ਲੁਧਿਆਣਾ: ਇਕ ਪਾਸੇ ਸਰਕਾਰ ਵੱਡੇ-ਵੱਡੇ ਦਾਅਵੇ ਕਰ ਰਹੀ ਹੈ ਕਿ ਮੰਡੀਆਂ ਵਿੱਚ ਕਣਕ ਦੀ ਸਾਂਭ ਸੰਭਾਲ ਦੇ ਪ੍ਰਬੰਧ ਮੁਕੰਮਲ ਹਨ। ਬੇਮੌਸਮੀ ਬਰਸਾਤ ਨੇ ਇਨ੍ਹਾਂ ਦਾਅਵਿਆਂ ਨੂੰ ਖੋਖਲਾ ਸਾਬਿਤ ਕਰ ਦਿੱਤਾ ਹੈ। ਇਸ ਸਮੇਂ ਅਨਾਜ ਮੰਡੀ ਪਾਇਲ ਵਿੱਚ ਕਣਕ ਪੂਰੀ ਤਰ੍ਹਾਂ ਬੋਰੀਆਂ ਵਿੱਚ ਭਰ ਚੁੱਕੀ ਹੈ ਪਰ ਉਸ ਦੀ ਜੋ ਲੋਡਿੰਗ ਦੇ ਪ੍ਰਬੰਧ ਹਨ ਉਹ ਮੁਕੰਮਲ ਦਿਖਾਈ ਨਹੀਂ ਦੇ ਰਹੇ ਹਨ।
ਵੇਖੋ ਵੀਡੀਓ
ਇਸ ਬਾਰੇ ਕਿਸਾਨਾਂ ਨੇ ਦੱਸਿਆ ਕਿ ਸਰਕਾਰ ਦੇ ਪ੍ਰਬੰਧ ਸਹੀ ਨਹੀਂ ਹਨ। ਸਰਕਾਰ ਆੜ੍ਹਤੀਆਂ ਅਤੇ ਕਿਸਾਨਾਂ ਨੂੰ ਦੋਸ਼ ਦੇ ਰਹੀ ਹੈ ਜਦਕਿ ਮੰਡੀ ਵਿੱਚ ਕਣਕ ਦੀ ਖਰੀਦ ਮੁਕੰਮਲ ਹੋ ਚੁੱਕੀ ਹੈ। ਇਸ ਨੂੰ ਸਹੀ ਟਾਈਮ 'ਤੇ ਸਟੋਰਾਂ ਵਿੱਚ ਭੇਜਣਾ ਵੀ ਚਾਹੀਦਾ ਹੈ।