ਮਾਨਸਾ: ਪਿੰਡ ਬੁਰਜ ਹਰੀਕੇ ਦਾ ਨੌਜਵਾਨ ਪ੍ਰਭ ਦਿਆਲ ਸਿੰਘ ਜੋ ਭਾਰਤੀ ਫੌਜ 'ਚ ਸੂਰਤਗੜ੍ਹ ਤੈਨਾਤ ਸੀ। ਜਿਸ ਦੀ ਬੀਤੇ ਦਿਨੀਂ ਮੌਤ ਹੋ ਗਈ। ਨੌਜਵਾਨ ਦੀ ਮੌਤ ਤੋਂ ਬਾਅਦ ਪਿੰਡ 'ਚ ਸੋਗ ਦੀ ਲਹਿਰ ਹੈ। ਪਰਿਵਾਰ ਦਾ ਕਹਿਣਾ ਕਿ ਉਨ੍ਹਾਂ ਦੇ ਪੁੱਤਰ ਨੂੰ ਦੇਸ਼ ਦੀ ਸੇਵਾ ਕਰਨ ਦਾ ਸ਼ੌਂਕ ਸੀ, ਜਿਸ ਕਾਰਨ ਪੰਜ ਸਾਲ ਪਹਿਲਾਂ ਉਹ ਭਾਰਤੀ ਫੌਜ 'ਚ ਭਰਤੀ ਹੋਇਆ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਉਕਤ ਨੌਜਵਾਨ ਫੌਜੀ ਵਲੋਂ ਖੁਦਕੁਸ਼ੀ ਕੀਤੀ ਗਈ ਹੈ, ਜਿਸ ਨੂੰ ਲੈਕੇ ਪਰਿਵਾਰ ਨੇ ਇਨਸਾਫ਼ ਦੀ ਮੰਗ ਵੀ ਕੀਤੀ ਹੈ।
ਪਿੰਡ ਬੁਰਜ ਹਰੀਕੇ ਦੇ 23 ਸਾਲਾ ਫ਼ੌਜੀ ਨੌਜਵਾਨ ਦੀ ਸੂਰਤਗੜ੍ਹ 'ਚ ਮੌਤ
ਇਸ ਸਬੰਧੀ ਮ੍ਰਿਤਕ ਦੇ ਦਾਦੇ ਦਾ ਕਹਿਣਾ ਕਿ ਉਨ੍ਹਾਂ ਦੇ ਪੋਤੇ ਨੂੰ ਦੇਸ਼ ਦੀ ਸੇਵਾ ਕਰਨ ਦਾ ਜ਼ਜਬਾ ਸੀ,ਜਿਸ ਕਾਰਨ ਉਸ ਨੇ ਫੌਜ ਦੀ ਨੌਕਰੀ ਚੁਣੀ ਸੀ। ਉਨ੍ਹਾਂ ਦੱਸਿਆ ਕਿ ਪੋਤਰੇ ਦੀ ਪੁਲਿਸ 'ਚ ਵੀ ਚੋਣ ਹੋ ਰਹੀ ਸੀ, ਪਰ ਉਹ ਫੌਜ 'ਚ ਹੀ ਗਿਆ। ਉਨ੍ਹਾਂ ਦਾ ਕਹਿਣਾ ਕਿ ਜਦੋਂ ਆਖਰੀ ਵਾਰ ਉਸ ਨਾਲ ਗੱਲ ਹੋਈ ਸੀ ਤਾਂ ਉਹ ਬਹੁਤ ਖੁਸ਼ ਸੀ ਅਤੇ ਕੋਈ ਵੀ ਪਰੇਸ਼ਾਨੀ ਨਹੀਂ ਸੀ। ਪਰਿਵਾਰ ਦਾ ਕਹਿਣਾ ਕਿ ਮੌਤ ਦੇ ਕਾਰਨਾਂ ਦਾ ਨਹੀਂ ਪਤਾ ਲੱਗ ਸਕਿਆ।