ਲੁਧਿਆਣਾ ਦੇ ਸਨਅਤਕਾਰਾਂ ਦੀ ਇਸ ਵਾਰ ਦੀਵਾਲੀ ਫਿੱਕੀ

ਕਿਸਾਨ ਅੰਦੋਲਨ, ਮਾਲ ਗੱਡੀਆਂ ਬੰਦ ਹੋਣ ਕਾਰਨ ਲੁਧਿਆਣਾ ਦੀ ਇੰਡਸਟਰੀ ਲਗਾਤਾਰ ਘਾਟੇ ਵੱਲ ਜਾ ਰਹੀ ਹੈ। ਮਾਲਗੱਡੀਆਂ ਬੰਦ ਹੋਣ ਕਰਕੇ ਵਪਾਰੀਆਂ ਦਾ ਬਣਿਆ ਮਾਲ ਬਾਹਰ ਨਹੀਂ ਜਾ ਰਿਹਾ। ਉਨ੍ਹਾਂ ਨੂੰ ਵੱਡਾ ਘਾਟਾ ਸਹਿਣਾ ਪੈ ਰਿਹਾ ਹੈ ਅਤੇ ਉਨ੍ਹਾਂ ਦੇ ਦਿਵਾਲੀ ਦੇ ਰੰਗ ਫਿੱਕੇ ਹੋ ਗਏ ਹਨ।

ਲੁਧਿਆਣਾ: ਕਿਸਾਨ ਅੰਦੋਲਨ, ਮਾਲ ਗੱਡੀਆਂ ਬੰਦ ਹੋਣ ਕਾਰਨ ਲੁਧਿਆਣਾ ਦੀ ਇੰਡਸਟਰੀ ਲਗਾਤਾਰ ਘਾਟੇ ਵੱਲ ਜਾ ਰਹੀ ਹੈ। ਲੁਧਿਆਣਾ ਵਿੱਚ ਕੱਪੜਿਆਂ ਦੀ ਇੰਡਸਟਰੀ ਇਸ ਵਾਰ ਵੱਡੇ ਘਾਟੇ ਵਿੱਚ ਹੈ ਕਿਉਂਕਿ ਮਾਲਗੱਡੀਆਂ ਬੰਦ ਹੋਣ ਕਰਕੇ ਵਪਾਰੀਆਂ ਦਾ ਬਣਿਆ ਮਾਲ ਬਾਹਰ ਨਹੀਂ ਜਾ ਰਿਹਾ। ਲੁਧਿਆਣਾ ਤੋਂ ਊਨੀ ਕੱਪੜਾ ਜੰਮੂ-ਕਸ਼ਮੀਰ, ਹਰਿਆਣਾ, ਹਿਮਾਚਲ ਅਤੇ ਹੋਰਨਾ ਸੂਬਿਆਂ ਦੇ ਵਿੱਚ ਜਾਂਦਾ ਹੈ ਪਰ ਇਸ ਵਾਰ ਉਨ੍ਹਾਂ ਨੂੰ ਵੱਡਾ ਘਾਟਾ ਸਹਿਣਾ ਪੈ ਰਿਹਾ ਹੈ ਅਤੇ ਉਨ੍ਹਾਂ ਦੇ ਦਿਵਾਲੀ ਦੇ ਰੰਗ ਫਿੱਕੇ ਹੋ ਗਏ ਹਨ।

ਲੁਧਿਆਣਾ ਨਿੱਟਵੀਅਰ ਕਾਰਪੋਰੇਸ਼ਨ ਦੇ ਪ੍ਰਧਾਨ ਵਿਨੋਦ ਥਾਪਰ ਨੇ ਕਿਹਾ ਕਿ 5 ਹਜ਼ਾਰ ਕਰੋੜ ਦਾ ਇਸ ਵਾਰ ਘਾਟਾ ਪੈਣ ਵਾਲਾ ਹੈ। ਉਨ੍ਹਾਂ ਕਿਹਾ ਕਿ ਉਹਨਾਂ ਦਾ ਕੰਮ ਸੀਜ਼ਨ ਨਾਲ ਸਬੰਧਤ ਹੈ ਪਰ ਇਸ ਸਾਲ ਆਰਡਰ ਬਾਹਰ ਨਹੀਂ ਜਾ ਪਾ ਰਹੇ ਜਿਸ ਕਾਰਨ ਉਨ੍ਹਾਂ ਨੂੰ ਵੱਡਾ ਨੁਕਸਾਨ ਹੋ ਰਿਹਾ ਹੈ। ਉਹਨਾਂ ਕਿਹਾ ਕਿ ਇਸ ਸਾਲ ਦੀਵਾਲੀ ਫਿੱਕੀ ਰਹਿਣ ਵਾਲੀ ਹੈ, ਉਨ੍ਹਾਂ ਕਿਹਾ ਕਿ ਛੋਟੇ ਕਾਰੋਬਾਰ ਖ਼ਾਸ ਤੌਰ 'ਤੇ ਬਿਲਕੁਲ ਖਤਮ ਹੋਣ ਕੰਡੇ ਹਨ। ਛੋਟੀਆਂ ਫੈਕਟਰੀਆਂ ਬੰਦ ਹੋ ਰਹੀਆਂ ਹੈ। ਉੱਧਰ ਇੰਟਰਨੈਸ਼ਨਲ ਸਾਇਕਲ ਗੇਆਰ ਦੇ ਮਲਿਕ ਭਾਰਤ ਭੂਸ਼ਣ ਨੇ ਦੱਸਿਆ ਕਿ ਕਿਵੇਂ ਸਾਇਕਲ ਇੰਡਸਟਰੀ ਕਰੋਨਾ ਦੇ ਦੌਰਾਨ ਕਾਫ਼ੀ ਵੱਧੀ ਫੁੱਲੀ ਸੀ ਪਰ ਹੁਣ ਕੰਟੇਨਰ ਰੁੱਕੇ ਹੋਏ ਹੈ ਅਤੇ ਆਰਡਰ ਬਾਹਰ ਨਹੀਂ ਜਾ ਰਹੇ।