ਲੁਧਿਆਣਾ: ਪਿਛਲੇ ਦਿਨੀਂ ਨੂਰ ਵਾਲਾ ਰੋਡ ਦੇ ਇੱਕ ਘਰ 'ਚ ਚੋਰੀ ਹੋਈ ਸੀ ਜਿਸ ਨੂੰ ਪੁਲਿਸ ਨੇ ਅੱਜ ਸੁਲਝਾ ਲਿਆ ਹੈ। ਇਸ ਚੋਰੀ ਦੇ ਮਾਮਲੇ 'ਚ ਚੋਰਾਂ ਨੇ ਚੋਰੀ ਨੂੰ ਅੰਜਾਮ ਨਹੀਂ ਦਿੱਤਾ ਸੀ ਉਸ ਘਰ ਦੀ ਹੀ ਨੂੰਹ ਨੇ ਚੋਰੀ ਦਾ ਡਰਾਮਾ ਰਚਿਆ ਸੀ।
ਪੁਲਿਸ ਨੇ 5 ਲੱਖ ਤੇ ਗਹਿਣਿਆਂ ਦੀ ਚੋਰੀ ਦੀ ਵਾਰਦਾਤ ਨੂੰ ਸੁਲਝਾਇਆ,ਘਰ ਦੀ ਨੂੰਹ ਨੇ ਹੀ ਰਚਿਆ ਸੀ ਡਰਾਮਾ
ਪੁਲਿਸ ਨੇ ਦੱਸਿਆ ਕਿ 15 ਜੂਨ ਨੂੰ ਜੋਧੇਵਾਲ ਥਾਣੇ 'ਚ ਚੋਰੀ ਦੀ ਇੱਕ ਐਫਆਈਆਰ ਦਰਜ ਹੋਈ ਸੀ ਜੋ ਕਿ ਗੁਰਦੇਵ ਸਿੰਘ ਨਾਂਅ ਦੇ ਵਿਅਕਤੀ ਨੇ ਦਰਜ ਕਰਵਾਈ ਸੀ। ਇਸ ਐਫਆਈਆਰ 'ਚ ਗੁਰਦੇਵ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦੀ ਨੂੰਹ ਰਸ਼ਮੀਤ ਕੌਰ ਜਦੋਂ ਘਰ 'ਚ ਇਕੱਲੀ ਸੀ ਉਸ ਸਮੇਂ ਕੁਝ ਔਰਤਾਂ ਨੇ ਉਸ 'ਤੇ ਹਮਲਾ ਕਰਕੇ ਉਨ੍ਹਾਂ ਦੇ ਘਰ ਚੋਂ 5 ਲੱਖ ਰੁਪਏ ਤੇ ਸੋਣੇ ਦੇ ਗਹਿਣੇ ਦੀ ਚੋਰੀ ਕਰ ਲਈ। ਇਸ ਘਟਨਾ ਤੋਂ ਬਾਅਦ ਪੁਲਿਸ ਨੇ ਇੱਕ ਵਿਸ਼ੇਸ਼ ਟੀਮ ਦਾ ਗਠਨ ਕੀਤਾ ਤੇ ਇਸ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕੀਤੀ।