ਲੁਧਿਆਣਾ: ਜ਼ਿਲ੍ਹੇ ਦੇ ਨਗਰ ਨਿਗਮ ਵੱਲੋਂ ਵਰਤੋਂ 'ਚ ਲਿਆਂਦੀਆਂ ਗੱਡੀਆਂ ਤੇ ਪੈਟਰੋਲ-ਡੀਜ਼ਲ ਦੇ ਖਰਚੇ ਹੈਰਾਨ ਕਰਨ ਵਾਲੇ ਹਨ। ਦਰਅਸਲ ਇਨ੍ਹਾਂ ਖਰਚਿਆਂ ਦਾ ਖੁਲਾਸਾ ਜ਼ਿਲ੍ਹੇ ਦੇ ਨਾਮੀ ਆਰਟੀਆਈ ਐਕਟੀਵਿਸਟ ਰੋਹਿਤ ਸਭਰਵਾਲ ਵੱਲੋਂ ਪਾਈ ਆਰਟੀਆਈ 'ਚ ਹੋਇਆ ਹੈ। ਆਰਟੀਆਈ 'ਚ ਮਿਲੀ ਜਾਣਕਾਰੀ ਅਨੁਸਾਰ 17 ਮਹੀਨਿਆਂ 'ਚ ਲੁਧਿਆਣਾ ਨਗਰ ਨਿਗਮ ਵੱਲੋਂ 12 ਕਰੋੜ ਰੁਪਏ ਦੇ ਪੈਟਰੋਲ-ਡੀਜ਼ਲ ਦੀ ਖਪਤ ਕੀਤੀ ਗਈ ਹੈ।
17 ਮਹੀਨਿਆਂ 'ਚ ਲੁਧਿਆਣਾ ਨਗਰ ਨਿਗਮ ਵੱਲੋਂ ਫੂਕਿਆ ਗਿਆ 12 ਕਰੋੜ ਦਾ ਪੈਟਰੋਲ-ਡੀਜ਼ਲ
ਆਰਟੀਆਈ ਐਕਟੀਵਿਸਟ ਰੋਹਿਤ ਕੁਮਾਰ ਸਭਰਵਾਲ ਨੇ ਦੱਸਿਆ ਹੈ ਕਿ 17 ਮਹੀਨਿਆਂ 'ਚ 12 ਕਰੋਫ ਦਾ ਖ਼ਰਚ ਹੈਰਾਨ ਕਰਨ ਵਾਲਾ ਹੈ। ਉਨ੍ਹਾਂ ਕਿਹਾ ਕਿ ਕਾਰਪੋਰੇਸ਼ਨ ਅਕਸਰ ਹੀ ਫੰਡ ਨਾ ਹੋਣ ਦੀ ਦੁਹਾਈ ਦੇ ਕੇ ਵਿਕਾਸ ਕਾਰਜ ਪੂਰੇ ਨਹੀਂ ਕਰਵਾਉਂਦੀ। ਆਰਟੀਆਈ 'ਚ ਦੱਸਿਆ ਗਿਆ ਕਿ ਇਨ੍ਹੀ ਖਪਤ ਦਾ ਮੁੱਖ ਕਾਰਨ ਗੱਡੀਆਂ ਦਾ ਪੁਰਾਣਾ ਹੋਣਾ ਹੈ।