Ludhiana news: ਇਲਾਕੇ 'ਚ ਹੇਕੜੀ ਦਿਖਾਉਣ ਲਈ ਗੱਡੀ 'ਤੇ ਲਾਏ ਵਿਧਾਇਕ ਦੇ ਜਾਅਲੀ ਸਟੀਕਰ, ਪੁਲਿਸ ਨੇ ਗੱਡੀਆਂ ਸਮੇਤ ਕੀਤੇ ਕਾਬੂ

ਜਾਅਲੀ ਵਿਧਾਇਕ ਅਤੇ ਬਾਰ ਕੌਂਸਲ ਦਿੱਲੀ ਦਾ ਸਟੀਕਰ ਲਗਾ ਇਲਾਕੇ ਵਿੱਚ ਗੇੜੀਆਂ ਮਾਰਨ ਵੱਲੇ ਨੌਜਵਾਨਾਂ ਨੂੰ ਪੁਲਿਸ ਨੇ ਕਾਬੂ ਕੀਤਾ ਹੈ। ਪੁਲਿਸ ਨੇ ਮੁਲਜ਼ਮਾਂ ਤੋਂ 2 ਲਗਜ਼ਰੀ ਗੱਡੀਆਂ ਕੀਤੀਆਂ ਬਰਾਮਦ ਕੀਤੀਆਂ ਹਨ।(fake stickers of the MLA on the vehicle).

ਲੁਧਿਆਣਾ:ਲੁਧਿਆਣਾ ਦੇ ਵਿੱਚ ਐਮਐਲਏ ਅਤੇ ਬਾਰ ਐਸੋਸੀਏਸ਼ਨ ਦਿੱਲੀ ਦਾ ਜਾਅਲੀ ਸਟੀਕਰ ਲਾ ਕੇ ਗੱਡੀਆਂ 'ਤੇ ਘੁੰਮਣ ਵਾਲੇ ਤਿੰਨ ਨੌਜਵਾਨਾਂ ਨੂੰ ਥਾਣਾ ਡਿਵੀਜ਼ਨ ਨੰਬਰ 7 ਪੁਲਿਸ ਨੇ ਕਾਬੂ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ। ਪੁਲਿਸ ਨੇ ਇਹਨਾਂ ਪਾਸੋਂ ਦੋ ਗੱਡੀਆਂ ਵੀ ਬਰਾਮਦ ਕੀਤੀਆਂ ਨੇ ਜਿਨ੍ਹਾ 'ਚ ਇੱਕ ਫਾਰਚੂਨਰ ਅਤੇ ਦੂਜੀ ਥਾਰ ਹੈ, ਜਿਸ ਦੇ ਉੱਪਰ ਵਿਧਾਇਕ ਦਾ ਸਟੀਕਰ ਲੱਗਿਆ ਹੋਇਆ ਸੀ ਅਤੇ ਦੂਸਰੀ ਗੱਡੀ 'ਤੇ ਬਾਰ ਕੌਂਸਲ ਦਿੱਲੀ ਦਾ ਸਟੀਕਰ ਲੱਗਿਆ ਸੀ। ਪੁਲਿਸ ਨੂੰ ਇਸ ਸਬੰਧੀ ਗੁਪਤ ਸੂਚਨਾ ਮਿਲੀ ਸੀ, ਜਿਸ ਤੋਂ ਬਾਅਦ ਪੁਲਿਸ ਨੇ ਨਾਕੇਬੰਦੀ ਕਰਕੇ ਪਹਿਲਾਂ ਇੱਕ ਗੱਡੀ ਨੂੰ ਘੇਰ ਕੇ ਘਰ ਚਾਲਕ ਨੂੰ ਕਾਬੂ ਕੀਤਾ ਗਿਆ। ਜਿਸ ਤੋਂ ਬਾਅਦ ਉਸ ਦੀ ਪੁੱਛਗਿਛ ਤੋਂ ਬਾਅਦ ਦੂਜੀ ਗੱਡੀ ਵੀ ਉਹਨਾਂ ਦੇ ਘਰ ਵਿੱਚੋਂ ਬਰਾਮਦ ਕੀਤੀ ਗਈ, ਜਿਨਾਂ ਦੇ ਸ਼ੀਸ਼ੇ ਵੀ ਕਾਲੇ ਕੀਤੇ ਗਏ ਸਨ, ਜੋ ਕਿ ਗੈਰ ਕਾਨੂੰਨੀ ਹੈ। (fake stickers of the MLA on the vehicle)

ਇਲਾਕੇ ਵਿੱਚ ਰੋਹਬ ਮਾਰਣ ਲਈ ਕੀਤੀ ਕਰਤੂਤ:ਥਾਣਾ ਡਵੀਜ਼ਨ ਨੰਬਰ 7 ਦੀ ਪੁਲਿਸ ਨੇ ਇਹਨਾਂ ਮੁਲਜ਼ਮਾਂ ਨੂੰ ਕਾਬੂ ਕਰਨ ਤੋਂ ਬਾਅਦ ਅਦਾਲਤ ਵਿੱਚ ਪੇਸ਼ ਕੀਤਾ, ਹਾਲਾਂਕਿ ਪੁਲਿਸ ਇਸ ਮਾਮਲੇ ਸਬੰਧੀ ਜਾਂਚ ਜਾਰੀ ਹੈ। ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਇਹ ਗੱਡੀਆਂ ਦੇ ਮਾਲਿਕ ਪ੍ਰਾਪਰਟੀ ਦਾ ਕੰਮ ਕਰਨ ਵਾਲੇ ਹਨ, ਇਲਾਕੇ ਵਿੱਚ ਰੋਹਭ ਮਾਰਨ ਦੇ ਲਈ ਇਹਨਾਂ ਵੱਲੋਂ ਇਹ ਹਰਕਤ ਕੀਤੀ ਗਈ ਸੀ। ਪੁਲਿਸ ਨੂੰ ਇਸ ਦੀ ਕਿਸੇ ਨੇ ਸ਼ਿਕਾਇਤ ਕੀਤੀ ਸੀ, ਜਿਸ ਤੋਂ ਬਾਅਦ ਇਹ ਕਾਰਵਾਈ ਪੁਲਿਸ ਨੇ ਕੀਤੀ ਹੈ। ਪੁਲਿਸ ਇਸ ਮਾਮਲੇ ਦੇ ਵਿੱਚ ਬਹੁਤਾ ਕੁਝ ਬੋਲਣ ਨੂੰ ਵੀ ਤਿਆਰ ਨਹੀਂ ਹੈ ਕਿਉਂਕਿ ਮਾਮਲਾ ਹਾਈ ਪ੍ਰੋਫਾਈਲ ਹੈ ਅਤੇ ਕਿਸੇ ਕਾਰੋਬਾਰੀ ਦੇ ਨਾਲ ਸੰਬੰਧਿਤ ਦੱਸਿਆ ਜਾ ਰਿਹਾ ਹੈ।

ਗੁਪਤ ਸੂਚਨਾ ਦੇ ਆਧਾਰ 'ਤੇ ਕਾਰਵਾਈ :ਅਦਾਲਤ 'ਚ ਇਨ੍ਹਾਂ ਨੂੰ ਪੇਸ਼ ਕਰਨ ਆਏ ਪੁਲਿਸ ਅਧਿਕਾਰੀਆਂ ਨੇ ਕਿਹਾ ਕਿ ਗੁਪਤ ਸੂਚਨਾ ਦੇ ਆਧਾਰ 'ਤੇ ਇਹਨਾਂ ਆਰੋਪੀਆਂ ਨੂੰ ਕਾਬੂ ਕੀਤਾ ਗਿਆ ਹੈ, ਜਿਨਾਂ ਵੱਲੋਂ ਐਮਐਲਏ ਦਿਆਲਪੁਰਾ ਦਾ ਸਟੀਕਰ ਗੱਡੀ ਤੇ ਲਗਾਇਆ ਗਿਆ ਸੀ। ਕਿਹਾ ਕਿ ਇਹਨਾਂ ਪਾਸੋਂ ਪੁੱਛ ਪੜਤਾਲ ਜਾਰੀ ਹੈ, ਉਹਨਾਂ ਇਹ ਵੀ ਕਿਹਾ ਕਿ ਇਹਨਾਂ ਸਟੀਕਰ ਕਿੱਥੋਂ ਲਿਆ ਹੈ ਇਸ ਬਾਰੇ ਵੀ ਜਾਣਕਾਰੀ ਹਾਸਿਲ ਕੀਤੀ ਜਾ ਰਹੀ ਹੈ। ਉਹਨਾਂ ਇਹ ਵੀ ਕਿਹਾ ਕਿ ਇਲਾਕੇ ਵਿੱਚ ਟੋਹਰ ਮਾਰਨ ਦੇ ਲਈ ਇਹਨਾਂ ਨੇ ਸਟੀਕਰ ਲਗਾਇਆ ਸੀ ਫਿਲਹਾਲ ਪੁਲਿਸ ਨੇ ਇਸ ਸਬੰਧੀ ਮਾਮਲਾ ਦਰਜ ਕਰ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।