ਮੋਗਾ: ਦਿਵਿਆਂਗ ਬੱਚੇ ਵੀ ਆਪਣੇ ਆਪ ਵਿੱਚ ਕਿਸੇ ਇਕ ਖਾਸ ਹੁਨਰ ਵਿੱਚ ਮੁਹਾਰਤ ਹਾਸਲ ਕਰਕੇ ਆਪਣਾ ਨਾਮ ਚਮਕਾ ਸਕਦੇ ਹਨ। ਉਨ੍ਹਾਂ ਜ਼ਰੂਰਤ ਹੁੰਦਾ ਹੈ ਕਿਸੇ ਦੇ ਸਾਥ ਦੀ, ਜੋ ਉਨ੍ਹਾਂ ਵਿਚਾਲੇ ਕਿਸੇ ਇਕ ਸਪੈਸ਼ਲ ਹੁਨਰ ਨੂੰ ਪਛਾਣਨ ਦੀ। ਅਜਿਹਾ ਹੀ ਕੁਝ ਕੀਤਾ ਜਾ ਰਿਹਾ ਹੈ ਮੋਗਾ ਦੀ ਔਰਤ ਮੀਨਾ ਸ਼ਰਮਾ। ਮੀਨਾ ਸ਼ਰਮਾ ਵਲੋਂ ਸਪੈਸ਼ਲ ਬੱਚਿਆਂ ਲਈ ਦਰਪਣ ਸਪੈਸ਼ਲ ਸਕੂਲ, ਜੋ ਕਿ ਸਵੈਮਾਨ ਕਲੱਬ ਨਾਲ ਮਿਲ ਕੇ ਚਲਾਇਆ ਜਾ ਰਿਹਾ ਹੈ। ਇਸ ਸਕੂਲ ਵਿੱਚ ਸਪੈਸ਼ਲ ਬੱਚਿਆਂ ਨੂੰ ਉਨ੍ਹਾਂ ਦੇ ਹੁਨਰ (Children with disabilities won medals) ਵਿੱਚ ਹੋਰ ਮੁਹਾਰਤ ਦਿੱਤੀ ਜਾਂਦੀ ਹੈ, ਤਾਂ ਜੋ ਉਹ ਸਪੈਸ਼ਲ ਤੋਂ ਹੋਰ ਖਾਸ ਬਣ ਸਕਣ।
9 ਮਹੀਨਿਆਂ ਵਿੱਚ 9 ਤਗ਼ਮੇ ਜਿੱਤੇ:ਮੈਡਮ ਸ਼ਰਮਾ ਨੇ ਇੰਨੀ ਲਗਨ ਨਾਲ ਇਨ੍ਹਾਂ ਬੱਚਿਆਂ ਨੂੰ ਸਿੱਖਲਾਈ ਦਿੱਤੀ ਹੈ ਕਿ ਬੱਚਿਆਂ ਨੇ 9 ਮਹੀਨਿਆ ਵਿੱਚ 9 ਤਗ਼ਮੇ ਹਾਸਲ ਕਰ ਲਏ ਹਨ। ਇਨ੍ਹਾਂ ਤਗ਼ਮਿਆਂ ਵਿੱਚ ਜ਼ਿਆਦਾ ਸੋਨੇ ਦੇ ਤਗ਼ਮੇ ਹਨ ਤੇ ਕੁਝ ਬ੍ਰਾਂਜ਼। ਤਗ਼ਮੇ ਸਕੂਲ ਦੀ ਝੋਲੀ ਪਾ ਕੇ ਜਿੱਥੇ ਬੱਚਿਆਂ ਮਨੇ ਸਕੂਲ ਦਾ ਨਾਂਅ ਰੋਸ਼ਨ ਕੀਤਾ ਹੈ, ਉੱਥੇ ਹੀ, ਇਨ੍ਹਾਂ ਸਪੈਸ਼ਲ ਬੱਚਿਆਂ ਨੇ ਆਪਣੇ ਮਾਂਪਿਓ ਨੂੰ ਵੀ ਇਹ ਸਾਬਿਤ ਕਰ ਦਿੱਤਾ ਹੈ ਕਿ ਉਹ ਉਨ੍ਹਾਂ ਉੱਤੇ ਬੋਝ ਨਹੀਂ ਹਨ।