ਲੁਧਿਆਣਾ :ਲਗਾਤਾਰ ਪੰਜਾਬ ਵਿਚ ਵੱਧ ਰਹੀ ਗਰਮੀ ਨਾਲ ਤਾਪਮਾਨ 42 ਡਿਗਰੀ ਤੋਂ ਪਾਰ ਚਲਾ ਜਾਦਾ ਹੈ। ਦੂਸਰੇ ਪਾਸੇ ਬਿਜਲੀ ਦੇ ਕੱਟਾਂ ਤੋਂ ਲੋਕ ਪ੍ਰੇਸ਼ਾਨ ਹੋ ਰਹੇ ਹਨ। ਕਈ ਇਲਾਕਿਆਂ ਵਿੱਚ ਤਾਂ ਬਿਜਲੀ ਦੇ 10 ਤੋਂ 12 ਘੰਟੇ ਲੰਬੇ ਕੱਟ ਲੱਗ ਰਹੇ ਹਨ। ਬਿਜਲੀ ਨਾ ਆਉਣ ਤੇ ਲੋਕਾਂ ਵੱਲੋਂ ਸਰਕਾਰ ਦੇ ਖਿਲਾਫ ਸੜਕਾਂ ਤੇ ਉਤਰ ਰੋਸ਼ ਪ੍ਰਦਸ਼ਨ ਵੀ ਕਰਨੇ ਪੈ ਰਹੇ ਹਨ।
ਗਰਮੀ ਤੋਂ ਬਚਨ ਲਈ ਕਰਜੇ 'ਤੇ ਇੰਨਵੇਟਰ ਖ੍ਰੀਦ ਰਹੇ ਲੋਕ
ਲੋਕਾਂ ਵੱਲੋਂ ਦਸਿਆ ਗਿਆ ਕਿ ਬਾਹਰ ਕੜਕਦੀ ਧੁੱਪ ,ਘਰ ਵਿੱਚ ਲਾਈਟ ਨਾ ਆਉਣ 'ਤੇ ਛੋਟੇ ਬੱਚਿਆਂ ਲਈ ਮੁਸ਼ਕਿਲ ਬਣੀ ਹੋਈ ਹੈ। ਲਗਾਤਾਰ ਬਿਜਲੀ ਦੇ ਕੱਟ ਲੱਗਣ ਅਤੇ ਗਰਮੀ ਤੋਂ ਬਚਨ ਲਈ ਲੋਕ ਹੁਣ ਇੰਨਵੇਟਰ ਖਰੀਦ ਕੇ ਸਹਾਰਾ ਲੈ ਰਹੇ ਹੈ ਤਾਂ ਕਿ ਗਰਮੀ ਤੋਂ ਬਚਨ ਲਈ ਪੱਖੇ ਤਾਂ ਚੱਲ ਸਕਣ।, ਕਈ ਲੋਕਾਂ ਨੇ ਕਿਹਾ ਲੋਕਡਾਊਨ ਕਾਰਨ ਮੰਦੀ ਦੀ ਮਾਰ ਪਈ ਹੈ ਇਸ ਲਈ ਇੰਨਵੇਟਰ ਕਰਜਾ ਲੈ ਕੇ ਕਿਸਤਾਂ 'ਤੇ ਖਰੀਦ ਰਹੇ ਹਨ ਤਾਂ ਜੋ ਗਰਮੀ ਤੋਂ ਰਾਹਤ ਮਿਲ ਸਕੇ l