋਰੀ ਕਰ ਲਿਆ। ਸ਼ਾਤਿਰ ਚੋਰ ਦੁਕਾਨ ਦੀ ਕੰਧ ਪਾੜ ਕੇ ਅੰਦਰ ਵੜੇ ਅਤੇ ਵਾਰਦਾਤ ਨੂੰ ਅੰਜਾਮ ਦਿੱਤਾ।

ਮੋਗਾ : ਸੂਬਾ ਸਰਕਾਰ ਵੱਲੋਂ ਲਗਾਤਾਰ ਅਪਰਾਧ ਉੱਤੇ ਠੱਲ੍ਹ ਪਾਉਣ ਦੇ ਦਾਅਵੇ ਕੀਤਾ ਜਾਂਦੇ ਹਨ, ਪਰ ਬਾਵਜੂਦ ਇਸ ਦੇ ਸੂਬੇ ਵਿੱਚ ਨਿਤ ਦਿਨ ਚੋਰੀ ਤੇ ਲੁੱਟ ਦੀ ਵਾਰਦਾਤ ਸਾਹਮਣੇ ਆ ਰਹੀ ਹੈ। ਅਜਿਹਾ ਹੀ ਮਾਮਲਾ ਸਾਹਮਣੇ ਆਇਆ ਹੈ, ਮੋਗਾ ਅੰਮ੍ਰਿਤਸਰ ਰੋਡ 'ਤੇ ਪੈਂਦੀ ਇੱਕ ਮੋਬਾਈਲ ਦੀ ਦੁਕਾਨ ਤੋਂ, ਜਿੱਥੇ ਚੋਰਾਂ ਨੇ ਦੇਰ ਰਾਤ ਦੁਕਾਨ ਦੀ ਕੰਧ ਪਾੜ ਕੇ ਦੁਕਾਨ ਅੰਦਰੋਂ ਨਕਦੀ ਅਤੇ ਮੋਬਾਇਲ ਚੋਰੀ ਕਰ ਕੇ ਲੈ ਗਏ। ਇਹ ਸਾਰੀ ਘਟਨਾ ਸੀਸੀਟੀਵੀ ਵਿੱਚ ਕੈਦ ਹੋ ਗਈ ਹੈ ਜਿਸ ਦੇ ਅਧਾਰ 'ਤੇ ਹੁਣ ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।

ਕੰਧ ਪਾੜ ਕੇ ਨਕਦੀ ਅਤੇ ਮੋਬਾਇਲ ਚੋਰੀ :ਜਾਣਕਾਰੀ ਮੁਤਾਬਿਕ ਘਟਨਾ 24 ਅਗਸਤ ਦੀ ਹੈ, ਜਦੋਂ ਦੁਕਾਨਦਾਰ ਰੋਜ਼ਾਨਾ ਵਾਂਗ ਹੀ ਆਪਣੀ ਦੁਕਾਨ ਖੋਲ੍ਹਣ ਲੱਗਦਾ ਹੈ, ਤਾਂ ਅਚਾਨਕ ਹੀ ਦੇਖਦਾ ਹੈ ਕਿ ਦੁਕਾਨ ਦੇ ਪਿਛਲੇ ਪਾਸੇ ਦੀ ਕੰਧ ਵਿੱਚ ਪਾੜ ਪਿਆ ਹੋਇਆ ਹੈ ਅਤੇ ਦੁਕਾਨ ਦਾ ਸਾਰਾ ਸਮਾਨ ਵੀ ਖਿਲਰਿਆ ਪਿਆ ਹੈ। ਨਕਦੀ ਅਤੇ ਮੋਬਾਇਲ ਫੋਨ ਵੀ ਗਾਇਬ ਹਨ। ਇਸ ਸਬੰਧ ਵਿਚ ਦੁਕਾਨ ਮਾਲਕ ਸੰਜੂ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਜਦੋਂ ਅੱਜ ਸਵੇਰੇ ਆਪਣੀ ਦੁਕਾਨ 'ਤੇ ਆਏ ਅਤੇ ਸ਼ਟਰ ਖੋਲ੍ਹਿਆਂ ਤਾਂ ਦੇਖਿਆ ਕਿ ਦੁਕਾਨ ਦੇ ਅੰਦਰ ਲੱਖਾ ਦੇ ਮੋਬਾਇਲ ਚੋਰੀ ਹੋਏ ਹਨ। ਜਦੋਂ ਸੀਸੀਟੀਵੀ ਦੇਖੀ ਤਾਂ ਉਸ ਵਿੱਚ ਦੇਖਿਆ ਕਿ ਦੁਕਾਨ ਦੇ ਅੰਦਰ ਦੋ ਚੋਰ ਆਏ ਸਨ। ਇਕ ਦੁਕਾਨ ਦੇ ਅੰਦਰ ਸੀ ਤੇ ਆਪਣੇ ਬਾਹਰ ਖਾੜੇ ਸਾਥੀ ਨੂੰ ਮੋਬਾਇਲ ਫੜਾਉਂਦਾ ਰਿਹਾ। ਉਸ ਨੇ ਕਿਹਾ ਕਿ ਚੋਰਾਂ ਵੱਲੋਂ ਲਗਾਏ ਪਾੜ ਨੂੰ ਦੇਖ ਕੇ ਮੈ ਇੱਕ ਵਾਰ ਤਾਂ ਹੈਰਾਨ ਹੋ ਗਿਆ ਕਿ ਇੰਨੇ ਸ਼ਾਤਰ ਚੋਰਾਂ ਨੇ ਲੋਕਾਂ ਦੇ ਨੱਕ ਵਿੱਚ ਦਮ ਕੀਤਾ ਹੋਇਆ ਹੈ।

ਪੰਜਾਬ ਵਿੱਚ ਰਹਿਣਾ ਮੁਸ਼ਿਕਲ ਹੋਇਆ ਪਿਆ:ਦੁਕਾਨ ਮਾਲਕ ਨੇ ਦੱਸਿਆ ਕਿ ਜਦੋਂ ਅਸੀਂ ਸੀ. ਸੀ. ਟੀ. ਵੀ. ਕੈਮਰੇ ਚੈੱਕ ਕੀਤੇ ਤਾ ਅਣਪਛਾਤੇ ਚੋਰ 30-40 ਮਿੰਟ ਦੇ ਕਰੀਬ ਦੁਕਾਨ ਵਿੱਚ ਰਹੇ, ਤਾਂ ਪਤਾ ਲੱਗਾ ਕਿ ਚੋਰ ਦੁਕਾਨ ਦੇ ਵਿੱਚੋਂ ਸਾਰੇ ਮੋਬਾਇਲ ਤੇ ਨਕਦੀ ਲੈ ਗਏ ਹਨ। ਦੁਕਾਨ ਦੇ ਨਾਲ ਲੱਗਦੀ ਸੁੰਨਸਾਨ ਗਲੀ ਵਾਲੀ ਕੰਧ ਨੂੰ ਚੋਰਾਂ ਨੇ ਇੱਟਾਂ ਕੱਢ ਕੇ ਪਾੜ ਲਗਾਇਆ। ਦੁਕਾਨ ਮਾਲਕ ਨੇ ਕਿਹਾ ਕਿ ਆਏ ਦਿਨ ਚੋਰਾਂ ਵੱਲੋਂ ਦੁਕਾਨਾਂ,ਘਰਾ ਨੂੰ ਨਿਸ਼ਾਨਾ ਬਣਿਆ ਜਾ ਰਿਹਾ ਹੈ। ਅੱਜ ਦੇ ਸਮੇ ਵਿੱਚ ਪੰਜਾਬ ਵਿੱਚ ਰਹਿਣਾ ਮੁਸ਼ਿਕਲ ਹੋਇਆ ਪਿਆ ਹੈ। ਦੁਕਾਨ ਮਾਲਕ ਨੇ ਇਸ ਸਬੰਧ 'ਚ ਥਾਣਾ ਸਿਟੀ ਮੋਗਾ ਨੂੰ ਸੂਚਿਤ ਕੀਤਾ।

ਉਥੇ ਹੀ ਮਾਮਲੇ ਦੀ ਪੜਤਾਲ ਕਰ ਰਹੇ ਪੁਲਿਸ ਅਧਿਆਕਾਰੀ ਨੇ ਦੱਸਿਆ ਕਿ ਸੀਸੀਟੀਵੀ ਫੁਟੇਜ ਦੇ ਅਧਾਰ 'ਤੇ ਮਾਮਲੇ ਦੀ ਪੜਤਾਲ ਕੀਤੀ ਜਾਵੇਗੀ, ਜੋ ਵੀ ਚੋਰ ਸਨ ਤੇ ਉਨ੍ਹਾਂ ਦਾ ਜਿਹੜਾ ਗਰੁੱਪ ਹੋਇਆ, ਉਨ੍ਹਾਂ ਨੂੰ ਫੌਰੀ ਤੌਰ 'ਤੇ ਕਾਬੂ ਕੀਤਾ ਜਾਵੇਗਾ।