ਸਾਹਨੇਵਾਲ: ਕੋਰੋਨਾ ਵਾਇਰਸ ਵਰਗੀ ਮਹਾਂਮਾਰੀ ਪੂਰੇ ਸੰਸਾਰ ਵਿੱਚ ਫੈਲੀ ਹੋਈ ਹੈ ਜਿਸ ਦੌਰਾਨ ਦੇਸ਼ ਭਰ ਵਿੱਚ ਲੌਕਡਾਊਨ ਲੱਗਿਆ ਹੋਇਆ ਹੈ। ਇਸ ਦੌਰਾਨ ਘਰ ਵਿੱਚ ਬੈਠੇ ਲੋਕਾਂ ਨੂੰ ਵੱਖ-ਵੱਖ ਤਰ੍ਹਾਂ ਦੀਆਂ ਬਿਮਾਰੀਆਂ ਨੇ ਜਕੜਨਾ ਸ਼ੁਰੂ ਕਰ ਦਿੱਤਾ ਹੈ।
ਜਿਵੇਂ ਕਿ ਮੋਟਾਪਾ, ਸੂਗਰ ਤੇ ਬਲੱਡਪ੍ਰੈਸ਼ਰ ਵਰਗੀਆਂ ਬਿਮਾਰੀਆਂ ਹੋ ਰਹੀਆਂ ਹਨ ਤੇ ਜਿਹੜੇ ਲੋੜਵੰਦ ਹੁੰਦੇ ਹਨ ਉਹ ਮਹਿੰਗਾ ਇਲਾਜ ਹੋਣ ਕਰਕੇ ਦਵਾਈ ਨਹੀਂ ਲੈ ਸਕਦੇ, ਉਨ੍ਹਾਂ ਦੀ ਮਦਦ ਲਈ ਬ੍ਰਹਮ ਸਾਗਰ ਆਯੂਰਵੈਦਿਕ ਦਵਾਖਾਨਾ ਦੇ ਵੈਦ ਹਰਭਜਨ ਸਿੰਘ ਅੱਗੇ ਆਏ ਹਨ ਉਹ ਖ਼ੁਦ ਦਵਾਈਆਂ ਬਣਾਉਂਦੇ ਹਨ ਤੇ ਲੋੜਵੰਦਾਂ ਨੂੰ ਮੁਫ਼ਤ ਵਿੱਚ ਦਿੰਦੇ ਹਨ।
ਹਰਭਜਨ ਸਿੰਘ ਆਪਣੇ ਹੱਥੀਂ ਜੜੀਆਂ ਬੁਟੀਆਂ ਨਾਲ ਦਵਾਈਆਂ ਤਿਆਰ ਕਰਦੇ ਹਨ ਤੇ ਲੋਕਾਂ ਨੂੰ ਘਰ ਜਾ ਕੇ ਆਪਣੇ ਕਿਰਾਏ 'ਤੇ ਦਵਾਈਆਂ ਪਹੁੰਚਾਉਂਦੇ ਹਨ।