ਲੁਧਿਆਣਾ:ਪੰਜਾਬ ਦੇ ਵਿੱਚ ਹੁਣ ਸਬਜ਼ੀਆਂ (Now vegetables in Punjab) ਲਈ ਕੀਮਤਾਂ ਵਿੱਚ ਬੀਤੇ ਦਿਨਾਂ ਨਾਲੋਂ ਕੁਝ ਕਟੌਤੀ ਦੇਖਣ ਨੂੰ ਮਿਲੀ ਹੈ। ਦਰਅਸਲ ਮੰਡੀ ਦੇ ਵਿੱਚ ਸਬਜ਼ੀਆਂ (Vegetables in the market) ਦੀ ਕੀਮਤਾਂ ਕੁਝ ਹੋਰ ਜਦੋਂਕਿ ਗਲੀ ਮੁਹੱਲਿਆਂ ਦੇ ਵਿੱਚ ਰੇਹੜੀ ਜਾਂ ਫਿਰ ਦੁਕਾਨਾਂ ਤੇ ਰਿਟੇਲ ਵਿਚ ਵੇਚ ਰਹੇ ਸਬਜ਼ੀਆਂ ਦੀਆਂ ਕੀਮਤਾਂ ਦੇ ਵਿੱਚ ਵੱਡਾ ਫ਼ਰਕ ਹੈ। ਕਿਉਂਕਿ ਗਰਮੀ ਕਰਕੇ ਸਬਜ਼ੀਆਂ ਖਰਾਬ ਹੋ ਜਾਂਦੀਆਂ ਹਨ। ਇਸ ਕਰਕੇ ਮੰਡੀਆਂ ਵਿੱਚ ਸਬਜ਼ੀ (vegetables) ਸਸਤੀ ਮਿਲ ਰਹੀ ਹੈ, ਜਦੋਂਕਿ ਰਿਟੇਲ ਦੇ ਵਿੱਚ ਸਬਜ਼ੀਆਂ ਮਹਿੰਗੀਆਂ ਹਨ।
ਇਸ ਮੌਕੇ ਦੁਕਾਨਦਾਰਾਂ ਨੇ ਕਿਹਾ ਕਿ ਆਉਣ ਵਾਲੇ ਦਿਨਾਂ ਵਿੱਚ ਹੋਰ ਰੇਟ ਘੱਟ ਹੋਣ ਦੀ ਉਮੀਦ, ਜਿਹੜੀ ਸਬਜੀ ਹੋਲਸੇਲ ਵਿੱਚ 30 ਰੁਪਏ, ਰਿਟੇਲ ਵਿੱਚ ਵਿਕਦੀ ਹੈ 60 ਰੁਪਏ, ਜ਼ੇਕਰ ਹਰੀ ਮਿਰਚ ਥੋਕ ਬਜ਼ਾਰ ਵਿੱਚ 25 ਤੋਂ 30 ਰੁਪਏ ਕਿਲੋ ਤਾਂ ਰਿਟੇਲ ਵਿੱਚ ਵਿਕਦੀ ਹੈ 60 ਰੁਪਏ, ਘੀਆ ਥੋਕ ਵਿੱਚ 10-12 ਅਤੇ ਰਿਟੇਲ ਵਿੱਚ 50-60, ਨਿੰਬੂ ਥੋਕ ਵਿਚ 100-120 ਅਤੇ ਰਿਟੇਲ ਵਿੱਚ 200, ਹਰੀ ਮਿਰਚ ਥੋਕ ਵਿਚ 25-30 ਅਤੇ ਰਿਟੇਲ ਵਿੱਚ 60, ਸ਼ਿਮਲਾ ਮਿਰਚ ਥੋਕ 25-30 ਅਤੇ ਰਿਟੇਲ ਵਿੱਚ 60 ਵਿਕ ਰਹੀ ਹੈ।
| ਸਬਜੀ | ਥੋਕ | ਰਿਟੇਲ |
| ਹਰੀ ਮਿਰਚ | 25-30 | 60 |
| ਸ਼ਿਮਲਾ ਮਿਰਚ | 25-30 | 60 |
| ਘੀਆ | 10-12 | 50-60 |
| ਨਿੰਬੂ | 100-120 | 200 |
ਲੋਕਲ ਸਬਜ਼ੀਆਂ ਨੇ ਘਟਾਈਆਂ ਕੀਮਤਾਂ:ਮੰਡੀ ਵਿੱਚ ਥੋਕ ਵਪਾਰੀਆਂ ਨੇ ਕਿਹਾ ਹੈ ਕਿ ਹੁਣ ਲੋਕਲ ਸਬਜ਼ੀ ਆਉਣ ਲੱਗ ਗਈ ਹੈ। ਜਿਸ ਕਰਕੇ ਸਬਜ਼ੀਆਂ ਦੀ ਕੀਮਤਾਂ ਵਿੱਚ ਕਟੌਤੀ ਵੇਖਣ ਨੂੰ ਮਿਲੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਸਬਜ਼ੀ ਮੰਡੀ ਦੇ ਵਿੱਚ ਕੀਮਤਾਂ ਕੁਝ ਹੋਰ ਅਤੇ ਰਿਟੇਲ ਵਿਚ ਕੀਮਤਾਂ ਦੇ ਅੰਦਰ ਕਾਫ਼ੀ ਫ਼ਰਕ ਹੁੰਦਾ ਹੈ। ਕਿਉਂਕਿ ਰਿਟੇਲ ਵਿਕਰੇਤਾ ਨੇ ਸਬਜ਼ੀ ਘੱਟ ਲੈਣੀ ਹੁੰਦੀ ਹੈ ਅਤੇ ਉਸ ਦੀ ਸਬਜ਼ੀ ਖ਼ਰਾਬ ਹੋਣ ਦਾ ਰਿਸਕ ਰਹਿੰਦਾ ਹੈ। ਕਿਉਂਕਿ ਗਰਮੀ ਲਗਾਤਾਰ ਵਧਦੀ ਜਾ ਰਹੀ ਹੈ।