ਕੱਲ੍ਹ ਨਿੱਜੀ ਹਸਪਤਾਲ ਰਹਿਣਗੇ ਬੰਦ, ਆਈਐਮਏ ਦੇ ਸੱਦੇ 'ਤੇ ਡਾਕਟਰਾਂ ਦੀ ਹੜਤਾਲ

ਇੰਡੀਅਨ ਮੈਡੀਕਲ ਐਸੋਸੀਏਸ਼ਨ ਦੇ ਸੱਦੇ 'ਤੇ ਕੱਲ੍ਹ ਯਾਨੀ ਮੰਗਲਵਾਰ ਨੂੰ ਨਿੱਜੀ ਹਸਪਤਾਲਾਂ ਦੇ ਡਾਕਟਰ ਮੁਕੰਮਲ ਹੜਤਾਲ 'ਤੇ ਰਹਿਣਗੇ। ਇਸ ਹੜਤਾਲ 'ਚ ਸਾਰੇ ਨਿੱਜੀ ਹਸਪਤਾਲਾਂ 'ਚ ਓਪੀਡੀ, ਐਮਰਜੈਂਸੀ ਸਾਰੀ ਸੁਵਿਧਾਵਾਂ ਬੰਦ ਰਹਿਣਗੀਆਂ।

ਲੁਧਿਆਣਾ: ਇੰਡੀਅਨ ਮੈਡੀਕਲ ਐਸੋਸੀਏਸ਼ਨ ਦੇ ਸੱਦੇ 'ਤੇ ਕੱਲ੍ਹ ਯਾਨੀ ਮੰਗਲਵਾਰ ਨੂੰ ਨਿੱਜੀ ਹਸਪਤਾਲਾਂ ਦੇ ਡਾਕਟਰ ਮੁਕੰਮਲ ਹੜਤਾਲ 'ਤੇ ਰਹਿਣਗੇ। ਇਸ ਹੜਤਾਲ 'ਚ ਸਾਰੇ ਨਿੱਜੀ ਹਸਪਤਾਲਾਂ 'ਚ ਓਪੀਡੀ, ਐਮਰਜੈਂਸੀ ਸਾਰੀ ਸੁਵਿਧਾਵਾਂ ਬੰਦ ਰਹਿਣਗੀਆਂ।

ਡਾਕਟਰ ਮਨੋਜ ਸੋਬਤੀ ਨੇ ਦੱਸਿਆ ਕਿ ਜਿਹੜੀ ਮੰਗਲਵਾਰ ਹੜਤਾਲ ਹੈ ਇਹ ਸਾਰੇ ਹੀ ਡਾਕਟਰਾਂ ਨੇ ਬੜੇ ਤੰਗ ਹੋ ਕੇ ਕਰ ਰਹੇ ਹਨ। ਉਨ੍ਹਾਂ ਨੇ ਕਿਹਾ ਕਿ 1 ਜੁਲਾਈ ਨੂੰ ਸਰਕਾਰ ਸੀਈਏ ਨੂੰ ਲਾਗੂ ਕਰਨ ਜਾ ਰਹੀ ਹੈ। ਜਿਸ ਦੇ ਵਿਰੋਧ 'ਚ ਇਹ ਹੜਤਾਲ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਦੱਸਿਆ ਕਿ ਸਰਕਾਰ ਨੇ ਇੱਕ ਤਰਫ ਹੋ ਕੇ ਇਸ ਐਕਟ ਨੂੰ ਲਾਗੂ ਕਰਨ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਇਹ ਐਕਟ ਡਾਕਟਰਾਂ 'ਤੇ ਲਾਗੂ ਹੋ ਰਿਹਾ ਹੈ ਜਿਸ ਦਾ ਪ੍ਰਭਾਵ ਆਮ ਲੋਕਾਂ 'ਤੇ ਪਵੇਗਾ।

ਉਨ੍ਹਾਂ ਕਿਹਾ ਕਿ ਇਸ ਐਕਟ ਨਾਲ ਇੰਸਪੈਕਟਰੀ ਰਾਜ ਲਾਗੂ ਹੋ ਜਾਵੇਗਾ। ਇਸ ਨਾਲ ਨਿੱਜੀ ਹਸਪਤਾਲਾਂ ਦਾ ਚਾਰਜ ਸਿੱਧਾ ਸਰਕਾਰੀ ਅਫਸਰਾਂ ਦੇ ਕੋਲ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਇਸ ਐਕਟ ਤੋਂ ਬਾਅਦ ਵੀ ਨਿੱਜੀ ਹਸਪਤਾਲਾਂ ਦਾ ਇਲਾਜ ਮਹਿੰਗਾ ਹੋ ਜਾਵੇਗਾ ਜਿਸ ਨਾਲ ਆਮ ਲੋਕਾਂ ਪ੍ਰਭਾਵਿਤ ਹੋਣਗੇ। ਇਸ ਦੇ ਨਾਲ 10 ਬੈਡਾਂ ਵਾਲੇ ਹਸਪਤਾਲ ਬੰਦ ਹੋਣ ਜਾਣਗੇ।

ਉਨ੍ਹਾਂ ਕਿਹਾ ਕਿ ਇਹ ਐਕਟ ਹੁਣ ਤਕ ਭਾਰਤ ਦੀ 15 ਸਟੇਟ 'ਚ ਲਾਗੂ ਹੋ ਚੁੱਕਾ ਹੈ ਜਿਸ ਚੋਂ 2 ਸਟੇਟ ਦਾ ਕੋਰਟ 'ਚ ਕੇਸ ਵੀ ਚੱਲ ਰਿਹਾ।

ਇਹ ਵੀ ਪੜ੍ਹੋ:ਖੇਤੀ ਸੁਧਾਰ ਦੇ 'ਕਾਲੇ ਆਰਡੀਨੈਂਸ' 'ਚ ਅਕਾਲੀ ਦਲ ਤੇ ਕਾਂਗਰਸ ਦੇ ਰਹੇ ਕੇਂਦਰ ਦਾ ਸਾਥ: ਬੈਂਸ