ਅੰਮ੍ਰਿਤਸਰ : ਏਐਸਆਈ (ASI) ਦਿਲਬਾਗ ਸਿੰਘ ਦੀ ਗੱਡੀ ਦੇ ਥੱਲੇ ਆਈਈਡੀ (ਬੰਬ) ਪਲਾਂਟ ਕਰਨ ਵਾਲੇ ਮੁੱਖ ਆਰੋਪੀ ਯੁਵਰਾਜ ਸੱਭਰਵਾਲ ਨੂੰ ਪਨਾਹ ਦੇਣ ਦੇ ਦੋਸ਼ ਵਿੱਚ ਇੱਕ ਨੌਜਵਾਨ ਨੂੰ ਗ੍ਰਿਫਤਾਰ ਕੀਤਾ ਹੈ।ਜਿਸ ਦੀ ਸ਼ਨਾਖਤ ਵਾਸੀ ਫਗਵਾੜਾ ਅਵੀ ਸੇਠੀ ਦੇ ਰੂਪ 'ਚ ਹੋਈ ਹੈ ਪੁਲਿਸ ਨੇ ਮੁਲਜ਼ਮ ਨੂੰ ਇਕ ਦਿਨ ਦੇ ਰਿਮਾਂਡ ਤੇ ਵੀ ਲਿਆ ਹੈ, ਪੂਰੇ ਮਾਮਲੇ ਨੂੰ ਲੈ ਕੇ ਉਸ ਕੋਲੋਂ ਪੁੱਛਗਿੱਛ ਕੀਤੀ ਜਾਵੇਗੀ।
ASI ਦੀ ਕਾਰ ਥੱਲੇ ਬੰਬ ਲਗਾਉਣ ਵਾਲੇ ਮਾਮਲੇ ਵਿੱਚ 1 ਗ੍ਰਿਫਤਾਰ
ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਸੀਆਈਏ ਸਟਾਫ਼ ਦੇ ਅਧਿਕਾਰੀ ਬੇਅੰਤ ਜੁਨੇਜਾ ਨੇ ਦੱਸਿਆ ਕਿ ਬੀਤੀ 15 - 16 ਅਗਸਤ ਨੂੰ ਅੰਮ੍ਰਿਤਸਰ ਦੇ ਸਬ ਇੰਸਪੈਕਟਰ ਦਿਲਬਾਗ ਸਿੰਘ ਦੀ ਗੱਡੀ ਦੇ ਵਿਚ ਮੋਬਾਇਲ ਦੇ ਨਾਲ ਅਟੈਚ ਕਰ ਕੇ ਆਈਈਡੀ ਲਾਉਣ ਦੀ ਸਾਜ਼ਿਸ਼ ਰਚੀ ਗਈ ਸੀ। ਜਿਸ ਦੇ ਵਿਚ ਮੁੱਖ ਮੁਲਜ਼ਮ ਯੁਵਰਾਜ ਸਿੰਘ ਸੀ ਨੂੰ ਪਨਾਹ ਦੇਣ ਵਾਲੇ ਫਗਵਾੜਾ ਵਾਸੀ ਅਵੀ ਸੇਠੀ ਨੂੰ ਗ੍ਰਿਫਤਾਰ ਕੀਤਾ ਹੈ। ਜੋ ਲੁਧਿਆਣਾ ਗਿੱਲ ਰੋਡ ਤੇ ਸਥਿਤ ਬਿਜਲੀ ਘਰ 'ਚ ਬਤੌਰ ਕੱਚਾ ਮੁਲਾਜ਼ਮ ਤੈਨਾਤ ਹੈ।