ਲੁਧਿਆਣਾ: ਢੋਲੇਵਾਲ ਪੁਲ ਦੇ ਹੇਠ ਉਸ ਵੇਲੇ ਹਾਦਸਾ ਵਾਪਰ ਗਿਆ, ਜਦੋਂ ਰੇਲ ਹੇਠਾਂ ਆਉਣ ਨਾਲ ਇੱਕ ਵਿਅਕਤੀ ਦੀ ਮੌਤ ਹੋ ਗਈ, ਜਦੋਂ ਕਿ ਦੂਜਾ ਵਿਅਕਤੀ ਜ਼ਖਮੀ ਹੋ ਗਿਆ।
ਵੇਖੋ ਵੀਡੀਓ
ਸਥਾਨਕ ਲੋਕਾਂ ਨੇ ਦੱਸਿਆ ਕਿ ਚਾਰ ਲੋਕ ਲਾਈਨਾਂ 'ਤੇ ਬੈਠੇ ਸਨ ਅਤੇ ਚਾਰਾਂ ਨੇ ਨਸ਼ਾ ਕੀਤਾ ਹੋਇਆ ਸੀ, ਜਦੋਂ ਰੇਲ ਆਈ ਤਾਂ ਦੋ ਵਿਅਕਤੀ ਤਾਂ ਪਹਿਲਾਂ ਹੀ ਸਾਈਡ ਹੋ ਗਏ ਪਰ ਇੱਕ ਲਾਈਨਾਂ 'ਤੇ ਬੈਠਾ ਰਿਹਾ। ਉਸ ਦੀ ਰੇਲ ਦੀ ਲਪੇਟ 'ਚ ਆਉਣ ਕਾਰਨ ਮੌਕੇ 'ਤੇ ਹੀ ਮੌਤ ਹੋ ਗਈ, ਜਦੋਂਕਿ ਦੂਜਾ ਜ਼ਖਮੀ ਹੋ ਗਿਆ।
ਇੱਕ ਹਫ਼ਤੇ ਦੇ ਵਿੱਚ ਲੁਧਿਆਣਾ ਲਾਈਨਾਂ 'ਤੇ ਇਹ ਦੂਜਾ ਹਾਦਸਾ ਵਾਪਰਿਆ ਹੈ। ਇਸ ਤੋਂ ਪਹਿਲਾਂ ਗਿਆਸਪੁਰਾ ਫਾਟਕਾਂ 'ਤੇ ਲਾਪਰਵਾਹੀ ਕਾਰਨ ਤਿੰਨ ਲੋਕਾਂ ਦੀ ਮੌਤ ਹੋ ਗਈ ਸੀ।