ਸਟੀਲ ਦੀਆਂ ਵਧੀਆਂ ਕੀਮਤਾਂ ਦੇ ਵਿਰੋਧ 'ਚ ਇੰਡਸਟਰੀ ਨੇ ਮੰਗੀ ਭੀਖ

ਲੁਧਿਆਣਾ ਦੀ ਸਟੀਲ ਇੰਡਸਟਰੀ (Steel industry) ਨੇ ਸਟੀਲ ਦੀਆਂ ਕੀਮਤਾਂ ਦੇ ਵਿਰੋਧ ਵਿਚ ਭੀਖ ਮੰਗ ਕੇ ਪੈਸੇ ਇੱਕਠੇ ਕੀਤੇ ਹਨ।ਉਨ੍ਹਾਂ ਨੇ ਕਿਹਾ ਹੈ ਕਿ ਇੱਕਠੇ ਕੀਤੇ ਪੈਸੇ ਪ੍ਰਧਾਨ ਮੰਤਰੀ (Prime Minister) ਮੋਦੀ ਨੂੰ ਭੇਜੇ ਜਾਣਗੇ।

ਲੁਧਿਆਣਾ:ਸਟੀਲ ਇੰਡਸਟਰੀ ਨੇ ਸਟੀਲ ਦੀਆਂ ਕੀਮਤਾਂ ਦੇ ਵਿਰੋਧ ਵਿਚ ਭੀਖ ਮੰਗ ਕੇ ਪੈਸੇ ਇੱਕਠੇ ਕੀਤੇ ਹਨ।ਉਨ੍ਹਾਂ ਨੇ ਕਿਹਾ ਹੈ ਕਿ ਇੱਕਠੇ ਕੀਤੇ ਪੈਸੇ ਪ੍ਰਧਾਨ ਮੰਤਰੀ (Prime Minister) ਮੋਦੀ ਨੂੰ ਭੇਜੇ ਜਾਣਗੇ।
ਸਟੀਲ ਦੇ ਲਗਾਤਾਰ ਵੱਧ ਰਹੇ ਰੇਟਾਂ ਤੋਂ ਪ੍ਰੇਸ਼ਾਨ ਇੰਡਸਟਰੀ (Industry) ਵੱਲੋਂ ਕੀਤੇ ਜਾ ਰਹੇ ਰੋਸ ਪ੍ਰਦਰਸ਼ਨਾਂ ਦੀ ਲੜੀ ਹੇਠ ਲੁਧਿਆਣਾ ਦੇ ਉਦਯੋਗਪਤੀਆਂ ਵੱਲੋਂ ਗਿੱਲ ਰੋਡ ਸਥਿਤ ਯੂਸੀਪੀਐਮਏ ਦਫ਼ਤਰ ਦੇ ਬਾਹਰ ਭੀਖ ਮੰਗੀ ਗਈ। ਜਿਨ੍ਹਾਂ ਨੇ ਇਸ ਮੌਕੇ ਗੱਡੀਆਂ ਰੋਕ-ਰੋਕ ਕੇ ਲੋਕਾਂ ਕੋਲੋਂ ਪੈਸੇ ਮੰਗੇ।

ਇਸ ਮੌਕੇ ਉਦਯੋਗਪਤੀਆਂ ਨੇ ਇਲਜ਼ਾਮ ਲਾਇਆ ਕਿ ਸਟੀਲ ਦੇ ਰੇਟ ਲਗਾਤਾਰ ਵਧ ਰਹੇ ਹਨ। ਜਿਸ ਕਾਰਨ ਹੁਣ ਇੰਡਸਟਰੀ ਚਲਾਉਣੀ ਔਖੀ ਹੋ ਗਈ ਹੈ। ਉਹ ਬੀਤੇ ਕਈ ਦਿਨਾਂ ਤੋਂ ਪ੍ਰਦਰਸ਼ਨ ਕਰ ਰਹੇ ਹਨ।ਲੋਕਾਂ ਤੋਂ ਭੀਖ ਮੰਗਣੀ ਪੈ ਰਹੀ ਹੈ ਤਾਂ ਜੋ ਰੁਪਏ ਇਕੱਠੇ ਕਰਕੇ ਮੋਦੀ ਸਾਹਿਬ ਨੂੰ ਭੇਜੇ ਜਾ ਸਕਣ। ਉਨ੍ਹਾਂ ਐਲਾਨ ਕੀਤਾ ਕਿ ਜੇਕਰ ਇੰਡਸਟਰੀ ਦੀ ਗੱਲ ਸੁਣੀ ਗਈ ਨਾ ਤਾਂ 13 ਨਵੰਬਰ ਨੂੰ ਇੱਕ ਹਿਊਮਨ ਚੈਨ ਬਣਾਈ ਜਾਵੇਗੀ।ਸ਼ਹਿਰ ਦੇ ਵੱਖ-ਵੱਖ ਇੰਡਸਟਰੀ ਦੇ ਮਾਲਕਾਂ ਨੇ ਭੀਖ ਮੰਗੀ ਅਤੇ ਸਰਕਾਰ ਖਿਲਾਫ਼ ਨਾਅਰੇਬਾਜ਼ੀ ਕੀਤੀ।

ਇਹ ਵੀ ਪੜੋ:ਟ੍ਰੈਫਿਕ ਨਿਯਮਾਂ ਨੂੰ ਯਕੀਨੀ ਬਣਾਉਣ ਲਈ ਟ੍ਰੈਫਿਕ ਪੁਲਿਸ ਨੇ ਕੀਤਾ ਫਲੈਗ ਮਾਰਚ