ਲੁਧਿਆਣਾ :ਖੰਨਾ ਦੀ ਗਿੱਲ ਕਲੋਨੀ ਵਿੱਚ ਸਵੇਰ ਵੇਲੇ ਇਕ ਲਾਸ਼ ਮਿਲਣ ਨਾਲ ਸਨਸਨੀ ਫੈਲ ਗਈ ਮ੍ਰਿਤਕ ਸਬਜ਼ੀ ਵਿਕਰੇਤਾ ਸੀ ਅਤੇ ਉਸ ਦਾ ਕਤਲ ਕੀਤਾ ਗਿਆ ਹੈ ਪਰਿਵਾਰ ਦੇ ਅਨੁਸਾਰ ਮ੍ਰਿਤਕ ਆਪਣੇ ਪੈਸੇ ਲੈਣ ਲਈ ਗਿਆ ਸੀ ਅਤੇ ਘਰ ਵਾਪਸ ਨਹੀਂ ਆਇਆ ਘਟਨਾ ਦੀ ਸੂਚਨਾ ਮਿਲਦੇ ਹੀ ਪੁਲਿਸ ਮੌਕੇ 'ਤੇ ਪਹੁੰਚੀ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ।
ਪੈਸੇ ਲੈਣ ਦੇਣ ਨੂੰ ਲੈ ਕੇ ਹੋਇਆ ਕਤਲ
ਮ੍ਰਿਤਕ ਦੀ ਪਹਿਚਾਣ ਸਬਜ਼ੀ ਵੇਚਣ ਵਾਲੇ ਮਿੱਥਲੇਸ ਰਾਏ ਦੇ ਤੌਰ 'ਤੇ ਹੋਈ ਹੈ। ਮ੍ਰਿਤਕ ਦੇ ਪਰਿਵਾਰ ਵਾਲਿਆਂ ਨੇ ਦੱਸਿਆ ਕਿ ਮ੍ਰਿਤਕ ਰਾਤ ਨੂੰ ਦਿੱਤੇ ਹੋਏ ਪੈਸੇ ਲੈਣ ਦੇ ਲਈ ਘਰ ਇਹ ਕਹਿ ਕੇ ਨਿਕਲ ਗਿਆ ਸੀ ਕਿ ਉਹ ਪੈਸੇ ਲੈ ਕੇ ਹੀ ਵਾਪਸ ਆਵੇਗਾ ਦਰਵਾਜ਼ਾ ਬੰਦ ਨਾ ਕਰਨਾ। ਜਦੋਂ ਉਹ ਰਾਤ ਭਰ ਘਰ ਨਹੀਂ ਆਇਆ ਤਾਂ ਸਵੇਰੇ ਜਦੋਂ ਬੱਚੇ ਆਪਣੇ ਦਾਦੇ ਦੇ ਘਰ ਪਤਾ ਕਰਨ ਲਈ ਜਾ ਰਹੇ ਸਨ ਤਾਂ ਰਸਤੇ ਵਿੱਚ ਪਿਤਾ ਦੀ ਲਾਸ਼ ਦੇ ਬਾਰੇ ਪਤਾ ਲੱਗਿਆ, ਮ੍ਰਿਤਕ ਮਿਥਲੇਸ਼ ਦੇ ਚਾਰ ਬੱਚੇ ਹਨ।