ਮਾਨਸਾ: ਮਾਂ ਬਾਪ ਦਾ ਹੱਥ ਜਦੋਂ ਸਿਰ 'ਤੇ ਹੋਵੇ ਤਾਂ ਬੱਚਿਆਂ ਨੂੰ ਕਿਸੇ ਤਰ੍ਹਾਂ ਦੀ ਵੀ ਕੋਈ ਪਰਵਾਹ ਨਹੀਂ ਹੁੰਦੀ। ਇਸ ਦੇ ਬਾਵਜੂਦ ਜੇਕਰ ਬਚਪਨ 'ਚ ਸਿਰ ਤੋਂ ਮਾਂ ਬਾਪ ਦਾ ਹੱਥ ਉਠ ਜਾਵੇ ਤਾਂ ਦੁਖਾਂ ਦਾ ਪਹਾੜ ਬੱਚੇ 'ਤੇ ਟੁੱਟ ਜਾਂਦਾ ਹੈ। ਅਜਿਹੇ 'ਚ ਜੋ ਰਿਸ਼ਤੇ ਖੂਨ ਦੇ ਹੋਣ ਜਾਂ ਨਜ਼ਦੀਕੀ ਸਭ ਪਾਸਾ ਵਟਣਾ ਸ਼ੁਰੂ ਕਰ ਦਿੰਦੇ ਹਨ। ਛੋਟੀ ਉਮਰੇ ਵੱਡੀ ਜਿੰਮੇਵਾਰੀ ਪੈਣ ਕਾਰਨ ਕਈ ਸੁਪਨਿਆਂ ਨੂੰ ਮਾਰਨਾ ਪੈ ਜਾਂਦਾ ਹੈ।
ਰਿਸ਼ਤੇਦਾਰਾਂ ਨਹੀਂ ਲਈ ਸਾਰ
ਅਜਿਹਾ ਹੀ ਮਾਮਲਾ ਮਾਨਸਾ ਦੇ ਪਿੰਡ ਸਰਦੂਲਗੜ੍ਹ ਤੋਂ ਸਾਹਮਣੇ ਆਇਆ ਹੈ। ਜਿਥੇ ਮਹਿਜ਼ ਛੋਟੀ ਉਮਰ 'ਚ ਹੀ ਭੈਣ ਭਰਾ ਦੇ ਸਿਰ ਤੋਂ ਮਾਤਾ ਪਿਤਾ ਦਾ ਸਾਇਆ ਉਠ ਗਿਆ। ਪਿਛਲੇ ਦੋ ਸਾਲਾਂ ਤੋਂ ਦੋਵੇਂ ਭੈਣ ਭਰਾ ਇਕੱਲੇ ਰਹਿ ਰਹੇ ਹਨ। ਜਿਸ 'ਚ ਰਿਸ਼ਤੇਦਾਰਾਂ ਵਲੋਂ ਵੀ ਉਨ੍ਹਾਂ ਦੀ ਕੋਈ ਬਾਤ ਨਹੀਂ ਪੁੱਛੀ ਗਈ। ਉਕਤ ਬੱਚਿਆਂ ਦੀ ਸੋਸ਼ਲ ਮੀਡੀਆ 'ਤੇ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਸਮਾਜਸੇਵੀ ਸੰਸਥਾਵਾਂ ਵੀ ਉਨ੍ਹਾਂ ਦੀ ਮਦਦ ਲਈ ਅੱਗੇ ਆ ਰਹੀਆਂ ਹਨ।
ਦੋ ਸਾਲ ਤੋਂ ਭੈਣ ਭਰਾ ਰਹਿ ਰਹੇ ਇਕੱਲੇ
ਇਸ ਸਬੰਧੀ ਛੋਟੀ ਬੱਚੀ ਪੂਜਾ ਨੇ ਦੱਸਿਆ ਕਿ ਦੋ ਸਾਲ ਪਹਿਲਾਂ ਮਾਤਾ ਦੀ ਕੈਂਸਰ ਕਾਰਨ ਮੌਤ ਹੋ ਗਈ ਅਤੇ ਫਿਰ ਪਿਤਾ ਨੂੰ ਕਾਲਾ ਪੀਲੀਆ ਹੋਣ ਕਾਰਨ ਉਨ੍ਹਾਂ ਦੀ ਵੀ ਮੌਤ ਹੋ ਗਈ। ਉਨ੍ਹਾਂ ਦੱਸਿਆ ਕਿ ਮਾਤਾ ਪਿਤਾ ਦੀ ਮੌਤ ਤੋਂ ਬਾਅਦ ਉਹ ਦੋਵੇਂ ਭੈਣ ਭਰਾ ਇਕੱਲੇ ਹੀ ਰਹਿ ਰਹੇ ਹਨ। ਉਸ ਨੇ ਦੱਸਿਆ ਕਿ ਉਸਦੀ ਦਾਦੀ ਅਤੇ ਤਾਇਆ ਜੋ ਲੁਧਿਆਣਾ 'ਚ ਰਹਿੰਦੇ ਹਨ ਅਤੇ ਕਦੇ-ਕਦੇ ਪਿੰਡ ਆ ਕੇ ਉਨ੍ਹਾਂ ਕੋਲ ਗੇੜਾ ਮਾਰ ਜਾਂਦੇ ਹਨ, ਪਰ ਆਰਥਿਕ ਮਦਦ ਕਦੇ ਨਹੀਂ ਕੀਤੀ।
ਤੀਹ ਰੁਪਏ ਨਾਲ ਲਿਆਉਂਦੇ ਰਾਸ਼ਨ