ਹਰਦੀਪ ਸਿੰਘ ਢਿਲੋਂ ਨੇ ਆਕਸੀਜਨ ਦੇ 5 ਸਲੰਡਰ ਅਤੇ 2 ਡੀਪ ਫਰਿਜ਼ਰ ਕੀਤੇ ਦਾਨ

ਡਿੰਪੀ ਢਿੱਲੋਂ ਵੱਲੋਂ ਸਿਵਲ ਹਸਪਤਾਲ ਨੂੰ 5 ਆਕਸੀਜਨ ਕੰਸੈਂਟਰੇਟਰ ਅਤੇ 2 ਡੀਪ ਫਰਿਜ਼ਰ ਦਿੱਤੇ ਗਏ ਹਨ।ਉਨ੍ਹਾਂ ਨੇ ਕਿਹਾ ਹੈ ਕਿ ਕੋਰੋਨਾ ਦੇ ਸਮੇਂ ਰਾਜਨੀਤੀ ਛੱਡ ਕੇ ਕੋਰੋਨਾ ਦੇ ਮਰੀਜ਼ਾਂ ਲਈ ਸਭ ਨੂੰ ਅੱਗੇ ਆਉਣਾ ਚਾਹੀਦਾ ਹੈ।

ਸ੍ਰੀ ਮੁਕਤਸਰ ਸਾਹਿਬ:ਗਿੱਦੜਬਾਹਾ ਹਲਕੇ ਤੋਂ ਸ਼੍ਰੋਮਣੀ ਅਕਾਲੀ ਦਲ ਦੇ ਵਰਕਿੰਗ ਕਮੇਟੀ ਦੇ ਮੈਂਬਰ ਹਰਦੀਪ ਸਿੰਘ ਡਿੰਪੀ ਢਿਲੋਂ ਵੱਲੋਂ ਕੋਰੋਨਾ ਮਹਾਂਮਾਰੀ ਨੂੰ ਮੁੱਖ ਰੱਖਦੇ ਹੋਏ ਸਿਵਲ ਹਸਪਤਾਲ ਨੂੰ 5 ਆਕਸੀਜਨ ਕੰਸੈਂਟਰੇਟਰ ਮਸ਼ੀਨਾਂ ਅਤੇ 2 ਡੀਪ ਫ੍ਰੀਜਰ ਦਿੱਤੇ ਹਨ ਜੋ ਅੱਜ ਸਿਵਲ ਹਸਪਤਾਲ ਵਿਖੇ ਡਿੰਪੀ ਢਿੱਲੋਂ ਵੱਲੋਂ ਡਾ. ਦੀਪਕ ਰਾਏ , ਡਾ ਗੁਰਪ੍ਰੀਤ ਸਿੰਘ ਚੀਮਾ
ਅਤੇ ਡਾ ਧਰਿੰਦਰ ਗਰਗ ਦੇ ਸਪੁਰਦ ਕੀਤੇ ਹਨ।

ਇਸ ਬਾਰੇ ਹਰਦੀਪ ਸਿੰਘ ਡਿੰਪੀ ਢਿੱਲੋਂ ਨੇ ਮਾਣਯੋਗ ਨਰੇਸ਼ ਗੁਜਰਾਲ ਮੈਬਰ ਪਾਰਲੀਮੇੈਟ ਦਾ ਧੰਨਵਾਦ ਕਰਦਿਆਂ ਪੱਤਰਕਾਰਾਂ ਨੂੰ ਦੱਸਿਆ ਕਿ ਪਿਛਲੇ ਦਿਨੀਂ ਸਿਵਲ ਹਸਪਤਾਲ ਵਿਖੇ ਡਾਕਟਰ ਸਹਿਬਾਨਾਂ ਨਾਲ ਕੋਰੋਨਾ ਮਰੀਜ਼ਾਂ ਨੂੰ ਸਹੂਲਤਾਂ ਦੇਣ ਸੰਬੰਧੀ ਗੱਲਬਾਤ ਹੋਈ ਸੀ, ਇਸ ਦੌਰਾਨ ਡਾਕਟਰ ਸਹਿਬਾਨਾਂ ਨੇ ਕੋਰੋਨਾਂ ਮਰੀਜਾਂ ਲਈ ਕੰਸੈਂਟਰੇਟਰ ਮਸ਼ੀਨਾਂ ਦੀ ਕਮੀ
ਬਾਰੇ ਦੱਸਿਆ ਤੇ ਨਾਲ ਹੀ ਡੀਪ ਫਰਿਜ਼ਰ ਦੀ ਲੋੜ ਬਾਰੇ ਕਿਹਾ ਸੀ।

ਹਰਦੀਪ ਸਿੰਘ ਨੇ ਕਿਹਾ ਹੈ ਕਿ ਸ੍ਰੀ ਨਰੇਸ਼ ਗੁਜਰਾਲ ਮੈਂਬਰ ਪਾਰਲੀਮੇੈਟ ਨੂੰ ਪੱਤਰ ਲਿਖ ਕੇ ਬੇਨਤੀ ਕੀਤੀ ਸੀ ਕਿ ਉਨ੍ਹਾਂ ਨੇ ਸਾਡੀ ਮੰਗ ਪੂਰੀ ਕਰਦਿਆਂ ਐਮ ਪੀ ਫੰਡ ਵਿੱਚੋਂ 4 ਲੱਖ 84 ਹਜ਼ਾਰ ਭੇਜੇ ਸਨ ਜਿਸ ਨਾਲ ਪੰਜ 5 ਆਕਸੀਜਨ ਕੰਸੈਂਟਰੇਟਰ ਮਸ਼ੀਨਾਂ ਅਤੇ 2 ਡੀਪ ਫਰਿਜਰ ਖਰੀਦ ਕੇ ਸਿਵਲ ਹਸਪਤਾਲ ਨੂੰ ਦਿੱਤੇ ਹਨ।