ਮਾਨਸਾ: ਮਾਨਸਾ ਦੇ ਕਸਬਾ ਸਰਦੂਲਗੜ੍ਹ 'ਚ ਇੱਕ ਪ੍ਰੇਮੀ ਜੋੜੇ ਵੱਲੋਂ ਸਲਫਾਸ ਨਿਗਲ ਕੇ ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ। ਜਿਸ ਵਿੱਚ ਕੁੜੀ ਦੀ ਮੋਤ ਹੋ ਗਈ ਹੈ ਤੇ ਮੁੰਡੇ ਨੂੰ ਫਤਿਹਾਬਾਦ ਹਸਪਤਾਲ 'ਚ ਦਾਖਲ ਕਰਵਾਇਆ ਗਿਆ ਹੈ। ਜਾਣਕਾਰੀ ਮੁਤਾਬਕ ਮੁੰਡਾ ਅਤੇ ਕੁੜੀ ਦੇ ਆਪਸ 'ਚ ਪ੍ਰੇਸ ਸਬੰਧ ਸੀ ਜਿਸ ਦੇ ਚੱਲਦਿਆਂ ਦੋਵੇਂ ਘਰ ਤੋਂ ਭੱਜੇ ਸੀ।
ਪ੍ਰੇਮੀ ਜੋੜੇ ਨੇ ਘਰ ਤੋਂ ਭੱਜ ਕੇ ਖੁਦਕੁਸ਼ੀ ਕਰਨ ਦੀ ਕੀਤੀ ਕੋਸ਼ਿਸ਼, ਕੁੜੀ ਦੀ ਮੋਤ
ਮੁੰਡੇ ਦਾ ਨਾਂਅ ਰੋਹਤਾਸ਼ ਕੁਮਾਰ ਹੈ ਜੋ ਕਿ ਹਰਿਆਣਾ ਜ਼ਿਲ੍ਹੇ ਦੇ ਫਤਿਹਾਬਾਦ ਦੇ ਪਿੰਡ ਖਾਬੜਾ ਦਾ ਵਸਨੀਕ ਹੈ। ਕੁੜੀ ਦਾ ਨਾਂਅ ਮੋਨਿਕਾ ਦੱਸਿਆ ਜਾ ਰਿਹਾ ਹੈ ਜੋ ਕਿ ਰਾਜਸਥਾਨ ਦੇ ਪਿੰਡ ਵੀਰਾਨ ਦੀ ਰਹਿਣ ਵਾਲੀ ਹੈ। ਡਾਕਟਰ ਕਮਲਜੀਤ ਸ਼ਰਮਾ ਨੇ ਦੱਸਿਆ ਕਿ ਦੁਪਹਿਰ ਨੂੰ ਇੱਕ ਕੁੜੀ ਮੁੰਡਾ ਦੋਵੇਂ ਹਸਪਤਾਲ ਆਏ ਸੀ ਜਿਨ੍ਹਾਂ ਨੇ ਸਲਫਾਸ ਨਿਗਲੀ ਹੋਈ ਸੀ। ਇਸ ਤੋਂ ਬਾਅਦ ਦੋਨਾਂ ਨੂੰ ਹਸਪਤਾਲ ਦਾਖ਼ਲ ਕੀਤਾ ਗਿਆ। ਇਲਾਜ ਦੌਰਾਨ ਕੁੜੀ ਦੀ ਮੌਤ ਹੋ ਗਈ ਤੇ ਮੁੰਡੇ ਨੂੰ ਫਤਿਹਾਬਾਦ ਹਸਪਤਾਲ 'ਚ ਰੈਫ਼ਰ ਕਰ ਦਿੱਤਾ ਗਿਆ ਹੈ। ਜਿੱਥੇ ਉਸ ਦਾ ਇਲਾਜ ਚੱਲ ਰਿਹਾ ਹੈ।